1 SAMUEL 6:5 - ASII LAKDAP Bible (BSI)

⁵ Namshiq raq nammung tiithen baiq wantaq tsamtsi tha sumla nai jukpu tha sumla kra tiiq ratlo. Lanta namshiq raq Israilnok Shiikeawe ka shreng ratlo. Jursap akha klo han jiika, apaiq raq namshiq, namphra kong, kiimaq nammung ma apaiq mo tiiho mak she lo riijiiqla.

Hawa Naga Bible 2001

⁵ Nuimshiq rueq vtsuimx thuey poz nuiyc nuimshiq mungtan kuex tvbac gay tueq yuiuq phuiuq yac kuex tvhungx shuinz, Israel Tishox muex tvtsanc nganc kuq shuinz. Kvkaq nuimshiq kvmuinz, nuimshiq tishox htenc nuiyc nuimshiq mungtan htenc wawc muinz vpiq rueq murx tvgurc yaq kuex tvthauk gay shuex wuez.

1 SAMUEL 6:5 Referencias Cruzadas

1 KAÜWA WERAÜ 16:28

Tatiwe ka tiitsam ronglaq, mangjong maiqse kunli raq; Apaiq khushü nai ningkun kli tiitsam ronglaq.

1 KAÜWA WERAÜ 16:29

Tatiwe mang chhainyii jonglu kra tiitsam rong laq, honglu lam wan lanta apaiq Shomjam na warong ra. Asii We khaki na bum ronglaq, apaiq saühotlaq akhing na;

Tvtsvmc 18:44

Pongmungti thun ikhaki na tsangtok hiq na kutlo, ümtiikiiwa tsangshiq raq ibom taitlaq, tsangshiq raq ngi aming langtlo.

Tvtsvmc 32:4

Ranaiq rawa ümniiraq ngi ma mo tiiho laü, Tatiwe lei; iningkun ka wiita süroqroq she süwanto, rajuji na rashekii raq hiq wa kham trübaiqtlaq ikha.

Tvtsvmc 39:10

Ngi ma mo ka pahea naq tiihokiq she! Ngi ka ümjaqtham mo hotsi raq atsai wan napnap she.

Tvtsvmc 66:3

Shiikeawe ma ngu ronglaq, “Ümjaqsham thun ka amao chang siisaq! Ümningkun heng ka jonghea kra ningkhan ümjaqti thun ka tsanghaisitsi ma ümjichong na bumtlo.

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

DUNGWVNC 8:17

Kiimaq Aron raq anyeakii maq hiq na riihot bukto. Kiimaq Ejip mung tlotli wa botkhulai ka shecham ma jakito. Raüta maiqse nai nyamse thun khum na bok wanto.

DUNGWVNC 8:24

Kiimaq Tatiwe raq she long thadong henghea hokhamwe jam na kiimaq asengi ajong alabi thun jam na tiisaüto. Ejip mung tlotli ka she long thadong saü raüta wiita miqchup tiithen baiqto.

DUNGWVNC 8:5

Tatiwe raq Mosheq ma thaüto, “Aron ma chonglaq, apaiq raq anyeakii ka jürai thun thaq na, khamchelam thun thaq na, kiimaq thamchum thun thaq na tiinyi laüta ra na dolaq. Laüta makphang ka tlong laq. Raüta Ejip mung ka makphang raq rama hiq ma milong wan laq.”

ISAIA 19:1

Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

ISAIA 42:12

Ratho rapha mung thun na siti raq, Tatiwe ka tiitsam ronglaq, kiimaq Tatiwe khushü tiijong ronglaq!

JEREMIA 13:16

Tatiwe nam Shiikeawe ka shreng ronglaq, apaiq raq ra mitiinyaq wan shaq na, kiimaq namshiq ka pum thun na mitiithap rai shaq na; namshiq rang rantlan rawiili ka ranyaq tangtang mitiijabaiq shaq na.

JEREMIA 3:13

Ümniika shutkang dea nguta mra ka tiidiilaq. Kiimaq üm Tatiwe, üm Shiikeawe kiq ka khii laü dea nguta mra ka tumlaq. Laüta pechong tong aweatek na ümniiraq üm lungwii tsü ka pongmungti phra kong ma kuq wan laü nguta tum wan laq. Kiimaq ümniiraq ngi raq akuqha aming thun ka jin wan laü dea nguta tak wan laq. Arka Ngi Tatiwe raq ngutiikang.

