Máciya 4:23 - Jola-Kasa

²³ Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 4:23 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 12:9

Yéesu li áfulum tó, li ajow boot li eluufayi yata kal̥awaku yata Kusuwifaku.

Máciya 13:19

An ajantenumuu Hulimahu Hásuumaahu hata Jáyiiyaju jata Ateemit ban ánaanumut ho, Sayitaane fan abil áfulen li buyinumabu bata anawu Hulimahu han ajamumuu. Anawu ummu, akila ammuu kagendenaku kata bútinabu tan sígulasu silomuu.

Máciya 13:54

Muñeˈe li ajow boot li ésukayi yoola áliiŋ, li anaak aliiken bukanabuku li siluufasu sata kal̥awaku. Baliikenelabu boola li búji bukanabuku feh kanaake kujantenoolumuu li kusego. Li kunaak kugel̥l̥enoo koon: — Kama bay ánayinaawu ummu aliikenumulo bújallowabu umbu? Buu kaane li ayili akaan wahawu unwu wájaahaleni muñowu?

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 24:14

Hulimahu unhu Hásuumaahu hata Jáyiiyaju fan huwaaleyi tanootan li adunaayi feh, min lako búhiisenum boot li ésukayi feh. Banumuu, kabanaku kata adunaayi li kukit kúliiŋul.

Máciya 3:2

— Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 1:14

Muñeˈe nan Elod ajokumuu Saŋ akul̥ fú’ tó, Yéesu li ajow boot li etaamayi yata Gálile, min awaale bo Hulimahu Hásuumaahu hata Ateemit.

Maak 1:21

Muñeˈe Yéesu li kúgoomaku, min alako ló kaliiken bukanabuku Hulimahu hata Ateemit.

Maak 1:39

Mal̥egen Yéesu li ajow tanootan li etaamayi feh yata Gálile, min anaak awaale bo Hulimahu Hásuumaahu li siluufasu feh sata kal̥awaku sata halaabahu unhu, ban li akesoo uyinumawu wajakutumuu úfu’ li bukanabuku kan újufomuu.

Maak 3:10

Emmuu Yéesu lafakenfaken bukan kameeŋe, bukanabuku feh kásomutumuu li kulako buñuññoo mantee li kugolool.

Maak 6:2

Nan húyiiyaayahu hata Kusuwifaku húliiŋumuu, Yéesu li alako kaliiken bukanabuku Hulimahu li eluufayi yata kal̥awaku. Bukanabuku kalakowoolumuu bajantenabu kumemmeeŋ. Li kusego ŋáa’ min kunaak kugel̥l̥enoo koon: — Kama bay ánayinaawu ummu áhaasumulo wahawu unwu feh? Bay lábajumulo bújallowabu umbu? Buu kaane li ayili akaan wahawu unwu wájaahaleni muñowu?

Maak 6:6

Yéesu li asego mata buu kúyinenutumuu li akila. Fúlum tó, Yéesu li añaahoo li básukabu feh bakoojumuu, min aliiken bo bukanabuku Hulimahu hata Ateemit.

Hulimahu Hásuumaahu loon Lík akiic homuu 10:9

Jifaken kásomutumuu li ésukayi inyu, ban li joon bukanabuku kakin dómuu: «Jáyiiyaju jata Ateemit jíkoojuluul.»

Hulimahu Hásuumaahu loon Lík akiic homuu 13:10

Li líiŋ li hunak hakee hata húyiiyaay hata Kusuwifaku.

Hulimahu Hásuumaahu loon Lík akiic homuu 16:16

«Wahawu wakiicimuu li Eluwaayi hunhu li kawaaleyi, ban anoowan li aŋa’ sembewool min anoken li Jáyiiyaju.

Hulimahu Hásuumaahu loon Lík akiic homuu 20:1

Li líiŋ hunak hakee, Yéesu li alako kaliiken ésukayi li eluufayi yata Ateemit li kawaale Hulimahu Hásuumaahu, huhaanaahu hata élambaayi li kaliikenemuu ésukayi eluwaayi ésukayi eluwaayi yata Móyiis, li kuyaan kúŋejul li kunahaanaku kata ésukayi ló.

Hulimahu Hásuumaahu loon Lík akiic homuu 4:14

Fúlum tó, Yéesu li alaañ boot li etaamayi yata Gálile, sembaasu sata Buyinumabu Banabaabu so li okila. Li kulob moola li halaabahu unhu feh.

