Máciya 4:24 - Jola-Kasa

²⁴ Mó lí múji Yéesu li ajamo li etaamayi feh yata Siili. Muñeˈe li kunaak kúŋalulool bukan kata úsomut wanoowan, li jilum janoojan; bukan kan Sayitaane ájufoye, bukan katujowe, li kubob. Yéesu li afakeniil.

Máciya 4:24 Referencias Cruzadas

Máciya 12:22

Muñeˈe li kúŋalul Yéesu ánayine áfuume ban ayilaat alob, mata buyinum bajakut bújufowool. Yéesu li afaken ánayinaawu min jíwool li ayili álobul, li ayili foof ajuk.

Máciya 14:1

No unnu, Elod alako nomuu águubelunaalawu ata Gálile, li ajam li kulob mata Yéesu.

Máciya 15:22

Muñeˈe li baj anaale áfulumulo halaabahu unhu hata Kanaan abil boot bata Yéesu, áliiŋul li al̥okoolool butiya aanool: — Amaaŋen, ubonket úyiyenom, Añiil ata Dayit! Asúngutaawu úmbaam buyinum bajakut bújufowool, li buyokenool ŋáa’!

Máciya 17:15

— Amaaŋen, ubonket úyiyen añoolom. Latujowetujo, ban lálallaam ŋáa’, mata lalowelo ñameeŋe li sambun, li mal.

Máciya 17:18

Muñeˈe nan kúŋalulumuu añiilawu, Yéesu li anuuloo li sembe buyinumabu bajakutaabu. Li búfu’ li añiilawu áyinaawu, min ayaan afak to.

Máciya 4:23

Yéesu li ajow tanootan li etaamayi feh yata Gálile, min anaak aliiken bukanabuku Hulimahu hata Ateemit li siluufasu sata kal̥awaku sata Kusuwifaku. Li anaak awaale Hulimahu Hásuumaahu hata Jáyiiyaju. Li afaken bukanabuku kásomutumuu li úsomutawu feh wajokiilumuu, li jilumaju jooliil feh.

Máciya 8:28

Muñeˈe Yéesu li ajow boot kageb kaaka kata húwajahu, li etaamayi yata kata Gadala. Nan áliiŋumuu, kánayine kúl̥uba kan uyinum wajakut újufowe, ban li kúfulumul li kuyaak kawoki li hugisa, li kubil kufam li akila. Kánayinaabuku umbuku kúl̥uba li kúkoyileni bil gay, an ayilaat ájowum li bútinabu umbu.

Máciya 8:33

Bukanabuku kalakomuu humatahu hata sifulugunasu li kutey boot li ésukayi, kujow kukitten wahawu wabajumuu feh, háŋum buu Yéesu afakenumuu eeno bukanabuku kan uyinumawu wajakutumuu újufomuu.

Máciya 8:6

— Anahaan alokaawu úmbaam ummu búmba mahintowe. Labobobobo, ban ummu li sílaam sáamak.

Máciya 9:26

Muñeˈe wahawu wan Yéesu akaanumuu, li ujamo li halaabahu unhu feh.

Máciya 9:35

Yéesu li anaak añaahoo li sísukasu feh, min anaak aliiken bukanabuku li siluufasu sata kal̥awaku. Li afaken kásomut kanookan, li jilum janoojan li ésukayi.

Maak 1:28

Muñeˈe Yéesu li ayaan ajamo aban tanootan li etaamayi feh yata Gálile.

Maak 1:32

Muñeˈe li bil liiŋ kátiimaku, banakabu balowe, bukanabuku li kútebul kásomutumuu feh li kan uyinumawu wajakutumuu újufomuu, boot bata Yéesu.

Maak 2:3

Kánayine kubakii li kútebul ánayine abobowe boot bata Yéesu.

Maak 2:4

Bale kuyilaat kújowetum hubobahu boot tan Yéesu alakomuu, mata búsukabu búji. Muñeˈe li kúfabul li butacabu bata eluufayi jooŋoo tan Yéesu alakomuu, min kúwalenumul tó kafeekaku dán hubobahu huhintomuu.

Maak 2:9

Waa uhaŋ másuum elob, kaan hubobahu: «Uhoofoolawu wooli ubonketibonket», mantee kaanool: «Uyito uŋa’ bukal̥abu booli min ujow?»

Hulimahu Hásuumaahu loon Lík akiic homuu 2:2

Kacobaku unku kata bukanabuku, kammuu kútinaa, li kukaani nan Kíiliniyis alakomuu águubelunaalawu ata etaamayi yata Siili.

Hulimahu Hásuumaahu loon Lík akiic homuu 4:14

Fúlum tó, Yéesu li alaañ boot li etaamayi yata Gálile, sembaasu sata Buyinumabu Banabaabu so li okila. Li kulob moola li halaabahu unhu feh.

Hulimahu Hásuumaahu loon Lík akiic homuu 4:38

Muñeˈe Yéesu li áfulumul li eluufayi yata kal̥awaku. Li áliiŋ, li atook al̥ol Simoŋ aale bújuusa báamak babetelool. Li kuyaakoo Yéesu mantee li afakenool.

Hulimahu Hásuumaahu loon Lík akiic homuu 5:15

Muñeˈe Yéesu li ahaŋ majamo. Búsukabu li bunaak buhaŋ mabil meeŋ boot bajantenool li foof mantee li afakeniil li úsomutawu wooliil.

Hulimahu Hásuumaahu loon Lík akiic homuu 5:24

Bale, lifañe min jihaas kaanaku Añool-An lababbaj kayile li etaamaye kata kabonket uhoofoo. Muñeˈe Yéesu li aan ánayinaawu abobomuu: — Uyito, uŋa’ bukal̥abu booli min ujow bóot.

Hulimahu Hásuumaahu loon Lík akiic homuu 7:17

Wahawu wan Yéesu akaanumuu, li ujamo fú’ li etaamayi feh yata Súde li sísukasu sakooj yomuu.

Hulimahu Hásuumaahu loon Saŋ akiic homuu 10:21

Bale kaabuku li koon: — An an buyinum bajakut bújufowe ayilaat alob kulimaku unku. Mantee buyinum bajakut buyilo bukaan bukan káfuume kujuk?

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 15:23

Muñeˈe li kukiic kulimaku unke kuseniil kújowetum: «Kufootalaku li kunahaanaku kata ejanguwayi, li kutuyuul kusaafuluul feh, bukuluul jammuu kutuyiil káfummulomuu li kákaanumutumuu li Ateemit balewool, kakinumuu Antiyok, li etaamayi yata Siili li yata Silisi.

Bakaanelabu 15:41

Fool li ájowum li etaamayi yata Siili alo li yata Silisi, min anaak awankulen sijanguwasu li káyinenaku kan sibajumuu.

Bakaanelabu 28:9

Fúlum tó, kúsomuta kaabuku kata étebelemukayi li kubil foof kujuk Fool, li afakeniil.

Bakaanelabu 8:7

Mata bukan kameeŋe kan uyinum wajakut újufoweene kufaafak. Uyinumawu wajakutumuu ulakomuu li úfu’ li buko, li ukaaw butiya. Bukan kameeŋe kabobowe li kakaje, li kufak foof.