Roet ec'h deus dezho bara eus an neñvoù evit o naon, graet ec'h eus dont er-maez eus ar roc'h dour evit o sec'hed, ha lavaret ec'h eus dezho mont da berc'hennañ ar vro az poa savet da zorn reiñ dezho.
Adlezenn 1:21 - Bibl Koad 21: Ar Bibl e Brezhoneg evit ar Vretoned Setu, an AOTROU da Zoue a laka dirazout ar vro: pign, kemer dalc'h anezhañ, evel m'en deus lavaret an AOTROU, Doue da dadoù. Na'z pez ket aon ha bez dispont! |
Roet ec'h deus dezho bara eus an neñvoù evit o naon, graet ec'h eus dont er-maez eus ar roc'h dour evit o sec'hed, ha lavaret ec'h eus dezho mont da berc'hennañ ar vro az poa savet da zorn reiñ dezho.
Paouezit hag anavezit eo me a zo Doue, me a vo meulet e-touez ar pobloù, me a vo meulet dre an douar holl.
Ar pobloù a fiñv, ar rouantelezhioù a vrañsell, lakaat a ra e vouezh da vezañ klevet, hag an douar a deuz.
Na'z pez ket aon, rak me a zo ganit, na sellez ket nec'het, rak me eo da Zoue; da nerzhañ a rin, da sikour a rin, da zerc'hel a rin gant dorn dehou va reizhder.
Kaleb a sioulaas ar bobl e-keñver Moizez hag a lavaras: Pignomp, kemeromp ar vro, ni a c'hell trec'hiñ warno!
Na’z pez ket aon, tropell bihan, rak plijet eo bet gant ho Tad reiñ deoc’h ar rouantelezh.
Lavaret em eus deoc'h: Erru oc'h betek menez an Amoreaned, a ro deomp an AOTROU hon Doue.
Pa'z i d'ar brezel a-enep da enebourien, hag e weli kezeg, kirri hag ur bobl niverusoc'h egedout, na'z po ket aon razo, an AOTROU da Zoue a vo ganit, eñ hag en deus graet dit pignat eus bro Ejipt.
Lavarout a raio: Selaou, Israel! Mont a reot hiziv d'ar brezel a-enep hoc'h enebourien. Na lezit ket ho kalon da vezañ trubuilhet, n'ho pet ket aon, na grenit ket, na vezit ket spontet dirazo,
En em galonekait ha bezit kreñv! N'ho pet ket aon ha na vezit ket spontet abalamour dezho, rak an AOTROU da Zoue a gerzho ganit, ne zilaosko ket ac'hanout, ne zilezo ket ac'hanout.
Na'z pez ket aon razo, az pez soñj eus ar pezh en deus graet an AOTROU da Zoue da Faraon ha d'an Ejipt a-bezh,
Na vez ket spontet abalamour dezho, rak an AOTROU da Zoue a zo ez kreiz, un Doue bras ha spontus.
Pa gasas an AOTROU ac'hanoc'h eus Kadesh-Barnea en ur lavarout: Pignit ha dalc'hit ar vro am eus roet deoc'h, hoc'h eus disentet ouzh gourc'hemenn an AOTROU ho Toue, n'hoc'h eus ket kredet anezhañ na sentet ouzh e vouezh.
Evel-se e lavaromp gant fiziañs: An Aotrou eo va sikour, ne’m bo ket aon. Petra a c’hell an den ober din?
En em galoneka ha bez kreñv! Rak te eo a lakaio ar bobl-mañ da berc'hennañ ar vro am eus touet d'o zadoù reiñ dezho.
Ha ne'm eus ket gourc'hemennet dit: En em galoneka ha bez kreñv? Na spont ket ha na'z pez ket aon, rak an AOTROU da Zoue a vo ganit dre holl ma'z i.