Adlezenn 6:11 - Bibl Koad 21: Ar Bibl e Brezhoneg evit ar Vretoned tiez leun a bep seurt madoù na'c'h eus ket leuniet, puñsoù toullet na'c'h eus ket toullet, gwini ha gwez-olivez na'c'h eus ket plantet, pa zebri hag ez po da walc'h, |
Hag e kemerjont kêrioù kreñv ha douaroù druz, hag e perc'hennjont tiez leun a bep seurt madoù, puñsoù toullet, gwini, olived ha gwez-frouezh e-leizh, hag e tebrjont hag o doe o gwalc'h, deuet int lart hag e vevjont er plijadurioù dre da vadelezh vras.
Dont a raio al Leviad, n'en deus na lodenn na hêrezh ganit, an diavaeziad, an emzivad hag an intañvez a vo e-barzh da zorojoù, hag e tebrint hag o devo o gwalc'h, evit ma vennigo ac'hanout an AOTROU da Zoue e kement labour a ri gant da zaouarn.
P'en devo distrujet an AOTROU da Zoue a-zirazout ar broadoù, a ro dit an AOTROU da Zoue o douar, pa berc'henni o bro hag e vi o chom en o c'hêrioù hag en o ziez,
Jeshurun a zo deuet da vezañ lart hag en deus rebarbet. Deuet out da vezañ lart, tev ha kuilh! Dilezet en deus an Doue en deus graet anezhañ, disprizet en deus roc'h e silvidigezh.
Ha roet em eus deoc'h douaroù n'ho poa ket troet, ha kêrioù n'ho poa ket savet hag emaoc'h o chom enno, gwiniegi ha gwez-olivez n'hoc'h eus ket plantet hag a zebrit diouto.
Mibien Israel a reas an droug dirak daoulagad an AOTROU, hag ec'h ankounac'hajont an AOTROU o Doue, hag e servijjont ar Baaloù.