Hulimahu Hásuumaahu loon Lík akiic homuu 5:17

Muñeˈe li líiŋ hunak hakee, Yéesu li alako buliiken ésukayi Hulimahu hata Ateemit. Li baj Kufaaliisiyeŋ li kaliikenemuu ésukayi eluwaayi ésukayi eluwaayi yata Móyiis, kabahe kukoojool. Buko umbuku li sísukasu feh sata etaamayi yata Gálile li sata etaamayi yata Súde, li foof ésukayi yata Yeelusalem kubilumulo. Sembaasu sata Amaaŋenawu li Yéesu silakowe, min afaken bukanabuku kásomutumuu.

Hulimahu Hásuumaahu loon Lík akiic homuu 6:17

Muñeˈe Yéesu li áwalowumul li huyuuyahu li kufootalaku koola ló, ajow ayiten tan etaamayi elelenoole, tin kameeŋe li kúgoomaku, li kata halaabahu hata sísukasu sammuu li etaamayi yata Tiil li Sidoŋ sammuu bata katantaku kata halahu.

Hulimahu Hásuumaahu loon Lík akiic homuu 6:6

Li líiŋ li húyiiyaay hukee hata Kusuwifaku min alako kaliiken bukanabuku Hulimahu hata Ateemit. Li baj ló ánayine an kaŋenool kúli kukete.

Hulimahu Hásuumaahu loon Lík akiic homuu 7:21

Yaan no unnu, Yéesu li afaken bukan kameeŋe li úsomutawu wooliil, li jilumaju jooliil. Li afaken bukan kan uyinum wajakut újufoye, ban li akaan bukan kameeŋe káfuume kujuk.

Hulimahu Hásuumaahu loon Lík akiic homuu 7:22

Ban li aan bukanabuku kan Saŋ áboñulumuu: — Jijow jikitten Saŋ wahawu wan jijukumuu li wan jijamumuu: bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, kásokomuu kujame, kaketumuu kuyitowe, ban Hulimahu Hásuumaahu huwaaleyiwaale esukateenayi.

Hulimahu Hásuumaahu loon Lík akiic homuu 8:1

Muñeˈe li fiyo jakee, Yéesu li ajow li sísukasu sáamakasu li básukabu batitabu, ajow ayiiŋen ban li awaale bo Hulimahu Hásuumaahu hata Jáyiiyaju jata Ateemit. Kúgoomaku koola kuŋen li kúl̥ubaabuku, li kunab li okila,

Hulimahu Hásuumaahu loon Lík akiic homuu 9:11

Nan búsukabu bujamumuu, li bunabenool. Yéesu li ayabiil jak, ban li alobiil mata Jáyiiyaju jata Ateemit. Li afaken kásomutumuu kafañumuu min kufak.

Hulimahu Hásuumaahu loon Lík akiic homuu 9:60

Yéesu li aanool: — Ukat bukanabuku kaketumuu min buko humumiil kuhok bukaniil kaketumuu, min awu ujow uyiiŋen hulimahu hata Jáyiiyaju jata Ateemit.

Hulimahu Hásuumaahu loon Saŋ akiic homuu 18:20

Yéesu li aanool: — Lilollob ihant hákil ésukayi feh. Linaanaak iliiken bukanabuku li siluufasu sata kal̥awaku feh kuwoogemuu, ban bajut wah wan ilobe li huyoloo.

Hulimahu Hásuumaahu loon Saŋ akiic homuu 6:59

Kulimaku unku Yéesu alobumuu nan alakomuu kaliikenaku kata bukanabuku li eluufayi yata kal̥awaku yata ésukayi yata Káfeenawum.

Hulimahu Hásuumaahu loon Saŋ akiic homuu 7:1

Muñeˈe nan fúlum tómuu, Yéesu li añaahoo li etaamayi yata Gálile. Afañut min ájowum li etaamayi yata Súde mata kunahaanaku kata Kusuwifaku huŋesool kulakowe boot jamuk.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 18:4

Li húyiiyaay mantee li akaan Kusuwifaku li kugilekaku kúyinen.

Bakaanelabu 20:25

«Libiibil boot booluul foofuul feh min iwaalewuul Jáyiiyaju jata Ateemit, bale muñeˈe, lihaase jak kaanaku, anoowan li bukuluul let alaañen ajukom buul.

Bakaanelabu 28:31

Fool li anaak awaale bukanabuku mata Jáyiiyaju jata Ateemit, ban li anaak aliiken bukanabuku mata Amaaŋenawu li mal̥egenool, ban bajut an áhilool ákaanum mo.

Kata Lom 10:15

Buu koote kuyili kuwaale moola, bukan baboñuti boot kawaale moola? Loon Bakiicelabu bulobumuu: «Mo kite súum nan bukanabuku kawaaleyemuu Hulimahu Hásuumaahu kúliiŋulemuu!»