Yoel 2:25

Kupchilong thawa akhing rawii liipan, namshiq raq tü atsam sumwan lan, wiita mijang kuq wan nongkang. Ngi raq tiina kupchi ramwa, namshiq phana tiisaü wan kang.

Jona 3:9

Kiikha nashiq raq ngarai tiidii wan hai jiika, jursap, Shiikeawe raq apaiq tsantsii miklai wan min aja sham. Kiimaq apaiq tsankhiq nashiq khuthaq na sitlaq kriimin mishi wan sham. Raüta nashiq ka atsai chang wa, atiichhun mirkuq wan sham!”

MALAKI 2:2

Namshiq raq ngi ka namshiq jaqsham maq shreng ratlo. Namshiq raq ibomchong taiman riihan la, ngi raq namshiq khuthaq na manson mitiisaüha. Namshiq ramwe jaqsham jaq maq hupsam lap tlan thaq na tüsaiqsaiq misonha. Riikhaqli miika ngi raq man ason kun she. Jamkhano ngukla, namshiq raq ngi aming shreng lanta lang man.

WEAWEA 33:4

Tsangshiq ka Tatiwe raq chhikhusetiim jiipbaiqtaq thun kra maa lap rea riito. Ara jiipbaiq raüta Tatiwe apaiq ka Ejip mung wa phra kong kriithaq na ningkun ajong rümtiwe nguta tiichhi kuqto.

John 9:24

Welabi raq thongshi ri hali, anyung pukdong makchuk wa aheaki we kra tiiheaki nongto. Raüta tsangshiq raq apaiq ma waito, “Shiikeawe man na bom ka tengteng chong laq! Naishiq raq asap hai, ümmak tiipiiq keti we ka ngarai maiq se.”

JOSHUA 7:19

Kiijiishe, Joshua raq Achan ma, “Ise Achan lei, ümchaü min chonglaq, Tatiwe, Israilnok Shiikeawe man na, tengteng chonglaq. Kiimaq üm mra ka tiidii laq. Ümchaü ngi ma chonglaq, ümniiraq jamlai wa riilaü? Ümniiraq ngi ma naq paükiq,” nguta waito.

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 14:7

Apaiq raq tiihong raüta riimto, “Shiikeawe ka shreng ronglaq, kiimaq apaiq jonglu ka shomra ronglaq! Jamkhano ngukla, apaiq raq mangjong maiqse angu kunli kha phoke akhing she saü wato. Apaiq ka ramungtan, mangjong hiq, sammoktra jü, kiimaq jüse rai thun sitla kra phansangti we!”

Revelation 16:9

Tsangshiq ka wiita khiim baiqto. Kiimaq wakhiim tsi ma tsangshiq raq arthun thawa arang rümti we, Shiikeawe ma manson kiqsü, riikhiq maq phaqto. Shatmaq, tsangshiq ngarai lamphan wiika tsan klai mak dea riito. Kiimaq Shiikeawe jonglu ka shomra mak dea.

1 SAMUEL 5:11

Kra ningkhan, tsangshiq raq thongshi ri hali Philistainnok hokhambi tlotli tiiheakai tiiki raüta akha nguto, “Israilnok Tongshong Tek ka, apaiq sichü chang hiq kiina tiijang thüwa rongkiq. Kra riihaila, kriiraq nashiqnok kiimaq nachak nasetiim tsat mak miraq.” Chela kra hamli na mungmaiqse ka pinthum phiip raq atsai riito. Jamkhano ngukla Shiikeawe raq tsangshiq ma mo tsihea tiihorat wanto.

1 SAMUEL 5:9

Shatmaq Tek ka kiijaq saü wan raüta hali, Tatiwe raq kra chelati kiimin tiichamchao wanto. Raüta pinthum tiiphiip jiipto. Apaiq raq tsangshiq kiimin wiinoktam, nosere kiimaq nyungwe tarü tsamtsi tha wa tiisaü raüta tiichamchao siqto.

1 SAMUEL 6:8

Kiimaq Tatiwe Tongshong Tek ka do ronglaq. Lanta leng na thü ronglaq. Kiimaq tekse ashi mong na thii lanta, namshiq ngarai miitu apaiq ma tiiho wantlan chaq sumla kongphiq ka asiim na tokuq ronglaq. Lanta leng ka apaiq walam kiina apaiq honhon tiiwa baiq ronglaq.