Nehemia 9:25 - Bibl Koad 21: Ar Bibl e Brezhoneg evit ar Vretoned

²⁵ Hag e kemerjont kêrioù kreñv ha douaroù druz, hag e perc'hennjont tiez leun a bep seurt madoù, puñsoù toullet, gwini, olived ha gwez-frouezh e-leizh, hag e tebrjont hag o doe o gwalc'h, deuet int lart hag e vevjont er plijadurioù dre da vadelezh vras.

Nehemia 9:25 Referencias Cruzadas

1 Rouaned 14:9

Graet ec'h eus muioc'h a zroug eget an holl re a zo bet a-raok dit, dre ma'z out aet d'ober dit doueoù all ha skeudennoù teuzet evit va c'hounnariñ, ha ma ec'h eus va zaolet a-drek da gein.

1 Rouaned 8:66

D'an eizhvet deiz e kasas ar bobl kuit. Hag e vennigjont ar roue, hag ez ejont d'o zeltennoù, laouen ha seder en o c'halonoù, en abeg d'ar vad en doa graet an AOTROU da Zavid e servijer ha da Israel e bobl.

Nehemia 9:35

N'o deus ket da servijet e-pad o rouantelezh hag e-kreiz ar madoù bras az poa roet dezho, er vro frank ha druz az poa lakaet en o dalc'h, ha n'int ket distroet diouzh o oberoù fall.

Salmoù 105:44

Reiñ a reas dezho douaroù ar broadoù, hag e perc'hennjont labour ar pobloù,

Salmoù 65:11

Dourañ a rez e irvi hag e plaenaez e vouded, e wakaat a rez gant glav fin hag e vennigez e ziwan.

Krennlavarioù 30:9

gant aon na douellfen er fonnusted ha na lavarfen: Piv eo an AOTROU? Ha gant aon na laerfen er baourentez ha na gemerfen anv va Doue en aner.

Izaia 6:10

Digizidika kalon ar bobl-mañ, pounnera o divskouarn, serr o daoulagad, gant aon na zeufe o daoulagad da welout, o divskouarn da glevout, o c'halon da gompren, na zistrofent, ha na vefent yac'haet.

Izaia 63:7

Embann a rin madelezhioù an AOTROU, meuleudioù an AOTROU, evit an holl vadoberoù en deus sevenet evidomp an AOTROU, hag evit fonnusted e vadelezh en deus sevenet evit ti Israel, en e drugarez hag e braster e garantez.

Jeremiaz 2:7

Rak em eus ho lakaet da vont da ur vro a liorzhoù, evit ma tebrot he frouezh hag he madoù, met kerkent ha ma'z oc'h aet enni hoc'h eus saotret va bro, hag hoc'h eus graet un euzhusted eus va hêrezh.

Jeremiaz 31:14

Hag e roin e walc'h a zruzoni da ene an aberzhourien, hag e vo leuniet va fobl eus va madoù, eme an AOTROU.

Jeremiaz 32:23

Deuet int e-barzh hag o deus he ferc'hennet, met n'o deus ket sentet ouzh da vouezh, n'o deus ket kerzhet hervez da lezenn, n'o deus graet netra eus ar pezh az poa gourc'hemennet dezho ober. En abeg da-se ec'h eus graet d'an holl zroug-mañ dont warno.

Ezekiel 20:6

en deiz-se em eus savet va dorn dirazo, evit tennañ anezho eus bro Ejipt etrezek ur vro am boa klasket evito, ur vro a zever gant laezh ha mel, ar gaerañ eus an holl vroioù,

Daniel 11:24

Dont a raio peoc'hiek war zouaroù druz ar proviñs, hag e raio ar pezh n'o deus ket graet e dadoù, na tadoù e dadoù. An diwisk, ar preizh hag ar madoù a skigno en o zouez, hag ec'h ijino divizoù a-enep ar c’hreñvlec’hioù, ha kement-se e-pad un amzer.

Ozea 13:6

O gwalc'h o deus bet en o feurvanoù, o gwalc'h o deus bet hag o c'halon a zo savet. Neuze o deus va ankounac'haet.

Ozea 3:5

Goude-se, mibien Israel a zistroio, hag e klaskint an AOTROU o Doue ha David o roue. Hag e teuint gant doujañs da gavout an AOTROU hag e vadelezh, en deizioù diwezhañ.

Romaned 2:4

Pe disprizañ a rez pinvidigezhioù e vadelezh, e basianted hag e hir gortozidigezh, hep anavezout e c’halv madelezh Doue ac’hanout d’ar geuzidigezh?

Adlezenn 3:5

Ar c'hêrioù-se a oa kreñvaet, gant mogerioù uhel, dorojoù ha sparloù, ouzhpenn ar c'hêrioù e niver bras-meurbet n'o doa ket a vogerioù.

Adlezenn 32:13

E lakaet en deus da varc'hekaat war lec'hioù uhel an douar ha da zebriñ frouezh ar parkeier, da chugal mel ar roc'h hag eoul ar reier kalet,

Adlezenn 32:14

amann ar saout ha laezh an deñved, lard an oaned, an tourzed eus Basan hag ar bouc'hed, flour kuñv ar gwinizh; evet ec'h eus gwad nerzhus ar rezin.

Adlezenn 32:15

Jeshurun a zo deuet da vezañ lart hag en deus rebarbet. Deuet out da vezañ lart, tev ha kuilh! Dilezet en deus an Doue en deus graet anezhañ, disprizet en deus roc'h e silvidigezh.