Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.
Maak 10:1 - Jola-Kasa Muñeˈe nan Yéesu áfulum tómuu, li ajow boot li etaamayi yata Súde, kageb kaaka katunkaku kaaneyimuu Suuludeŋ. Búsukabu li bumit buwonnoo tan Yéesu alakomuu, li alako kaliiken bukanabuku Hulimahu hata Ateemit loon akaanemuu. |
Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.
Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.
Muñeˈe Kufaaliisiyeŋaku li kufañ kubuutoo Yéesu, li kúkoojulool min kugel̥l̥enool koonool: — Mantee eluwaayi yonsoon ánayine layilo aan aseekool ábalo?
Muñeˈe Yéesu li aŋa’ hulimahu min alako kaliiken bukanabuku Hulimahu hata Ateemit híndo Eluufayi yata Ateemit, li agel̥l̥en aan: — Buu kaane kaliikenemuu ésukayi eluwaayi yata Móyiis li kuyili koon Kilisita Añiil ata Dayit laam?
Hunakoohunak li bukuluul linaake ilako li eluufayi yata Ateemit, min inaak iliiken bukanabuku mata Ateemit, ban jijokutom. Bale wahawu unwu boot min ubaj min kulimaku kan Bakiicelabu bulobumuu kubaj.
Muñeˈe Yéesu li alaañen áfu’ ajow boot bata katantaku kata húwajahu hata Gálile. Búsukabu feh li bujow butookool bo, min aliikeniil Hulimahu hata Ateemit.
Yéesu li anaak aŋa’ bukittenoolum min aliikeniil wah fiyo. Li anaak alobiil li baliikenelabu boola aaniil:
Nan húyiiyaayahu hata Kusuwifaku húliiŋumuu, Yéesu li alako kaliiken bukanabuku Hulimahu li eluufayi yata kal̥awaku. Bukanabuku kalakowoolumuu bajantenabu kumemmeeŋ. Li kusego ŋáa’ min kunaak kugel̥l̥enoo koon: — Kama bay ánayinaawu ummu áhaasumulo wahawu unwu feh? Bay lábajumulo bújallowabu umbu? Buu kaane li ayili akaan wahawu unwu wájaahaleni muñowu?
Nan Yéesu áwalowulomuu li busaanaabu, li ajuk búsuk báamak, li áyiyen, mata bukanabuku kunokoonokoo loon kúgalalaan kabajut amata. Muñeˈe li aliiken bukanabuku wah wameeŋe.
Yéesu li asego mata buu kúyinenutumuu li akila. Fúlum tó, Yéesu li añaahoo li básukabu feh bakoojumuu, min aliiken bo bukanabuku Hulimahu hata Ateemit.
Muñeˈe Yéesu li alaañen ajow boot kageb kaaka kata katunkaku kan koonemuu Suuludeŋ, ajow alako tan Saŋ átoŋumuu kábatiise bukanabuku.
Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.