Maak 6:2 - Jola-Kasa

² Nan húyiiyaayahu hata Kusuwifaku húliiŋumuu, Yéesu li alako kaliiken bukanabuku Hulimahu li eluufayi yata kal̥awaku. Bukanabuku kalakowoolumuu bajantenabu kumemmeeŋ. Li kusego ŋáa’ min kunaak kugel̥l̥enoo koon: — Kama bay ánayinaawu ummu áhaasumulo wahawu unwu feh? Bay lábajumulo bújallowabu umbu? Buu kaane li ayili akaan wahawu unwu wájaahaleni muñowu?

Maak 6:2 Referencias Cruzadas

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 7:28

Muñeˈe nan Yéesu alobumuu kulimaku unku ajow aban, ésukayi li esego feh, mata kulimaku kan aliikeniilumuu kúji.

Maak 1:39

Mal̥egen Yéesu li ajow tanootan li etaamayi feh yata Gálile, min anaak awaale bo Hulimahu Hásuumaahu li siluufasu feh sata kal̥awaku sata halaabahu unhu, ban li akesoo uyinumawu wajakutumuu úfu’ li bukanabuku kan újufomuu.

Maak 10:1

Muñeˈe nan Yéesu áfulum tómuu, li ajow boot li etaamayi yata Súde, kageb kaaka katunkaku kaaneyimuu Suuludeŋ. Búsukabu li bumit buwonnoo tan Yéesu alakomuu, li alako kaliiken bukanabuku Hulimahu hata Ateemit loon akaanemuu.

Hulimahu Hásuumaahu loon Lík akiic homuu 2:47

Bukanabuku feh kajantenumuu Yéesu li kusego humum hata butuukowabu boola li kulimaku kan anaake abagiilumuu.

Hulimahu Hásuumaahu loon Lík akiic homuu 4:15

Yéesu li anaak aliiken bukanabuku Hulimahu li siluufasu sata kal̥awaku, bukanabuku feh li kunaak kusalool.

Hulimahu Hásuumaahu loon Saŋ akiic homuu 6:42

Li kunaak koon: — Kama kele inti okila ammuu Yéesu, añiilawu ata Suseef? Luhaasaale jak atuubawool li jaawool! Buu layilo aan muñeˈe li emitayi láwalowumulo?

Hulimahu Hásuumaahu loon Saŋ akiic homuu 7:15

Muñeˈe kunahaanaku kata Kusuwifaku li kusego, li koon: — Kama buu ánayinaawu ummu áhaasume wahawu unwu feh, okila jaliikenutumuu Bakiicelabu?