Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Bakaanelabu 13:50 - Jola-Kasa Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil. |
Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.
Suseef ata ésukayi yata Alimate, li áliiŋul. Lakankaan an áamak li Hujojahu háamakahu hata Kusuwifaku, ban li alako banaak nan Jáyiiyaju jata Ateemit jommuu li jílaŋul. Muñeˈe li abaj kakaañen min ajow boot bata Filat ajow alobool min asenool ehuluŋayi yata Yéesu.
Nan bajojabu buyiisumuu, Kusuwif kameeŋe li bukan kameeŋe kátiiwomuu kuŋa’ bútinabu bata Kusuwifaku, li kunab li Fool buko li Balunabaas. Fool buko li Balunabaas li kulob li buko, ban li kuwankuleniil mata min kujok jak kájiyaku kata Ateemit.
Nan Kusuwifaku kujukumuu búsukabu, li kutahaay ŋáa’. Li kunaak kúhoogul kulimaku kata Fool, ban li kunaak kugelool.
Kusuwif li kubilum Antiyok yata Fisidi, li Ikóniyom. Li kukaan búsukabu búyinen li buko, min kutek Fool kuyitik boot kumuk, ban li kúhuulool kúfuletum tíyaŋ ésukayi, mata kunaanaak kuyinoo li koon lakeeket.
Bale Kusuwifaku kafañutumuu kúyinen li Yéesu, li kutiken bukanabuku kákaanumutumuu li Ateemit balewool min kubaj kayinoo kajakut li káyinenumuu.
Muñeˈe bukanabuku kata ésukayi li kutiiloo: kukee li kulaañ bata Kusuwifaku, kaabuku bata Kufootalaku.
Kusuwifaku, li kákaanumutumuu li Ateemit balewool, li kunahaanaku kooliil li kulako kágoluloo bánum li kúcoocikoo Fool buko li Balunabaas, min kutekiil kuyitik kumuk.
Akee li kanaalaabuku umbuku kajawool Liidi. Liidi an ata ésukayi yata Tiyatiil, ban li alako ájulaˈa ata sileesa sájunke satiineniye ŋáa’, ban li anaak amanen Ateemit. Liidi li ájantenoli. Muñeˈe Amaaŋenawu li ábabulool buyinum, min abet sifintuwool feh li kulimaku kan Fool alakomuu elobayi.
Bukan kameeŋe li buko li kúyinen. Li baj li kata Gilees, kanaale kameeŋe káami bukan káamak li ésukayi, li kánayine kameeŋe káyinene li Yéesu.
Bale nan Kusuwifaku kata Tesalonik kujamumuu kaanaku Fool ummu li kawaale foof Hulimahu hata Ateemit li ésukayi yata Beele, li kubil kákiŋul li káguul̥ búsukabu.
Li anaak áwonnoo li eluufayi yata kal̥awaku li bukan kaabuku kamanenemuu Ateemit. Li áwonnoo foof hunakoohunak li bukanabuku kan ammuu atook li kaayeenaku.
Kusuwif kukee li buko li kúyinen, min kulaañ bata Fool buko li Silaas. Bukan kameeŋe kata Gilees kanaake kumanen Ateemit, li kanaale kameeŋe káami bukan káamak li ésukayi, li kulaañ foof bata Fool buko li Silaas.
Muñeˈe Fool li áfulum tó ajow boot bata Títiyus Súsitis anaake amanen Ateemit, ban eluufayi yoola li ekooj eluufayi yata kal̥awaku yata Kusuwifaku.
Muñeˈe li baj Yeelusalem Kusuwif kánayine kata káyinen. Kánayinaabuku umbuku li sísukasu feh sata adunaayi kúfulumulo.
Nan kunakaku hutok li kúl̥uba kulakomuu li kuban, Kusuwif kata etaamayi yata Aasi li kujuk Fool li eluufayi yata Ateemit. Li kúkiŋul búsukabu feh min bujok Fool.
Nan jeˈe bajumuu kunak kúhaaji, Fool li ahooñ boola kunahaanaku kata Kusuwifaku kata Lom. Nan kuwoogumuu li aaniil: — Kutuyom, maayeet min ikaanutumuu bukanolaal wah wajakut, mantee foof li múkaaniinamu mata situubawolaal sihaan, li kujokom Yeelusalem kubet li kuŋen kata kata Lom.
Li kúkiŋul búsukabu, li kunahaanaku, li kaliikenemuu ésukayi eluwaayi ésukayi eluwaayi yata Móyiis, min kubil kujok Ecen kújowetum boot bata Hujojahu háamakahu hata Kusuwifaku.
Muñeˈe Sóol lafanfañ min kumukumuu Ecen. Li baj li hunakahu unhu hanolahu, jálaaten jáamak li Ejanguwayi yata Yeelusalem. Káyinenumuu li Yéesu feh li kuyiisoo kujow boot li etaamayi yata Súde li yata Samali, jow saŋo Kufootalaku.
Li mal̥egenamu, liyilo een kusuwifaku kuhankenhanken min kulok boot li Ateemit, bale kuhaasut li mal̥egen buu kommuu li kulok eeno boot li akila.
Liñaahoole ñameeŋe li koot, ban li ilako li iket ñameeŋe: li kañaahoo li utunkawu, li káfimboo li ékuu yamuke bukan, li kuŋen kata bukanom li kata bukanabuku kaletumuu Kusuwif, li sísukasu sílunlumaayasu, li uyiinaayawu, li kusamuwaku, li kuŋen kata bukanabuku kámalumuu koon kutuyolaal koom.
Kutuyom, li mal̥egenamu jikankaan loon bukanabuku káyinenumuu li Yéesu Kilisita kata Sijanguwasu sata Ateemit sammuu li etaamayi yata Súde. Sílaamasu san bukanuul kan jikinumuu li etaam yano kúlaamenuulumuu, so foof kusuwifaku kúlaamenumuu bukanabuku kata Sijanguwasu unsu sata Súde.
li jálaatenaju jan kúlaatenommuu, li sílaamasu súmbaam. Luhaase wahawu feh wabajommuu li ésukayi yata Antiyok, li yata Ikóniyom li yata Lisit, li buu kúlaamenom bomuu eeno. Bale Amaaŋenawu lafakenonfaken li wahawu unwu feh.