ISAIA 19:1 - ASII LAKDAP Bible (BSI)

¹ Arka Ejip mungti miitu tsütsa. Tatiwe ka Ejip mung na saühotlo, phum thaq na ngaraüta jaqlo thitthit kitlo. Ejip mung wa sumla phra phong apaiq man na atiikhai rokrok she haiwanto. Kiimaq Ejip mungti raq tsang tsaiji ka tiidoqto.

Hawa Naga Bible 2001

¹ Vruex kuex Ejip nuex seng yaq bomjungc rvtueq. Yehowa kuex phuemx nuex ngaungc vtueq Ejip nuex yauk lox maq kaz yaq. Ejip yac yuimx htenc kuex vpiq khaungkac nuex kvkhuirc vtueq, Ejip miqsaz htenc khvmc thuinz kuex sumx wvnc tuex.

ISAIA 19:1 Referencias Cruzadas

Tvtsvmc 104:3

kiimaq ümjam ka sammok tra chum thaq na hailaü. Ümniiraq phumda thun ka ümkumrang leng ma tiijatlaü, laüta rahai rakong na chao laüta bitlaü.

Tvtsvmc 104:34

Apaiq ka ishi ma michochilaq, jamkhano ngukla ichochi ka apaiq phawa saütlo.

Tvtsvmc 18:9

Apaiq raq ra ka khonai ma chai baiqto, raüta hiq na satkito ahok taki na ranyaq tangtang phumda tsuqho raüta.

Tvtsvmc 68:4

Shiikeawe ma shinge ronglaq, apaiq mang tiitsam shi ronglaq; phumda thaq na ngatiwe kaichang lam tiije ronglaq. Apaiq mang ka Tatiwe— apaiq rai mantut na chochi ronglaq!

DUNGWVNC 12:12

“Kra rawa Ngi ka Ejip mung tlotli na mikiha. Lata chhikhuse maiqwe sere angu ka kiimaq jam nyamse chhikhuse thun ka kunli mijiip baiqha. Kiimaq Ejip mung wa phra kong thun ka wiita mitsat baiqha. Ngi ka Tatiwe.

ISAIA 13:1

Arka Bebilon mungti miitu tsütsa, Amoj se Isaia ma Shiikeawe raq atiichongho.

ISAIA 13:7

Maiqse angu wiita jaq ka riibat rang she anin mirki. Maiqse wiita jurmin khulot makshe miraq.

ISAIA 19:16

Akhing ashi misaü wan Ejip mungti ka jechak nyungre ikha puqsut haisu miraq. Ajong Pinthum Tatiwe raq ajaq ka ra na doraüta tsangshiq ka chongwai maq atsat-ho kra chhi raüta tsang haisitsi ma atiikhai rokrok miraq.

ISAIA 21:9

Tiidongchhaq miili, tsangshiq ka saü wanto! Maiq kong ka kumrang thaq na, wenai nai maq watlo, Kintsongtiwe raq tsütsa ka tiitai chongto. “Bebilon ka miqto she! Tsangshiq raq sumla phra phong noqtlaq thun ka tiisiirai thento she. Wiita hiqrai shotbaiqto.”

JEREMIA 25:19

Riita ara chekhap wa baknyang damti maiq mung thun ka armung thun ara miraq: Ejip mung hokhamwe nai asengi ajong alabi, kiimaq welabi thun; Ejip mungti tlotli kiimaq pongmungti Ejip mung na siti tlotli; Uj mung na siti hokhambi wiita; Philistain mung wa chela riimtibi tlotli, Ashkelon chela, Gaja chela, Ekron chela, kiimaq Ashdod chela na aso tiichongtlaqti kra; Edom mungti, Mob mungti, kiimaq Ammon mungti tlotli; Tajar nai Sidon mungti hokhambi tlotli; Mediterenian khamjong kii wang binjü na siti hokhambi tlotli; Dedan chela, Tema chela, kiimaq Buj chela; Tsangshiq khu atoqse ma siti tlotli; Arabia mungti hokhambi tlotli; kumtsaiphii mungti hokhambi tlotli; Jimri mung, Elam mung, kiimaq Media mung hokhambi tlotli; Shekhu nü mung hokhambi tlotli, luheati kiimaq ajeti tlotli; mungshi maq riita mungshi na mitiinyang. Mangjong hiq hamli na siti mung thun kunli raq ara chekhap wa mibak nyang wan. Atiisup niishe ka Bebilon mung hokhamwe riishe ara chekhap arwa minyang wan.

JEREMIA 4:13

Liironglaq, rewe ka phum pong wan tlaq ikha saü wantlo. Apaiq rekhat chang kumrang leng phong ka atro rathaiq ikha saü wantlo. Kiimaq apaiq kumrang kong thun ka liihawe kaütiim bitlaq nam miimin aphiq lin. Nashiq ha miqkai she! Nashiq ha michup thumkai she!

