Hulimahu Hásuumaahu loon Saŋ akiic homuu 18:20 - Jola-Kasa

²⁰ Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.

Hulimahu Hásuumaahu loon Saŋ akiic homuu 18:20 Referencias Cruzadas

Máciya 24:26

«Mó mújimuu koonuulumuu: “Jijuke, ummu li kayiinaayaka!”, jakum jijow bo. Mantee foof li koonuul: “Jijuke, ummu min ayolowe li úfitawu!”, jakum jíyinen.

Máciya 26:55

Fúlum tó, Yéesu li aan búsukabu: — Waa, jibil boot kajokom li síkundu li sigol ló loon eenimuu ínje ákuu? Hunakoohunak linaanaak ibah li Eluufayi yata Ateemit, min inaak iliiken bukanabuku mata Ateemit, ban jijokutom.

Máciya 26:65

Nan Yéesu alobumuu loon muñaˈa, anahaanawu ata élambaayi li ahaacul wañawu wan akila humumool aakenumuu, aban li aan: — Lagele Ateemit. Ulaañenutaal usohulawaal kumaata. Jijame feh bukuluul humumuul kulimaku kan alobumuu aya li Ateemit.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 8:32

Yéesu li alobiil kulimaku unku ahant. Muñeˈe Fiyeel li aŋalool kúfu’ li kakaŋ min alakowool batalen.

Hulimahu Hásuumaahu loon Lík akiic homuu 21:37

Hunakoohunak, Yéesu li aliiken bukanabuku Hulimahu hata Ateemit li eluufayi yata Ateemit. Bale tijowumuu tijon, li ajow aŋot li huyuuyahu haaneyimuu Huyuuyahu hata Olíibiye.

Hulimahu Hásuumaahu loon Lík akiic homuu 4:15

Yéesu li anaak aliiken bukanabuku Hulimahu li siluufasu sata kal̥awaku, bukanabuku feh li kunaak kusalool.

Hulimahu Hásuumaahu loon Saŋ akiic homuu 18:21

Kama wáa újiye li ugel̥l̥enom loon muñowu? Ugel̥l̥en bukanabuku kajantenumuu wahawu wan ilobiilumuu. Kuhaase jak wahawu wan ilobumuu.

Hulimahu Hásuumaahu loon Saŋ akiic homuu 6:59

Kulimaku unku Yéesu alobumuu nan alakomuu kaliikenaku kata bukanabuku li eluufayi yata kal̥awaku yata ésukayi yata Káfeenawum.

Hulimahu Hásuumaahu loon Saŋ akiic homuu 7:14

Nan kagaanaku kujowumuu kúliiŋ li tut, Yéesu li ajow boot li Eluufayi yata Ateemit ajow alako ló kaliiken bukanabuku.

Hulimahu Hásuumaahu loon Saŋ akiic homuu 7:26

Jijuke, okila ummu li elob hákil bukanabuku feh, kukitut kulobool wahoowah! Wáa fíle, kunahaanaku kata ésukayi kuhahhaas li mal̥egenamu koon akila ammuu Afakenaawu?

Hulimahu Hásuumaahu loon Saŋ akiic homuu 7:28

Muñeˈe Yéesu li alako buliiken bukanabuku li Eluufayi yata Ateemit, li alob butiya aan: — Jihaase li mal̥egenamu ínje emmuu ayi! Jihaase bay libilumulo! Ibilumut li kajaw kúmbaam ínje humumom. Anawu áboñulommuu, an alobe mal̥egen. Bukuluul jihaasutool.

Hulimahu Hásuumaahu loon Saŋ akiic homuu 7:4

An afañumuu min ahaaso, let akaan wah li huyolo. Emmuu lukaanekaan wah loon muñaˈa, úfu’ ukaan wo min ésukayi feh ejuki.

Hulimahu Hásuumaahu loon Saŋ akiic homuu 8:2

Li líiŋ hunak hukaten li bújom bíb, Yéesu li alaañ boot li Eluufayi yata Ateemit. Esúkayi feh li ebil ekoojool. Li abah min alakoyiil buliiken.

Hulimahu Hásuumaahu loon Saŋ akiic homuu 8:26

Libabbaj wah wameeŋe elob mooluul, li wah wameeŋe wan éemi li itiibumuul mata wo. Bale anawu áboñulommuu an alobe mal̥egen, ban ínje wahawu wan íjamummuu li akila wo lilobemuu adunaayi.

Bakaanelabu 26:26

Ayíiyawu Agilifa lahaase mata wahawu unwu feh, ban mó mújimuu liyilo ilob li kabanewom hákilool. Hiitonhiit li buyinum kaanaku bajut wah wano li wo wan ahaasut, mata inti li egool̥ yayolowe wahawu unwu ukaani.