Kata Lom 10:2 - Jola-Kasa

² Li mal̥egenamu, liyilo een kusuwifaku kuhankenhanken min kulok boot li Ateemit, bale kuhaasut li mal̥egen buu kommuu li kulok eeno boot li akila.

Kata Lom 10:2 Referencias Cruzadas

Hulimahu Hásuumaahu loon Saŋ akiic homuu 16:2

Fan kukesooluul jífu’ li siluufasu sata kal̥awaku. Ban foof ewaatuwayi fan éliiŋ, nan bukanabuku kammuu kumukuul kommuu li kuyinoo li koon, kukankaan wah wajake boot li Ateemit.

Bakaanelabu 21:20

Nan kunahaanabuku kata ejanguwayi kujantenoolumuu min alob aban, li kusal Ateemit. Ban li koon Fool: — Atúyoli, lujuke Kusuwif koono sínjunne seem kúyinenumuu, ban buko foofiil feh kútuutuk Eluwaayi yata Móyiis jak.

Bakaanelabu 21:28

Li kunaak kulob butiya koon: — Isilayeel, jíwaakenul jílambenoli! Ayínaawu umme awaaleˈemuu tanootan bukanabuku feh majakut aya li ésukayi yata Isilayeel, li eluwaayi yata Móyiis, li eluufayi inye yata Ateemit! Ban muñeˈe lamite akaan bukan kata Gilees kúnokenul li eluufayi yata Ateemit, min kusik eluufayi inye yáñeyimuu!

Bakaanelabu 22:22

Búsukabu li bujanten kale Fool min alob boot yok nan alobumuu kulimaku unku. Muñeˈe li kunaak kulob butiya koon: — Anáyinaawu ummu laate aniileni li etaamaye! Aatut aloŋ!

Bakaanelabu 22:3

— Injé Asuwif leem, abuki li ésukayi yata Taalus yammuu li etaamayi yata Silisi. Bale taate Yeelusalem lanke, min Gameliyel alako no anahaanawu úmbaam, aliikenommuu jak eluwaayi yata situubawolaal sihaan. Ban lisensen buloŋom feh Ateemit loon bukuluul foofuul feh jikanumuu síyaat.

Kata Lom 10:1

Kutuyom, wahawu wan ifañumuu li buyinumom feh ban li il̥aw wo Ateemit boot li kusuwifaku, wo wommuu min kufak.

Kata Lom 10:3

Li mal̥egenamu, Kusuwifaku kuhaasut buu Ateemit akaanemuu min bukanabuku kulako bukan kacole hákilool, min buko humumiil kuŋes min kulako bukan kacole. Wahawu unwu újimuu kukaanut wahawu wan Ateemit afañumuu min bukanabuku kukaan min kulako bukan kacole hákilool.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

2 Kata Koolent 8:3

Kusensen wahawu wan kuyilimuu kusen, maayeet jow haŋ to, ban kuyitoyito li kuyaan kusen. Injé liyilo ilob mo mata lijuujuk.

Kata Galasi 1:14

Kameeŋe li kufaalom kusuwif kata jamaanewom, ínje ihaŋiil no mahanken li bútinabu bata kusuwifaku, li ihaŋiil no máyikil̥o ŋáa’ li múkaaniinamu mata situubawom sihaan.

Kata Galasi 4:15

Kama ésuumahukowayi yooluul yata no inyay? Li mal̥egenamu, ínje liyilo ilob kaanaku jiyiliyeenumuu, fan jíkool̥ul kúkilaku kooluul jisenom.

Kata Fílib 1:9

Wahawu unwe lil̥awemuu Ateemit: min húbooliyahu hooluul hunaak huhaŋ maluuk huyinno bo, min hulambenuul li kahaas mal̥egenamu jak li kaliitiken wahawu jak,

Kata Fílib 3:6

Lihankenhanken to bil gay li inaak ílaamen Ejanguwayi. Ulobaalumuu mata buloŋ bacole loon eluwaayi elobumuu, an let ayili awatatenom to li wahoowah.

Kata Kolos 4:13

Li mal̥egenamu, ínje humumom liyilo ilob moola kaanaku lalokelok ŋáa’ boot li bukuluul, boot kata ésukayi yata Lawodise li boot kata ésukayi yata Híyelofoliis.