ISAIA 19:2 - ASII LAKDAP Bible (BSI)

² Tatiwe raq ngutlo, “Ngi raq Ejip mungti liipan na re mitiidongha. Lata mung ka mibrak baiqha. Siphu sino liipan na atriingeng mirha. Hiqshongti liipan niimin tatso mitiidongha. Chela ashiti raq chela ashiti rai arkhat miraq. Kiimaq hokhambi liipan na hokham riinyea ta mitriitsoha, raüta mirkhat.

Hawa Naga Bible 2001

² Yehowa rueq, “Ngaz rueq Ejip mungx nuex ralx tvdung vtueq saqphuz saqnox vdvmz dvmz, yuimx phic yuimx phaungx jix vdvmz dvmz kuex tvkhvt shaungx. Rvlongx yaq ghaqyungx htenc tsuingshiq vdvmz dvmz rvkhvt wvnc vtueq, rvlongx yaq hokhvmx bix muinz tsuingshiq luimc vkawc tvkoc hunglaungx wuez tuex.

ISAIA 19:2 Referencias Cruzadas

1 HOKHVMX 16:21

Israilnok ka atiikho riikito: Maiq wiijamti riika Ginath se Tibni ka hokham ma shongro. Kiimaq maiq wiijam ka Omri ka hokham ma shongro.

2 KAÜWA WERAÜ 15:6

Maiq mungshi raq mungshi kra jamsha wanto. Kiimaq chela ashiti raq chela ashiti ka haihiito. Jamkhano ngukla Shiikeawe raq tsangshiq khuthaq chamchao sangrai kiimaq kiimaq ngila nguraü chamchaoto.

ISAIA 3:5

Maiq loweatek raq loweatek jaq wa lapphaq lusiq lam kriili she miklo wan. Jerobi raq nyungwere ka shreng mak miraq. Kiimaq pantlat na haiseati bang bang kong raq tsangshiq thaq na maiqlare sitlaq kra shrengmak miraq.

ISAIA 9:21

Manase phan nai Ephraim phan liipan na wesang ralii riikhattlo. Kiimaq tsangshiq noknai ri ka adam na pong raüta Juda mungti ka khattlo. Atinkhan arjai miimin, Tatiwe tsankhiq ka shimakli riishatshat. Apaiq jaq ka tsangshiq ma mo tiihoke miitu tsangshiq phanü na tiinyishatli sitlo.

JEREMIA 46:12

Maiq mung thun raq namshiq jeangaü tsütsa taito she; loweatek raq namshiq hosii trang ka taito she. Phenla weshi ka arewe thaq na tiithap raitlo, raüta tsangnai wiita hiq na riwantlo.

JEREMIA 51:46

Tsaiji naq tran rongkiq. Kiimaq maiq tsütsa kra tai lanta naq kiinyii rongkiq. Rawiitek namshiq raq shapshaü ka phan phan mitai han. Kra mung na hokham weshi raq hokhamwe weshi rai riikhat wanto nguta tsütsa ka mitaihan.

EJEKIEL 38:21

Ngi raq Gog ka phanrap phanrii thawa chamchao tiisaü lata mitiiphiipha. Arka, Ngi, Tati Rakaü Hiqwe raq toqtan tiikang. Asengi phenlabi thun raq tsangshiq nepja ka chat rang raüta tsangshiq nai tsangshiq klishe mirjiip.

JEKERIA 8:10

Kra akhing mishaq niika, jurmin jaq maq shamki lot mak. Kiimaq jaq tiisham chang nyamse tiikikham mak. Jamkhano ngukla chiqse rewe pahea asi riito. Jamkhano ngukla kiitiikaq ngi raq maiqse angu tarü wesang ralii kong ma siisaq tiija baiqkang.

Matthew 10:21

“Maiq wiijamti raq maiqmii phu ano thun kiimin rung na mihit thüki. Raüta mitiitsat baiq. Kiimaq, kiikhiisii hali awetiim riimin asetiim ka mitiitsat baiq. Kiimaq asetiim riimin anyungwe ka ngeng raüta mitiitsat baiq.

Matthew 10:36

Maiqse ma wesang ralii jawanti ka apaiq maiqmii jamkun mong wiili midong.

Matthew 12:25

Tsangshiq raq jamlai wa tiima tlaq kra heraüta, Jesuq raq tsangshiq ma akha chongto, “Ümra mungti wa maiqmii nai maiqmii liipan na riilong riiliiq maq sitlaq, kra mung ka alu ka tsing mak she ngushat. Kiimahali, ümra chelati wa lo, juta jamti wa tatso wawoli sitlaq, kra ta ka athen she mirki ngushat.

Matthew 24:7

Maiq mung ashiti raq mungshiti kra mikhat. Kiimaq hokham weshi raq hokham weshi rai mirkhat. Mangjong hiq barap se na ram midong. Kiimaq hiqjong mimu.

Mark 3:24

Maiq mung ashi ka, tsangshiq liipan na, maiqmii wela ja she, riilong liiqki raüla, tsangmung ka pongpin riipin mithenki ngushat.

PHOWEBI 7:22

Gideon nai asengi raq lerong kra tsütrang wanto, kiimaq Tatiwe raq rethun ka, maiqmii nepjasai chat raütiishe, maiqmii liipan na triijiip wanto. Tsangshiq ka Jarethan chela lam kriimaq riita Beth Shitta chela kiina, kiimaq riita Tabbath chela tho na Abel Mehola chela kiina jutrangto.

PHOWEBI 9:23

Kiijiishe Shiikeawe raq Abimelekh nai Shekhem chelati liipan na wesang ralii she tiijabaiqto. Krai mren, tsangshiq raq apaiq kiishe ngenghoto. Raüta apaiq wokhong na simak she riito.

1 SAMUEL 14:16

Saul sengi sontri tsongtibi raq Benjamin wang na Gibea chela maq Philistainnok sunghü tsiihü pinjin rai kra chhito.

1 SAMUEL 14:20

Kiijiishe apaiq nai asengi ka Philistainnok khat kai kihoto. Kra akhing na tsangshiq ka maiqmii nai maiqmii liipan niilishe sunghü tsiihü riijiipsiq wanto.