2 Samuele 7:9 - BIBELE

Ke bile le wena hohle moo o nnileng wa ya teng, mme ke timeditse dira tsa hao tsohle. Ke tla tumisa lebitso la hao jwaloka mabitso a ba tumileng ba teng lefatsheng mona.

Sesotho 1909/1961 (SO)

Ka nna ka ba le wena le hohle moo o tsamaileng; ke bile ka fedisa dira tsohle tsa hao pela hao, ka o etsetsa le lebitso le leholo le kang mabitso a ba baholo ba lefatshe.

2 Samuele 7:9 Referencias Cruzadas

Genese 12:2

“Ke tla o etsa setjhaba se seholo, ke o hlohonolofatse, ke tumise lebitso la hao, mme ba bang ba tla hlohonolofala ka wena.

2 Samuele 22:1

Mohla Morena a namoletseng Davida matsohong a dira tsa hae, le matsohong a Saule, Davida a binela Morena sefela sena,

2 Samuele 22:30

Ka thuso ya hae ke thula dira tsa ka, ka thuso ya Modimo wa ka nka tlola lerako.

2 Samuele 22:43

Ke ba thumisa jwaloka lerole, jwaloka lerole la lefatshe, ke ba hatakela jwaloka seretse, jwaloka seretse se tseleng.

2 Samuele 23:1

Tsena ke dipolelo tsa ho qetela tsa Davida: “Dipolelo tsa Davida, mora wa Jese, dipolelo tsa monna a phahamisitswe, motlotsuwa wa Modimo wa Jakobo, kgeleke ya tjhaba sa Iseraele:

2 Samuele 5:10

Davida a nna a tswela pele ho matlafala, mme Morena Modimo wa mabotho, a ba le yena.

2 Samuele 8:13

Lebitso la Davida la tuma haholo hoba a hlole Baarame ka Kgohlong ya Letswai, moo a ileng a bolaya banna ba dikete tse leshome le metso e robedi.

2 Samuele 8:14

A hloma diahelo tsa mabotho naheng yohle ya Edomo, mme baahi bohle ba Edomo ya eba bahlanka ba hae. Morena a thusa Davida hohle moo a yang teng.

2 Samuele 8:6

Davida a hloma diahelo tsa mabotho naheng ya Baarame e Damaseka, mme Baarame ya eba bahlanka ba Davida ba mo thellang. Morena a thusa Davida hohle moo a neng a futuhela teng.

1 Dikronike 17:8

Ke bile le wena hohle moo o nnileng wa tsamaya teng, ka timetsa dira tsa hao tsohle. Ke tumisitse lebitso la hao jwaloka mabitso a banna ba tumileng ba teng mona lefatsheng.

Dipesaleme 21:6

Tlotla ya yona e kgolo ka thuso ya hao, o e apesitse kganya le hlompho.

Dipesaleme 89:23

Ha ho sera se tla mo tsometsa, le ya kgopo a ke ke a mo hlola.

Luka 1:52

a theola babusi diteroneng, a phahamisa ba eisehang,

Joshua 6:27

Morena a ba le Joshua, mme botumo ba hae ba aparela naha yohle.

1 Samuele 18:14

Davida o ne a atleha ho tsohle tseo a di etsang, hobane Morena o ne a ena le yena.

1 Samuele 18:30

Mahosana a Bafilesita a futuha, empa kamehla ha a ne a futuha, Davida o ne a a hlola ho feta balaodi bohle ba Saule, mme lebitso la hae la tuma haholo.

1 Samuele 2:8

Mafutsana o a nyolla a le leroleng, bahloki o ba nyolla ba le moraheng, o ba dudisa mmoho le mahosana, terone ya tlotla e be lefa la bona; hoba tshiya tsa lefatshe ke tsa Morena, o theile lefatshe hodima tsona.

1 Samuele 31:6

Ka lona letsatsi leo Saule a shwa, le bara ba hae ba bararo, le mojari wa dihlomo tsa hae, le banna bohle ba hae.

1 Samuele 5:10

Yaba ba isa areka ya Modimo motseng wa Ekerone. Ha areka ya Modimo e fihla Ekerone, baahi ba Ekerone ba howa, ba re: “Ba re tliseditse areka ya Modimo wa Baiseraele ho tla re bolaya le ho tla bolaya setjhaba sa habo rona!”