Bakaanelabu 17:12 - Jola-Kasa

¹² Bukan kameeŋe li buko li kúyinen. Li baj li kata Gilees, kanaale kameeŋe káami bukan káamak li ésukayi, li kánayine kameeŋe káyinene li Yéesu.

Bakaanelabu 17:12 Referencias Cruzadas

Maak 15:43

Suseef ata ésukayi yata Alimate, li áliiŋul. Lakankaan an áamak li Hujojahu háamakahu hata Kusuwifaku, ban li alako banaak nan Jáyiiyaju jata Ateemit jommuu li jílaŋul. Muñeˈe li abaj kakaañen min ajow boot bata Filat ajow alobool min asenool ehuluŋayi yata Yéesu.

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.

Bakaanelabu 13:46

Muñeˈe Fool buko li Balunabaas li kulobiil li kabaneyiil kooniil: — Hulimahu hata Ateemit bukuluul hooteenimuu hujandi lob. Bale emmuu jihoohoy ho, ban li jijok kaanaku jitookut min jiyab buloŋabu bábaneliitumuu, muñeˈe kama áloli boot min jítiiwo boot bata bukanabuku kákaanumutumuu li Ateemit balewool.

Bakaanelabu 13:50

Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil.

Bakaanelabu 14:1

Muñeˈe nan Fool buko li Balunabaas kúliiŋumuu Ikóniyom, li kunoken foof li eluufayi yata kal̥awaku, min kuwaale Hulimahu hata Ateemit yok Kusuwif li bukan kákaanumut li Ateemit balewool kameeŋe kúyinen.

Bakaanelabu 2:47

Li kunaak kukijen ukijen wata kasal Ateemit. Li kúsuum bukanabuku feh. Amaaŋenawu li anaak afamen hunakoohunak li huwoogahu hooliil, bukanabuku kan afakenumuu.

1 Kata Koolent 1:26

Kutuyom, jijuke min jijuk bukuluul bukan buu joom, bukuluul jan Ateemit ahooñumuu. Li kayinoo kata ál̥ahukowan, bajut li bukuluul bukan kameeŋe kájallowe, bajut bukan kameeŋe káami bukan káamak, bajut foof bukan kameeŋe li bukuluul kabuki li utoŋ wáamak.

Kata Efées 5:14

Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»

Saak 1:10

An áyinene li Yéesu ban li akaan usaanum, laate ásangoo li Ateemit bawalenelool. Li mal̥egenamu, an akaane usaanum let afiyo, loon élunfenayi yata mahosamu éfiyoweliitumuu.

Saak 1:21

Mó mújimuu kama joote jífulen makaane manooman majakut, li búl̥afutabu basaŋomuu li bukuluul. Ban li jiwalenoolo, min jiyab hulimahu han Ateemit akaanumuu li uyinumawu wooluul, hayilimuu hufakenuul.