1 SAMUEL 5:2 - ASII LAKDAP Bible (BSI)

² Raüta tsangshiq phra Prenkaü shomjam mong na lamthü wanto. Raüta kra sumla siim tiinap na tiichap toto.

Hawa Naga Bible 2001

² tsuingshiq shomc yuimx mungx nuex httax yaq tsuingshiq tishox Dagon hep nuex taq tueq.

1 SAMUEL 5:2 Referencias Cruzadas

1 KAÜWA WERAÜ 10:10

Tsangshiq raq apaiq rekhat chang miirii thun kra howan raüta, tsangshiqnok sumla phra shomnoq chang jam ashi na thü wanto. Kiimaq akhupo ka tsangshiq phra Dragon shomjam na paq wanto.

1 KAÜWA WERAÜ 10:8

Kra re riikhat jai maq naiqjai niishe, Philistainnok ka kiraüta re na ajiimrai maiqmaa phong kiiwa ta awii thun sepat lope kra tsuqkai kito. Kiimaq tsangshiq raq Saul nai asetiim maa phong ka Giboa pum na humto.

DANIEL 5:2

Tsangshiq ka che nyang lam maq, Belshajar raq awe Nebukadnejar raq Jerusalem Shomjam wa chaq nai kampho maq alo kok thun, nai nüchhong winpin kaütiim thun ahowan kra, lamwa rongkiq nguta aming kuqto. Hokhamwe raq kriithun tlamwataq kriika, asengi aki miikiimbi, kiimaq achaktiim, kiimaq achak nyungthap nyungre thun raq che tsümnyang ma nguta tlam wato.

DANIEL 5:23

Ümniiraq ramungtan na siti Shiikeawe shummii tlaü! Laüta apaiq Shomjam wa alam wan kok nai nüchhong winpin thun kra tlam wa laü. Laüta ümnaq nai ümsengi aki miikiimbi, ümchaktiim, kiimaq ümchakliip nyungtiim raq, kra kok thun kiijaq che tsüm nyang lanta, sumla phra kong; chaq maq alo, kampho maq alo, miiki maq alo, jin maq alo, pe maq ahai, kiimaq long maq ahai sumla phra thun; amak maq chhimak; ani maq taimak; kiimaq jamlai min sap mak thun kra tiitsam kamtlan. Shatmaq, ümtsitsü phansangketi, ümtsitsü raü shamti, ümniiraq jamlai wa klo wantlaü kra kunkun peng raüta thapthiketi Shiikeawe ka shreng maü riilaü.

HABAKUK 1:11

Kra lot jai tsangshiq ka, rahai wa ikha wawan tlo. Tsangshiq raq mangjong maiq tri, ji maq nishishi jin wantlo. Raüta tsangshiq ka ashutwe ma jawan tlo. Jamkhano ngukla tsangshiq miika, tsangshiq ningkun tri kli, tsangshiq shiikea.”

HABAKUK 1:16

Krai mren tsangshiq raq tsangshiq chiiq ka, shiikea ikha noq wan tlo. Kiimaq chiiqjong kiima honglu, kuq wan tlo. Jamkhano ngukla tsangshiq chiiq maq, ngiq khup wan lili raüta, tsangshiq ka chiithejong jawanto. Kiimaq winlü winshii miishe, tiipongpii wan raüta siwan tlo.

PHOWEBI 16:23

Philistain mung hokhambi thun ka adam na thung raüta, poi ajong klo raüta tsangshiq phra Dagon ma honglu ajong takuqto. Tsangshiq raq, “Nashiq na phra kaü raq nashiq jaqtiwe Samson ka tiitangkuqto!” nguta shitrangto.