JEREMIA 44:8

Namshiq raq ara Ejip mung na silanta sumla phra thun kra shomnoq wan lanta kiimaq laihin phra kong ma honglu takuq wan lanta, itsankhiq ka jamlai nguto shaütlan? Namshiq raq arthun ashut klo wan tlan ara, namshiq maiqmii rilung kra tiithenbaiq wan miitu klo tlan riimak sha? Krai mren mangjong hiq na maiq mung ümchuwa sitlaq kriiraq namshiq ka thophi riiqphi raüta mishummii wan, kiimaq namshiq mang ka chong raüta maiq ma mansonke bomtsi ma mitiija wan riimak sha?

JEREMIA 50:2

“Maiq mung thun ma tsütsa ka chonglaq! Chiiriim laüta chonglaq! Sinthii shong laq laüta tsütsa ka tiitailaq! Arka apaü laüta naq thükiq! Aphrakaü Marduk ka tiibun tiiqbaiqto she! Bebilon wa sumla phra thun raq jea ngaüto she, aphra kong maiqphai asi thun ka wiita tiibunbaiqto she!

JEREMIA 51:44

Ngi raq Bebilon mungti phra kaü Bel ma mo mitiihoha. Lata apaiq raq ahuk wan tsiiq nai nyam thun ka wiita mitiithaq baiqha. Maiq mung thun raq apaiq ka shomnoq mak she miraq. “Bebilon chela tro ruk ka thento she.

EJEKIEL 30:13

Tati Rakaü Hiqwe raq akha ngutlo, “Ngi raq Memphis chela wa sumla phra thun nai arot phra thun ka mishthenbaiqha. Ejip mung pengti jumin ahüshe miraq. Kiimaq Ngi raq mung maiqse wiita phiip ma mitiitsaiha.

Yoel 3:19

“Kra akhing na Ejip mung ka athenshe mirki. Raüta kumtsaiphii miishe mijaki. Kiimaq Edom mung ka wiita athen mirki. Raüta hiqmiq changkhü miishe mijaki. Jamkhano ngukla tsangshiq raq, Shiikeawe sengi Juda mungti khatto. Raüta tsangshiq maiqsang mungmaiqse, pahea jiipbaiqto.

NAHUM 1:1

Arka Ninewi chela miitu Elkosh hiqti shammiwe Nahum ma atiichhi kuq riisham bomchong.

NAHUM 1:3

Tatiwe ka mokhiq khiqmak phan, shatmaq apaiq ka ningkun jonghea rümti, Krai mren ashut aphit we ka, apaiq raq ümtiikii min tiijoq mak phan. Tatiwe ümbano khum tlaq, kiijaq rathaiq saü tlo. Ra na phum pong wan tlaq kra, apaiq jini chong wa, botkhulai akhuk!

JEKERIA 10:11

Tsangshiq raq chamchao khamjong rap tlaq akhing na, Ngi Tatiwe raq, khamjong tso blun ka mibukha. Lata Nail rai khamchum tsaühea kra, wiita mitrü baiqha. Shiikong kumrong Asiria mungti raq jea mingaü, Kiimaq ajong ala Ejip mungti ningkun kiimin, wiitashe mithumki.

JEKERIA 14:18

Kiimaq Ejip mungti riimin Jolitiip Na Jap Poi ka lang mak raüla, Tatiwe raq shomnoq kimak mungti thun thaq na jamkho chamchao thadong tiisaü tlaq, kiikhiisii hali Ejip mungti khuthaq niimin mitiisaü.

WEAWEA 33:4

Tsangshiq ka Tatiwe raq chhikhusetiim jiipbaiqtaq thun kra maa lap rea riito. Ara jiipbaiq raüta Tatiwe apaiq ka Ejip mung wa phra kong kriithaq na ningkun ajong rümtiwe nguta tiichhi kuqto.

TRI CHONGKE 33:26

Israilnok lei, namshiq Shiikeawe kiikha ahin shiikea ahü, achai anyii ra na siimko maq riita siimko na saüli chaotlo, phumda mong maq chaoho raüta ümnaq khrumkai kitlo.

JOSHUA 2:11

Naishiq raq kra tsütsa ka tailaita, naishiq ka pinthum atiikhairokrok she hai wan kai. Naishiq ka namshiq ma haima, tsitsü min dong mak she. Tengto. Namshiq Tatiwe Shiikeawe ka ramungtan nai mangjong hiq ara rümti dea.

JOSHUA 2:24

Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 2:9

Raüta apaiq raq, “Ngi raq asap ha, Tatiwe raq namshiq ma naimung arka kiinong kuqbaiqto she. Armungti maiq wiita ka namshiq hai ma phiip riishe tsaitlo.

Revelation 1:7

Liirong laq, apaiq ka phum rai saühotlo she! Wiitarü raq apaiq kai rai ka michhi. Apaiq ka piq maq shukti riimin michhi. Apaiq saükai chhiwi raüta, mangjong maiqse wiita aho anyi miraq. Amen.