Maak 15:43 - Jola-Kasa

⁴³ Suseef ata ésukayi yata Alimate, li áliiŋul. Lakankaan an áamak li Hujojahu háamakahu hata Kusuwifaku, ban li alako banaak nan Jáyiiyaju jata Ateemit jommuu li jílaŋul. Muñeˈe li abaj kakaañen min ajow boot bata Filat ajow alobool min asenool ehuluŋayi yata Yéesu.

Maak 15:43 Referencias Cruzadas

Máciya 19:30

Bale kameeŋe li kútinaalabuku fan kulako kúsola. Kameeŋe li kúsolaabuku fan kulako kútinaa.

Máciya 20:16

Mó mújimuu bukanabuku kúsolaabuku fan kubil kulako kútinaa, min bukanabuku kútinaalabuku kulako kúsola.»

Máciya 27:57

Nan líiŋumuu kátiimayi, ánayine akee akaane usaanum, ata ésukayi yata Alimate, li áliiŋul. Anáyinaawu kajawool Suseef ban akila foof ágoom ata Yéesu.

Maak 14:54

Fiyeel li alako lóyi min anaak ánabul li Yéesu, boot yok li ekaakayi yata eluufayi yata anahaanawu ata élambaayi. Nan áliiŋ dómuu, li abah áginnoo li kufooyaaku min alako kayiiño sambun.

Maak 15:44

Bale Filat li asego nan ajamumuu kaanaku Yéesu layaane aket. Li aboñ kujow kúhooñul anahaanawu ata kusollaaliyaku téemeel, min agel̥l̥enool mantee fiyowe nan Yéesu akete.

Hulimahu Hásuumaahu loon Lík akiic homuu 2:25

Muñeˈe li baj Yeelusalem ánayine akee an koone Simiyoŋ. Simiyoŋ lakankaan an acole ban li átuul Ateemit. Li alako banaak anawu ammuu li afaken Isilayeel. Buyinumabu Banabaabu bulakolako li akila.

Hulimahu Hásuumaahu loon Lík akiic homuu 2:38

Aana li áliiŋul tó li mano li Simiyoŋ, min alako kasal Ateemit. Li alob mata Yéesu asen bukanabuku feh kalakomuu banaak min Ateemit afaken Yeelusalem.

Hulimahu Hásuumaahu loon Lík akiic homuu 23:50

Muñeˈe li baj ánayine akee an koone Suseef áfulumulo li ésuk yakee yata Kusuwifaku yaaneyi Alimate. Suseef li akaan ánayine asúume ban li acol. Li Hujojahu háamakahu hata Kusuwifaku lalakowe.

Hulimahu Hásuumaahu loon Lík akiic homuu 23:51

Afañut wahawu wan kaabuku kunongumuu kakaan, li wan kukaanumuu. Suseef banaak ebilayi yata Jáyiiyaju jata Ateemit lalakowe.

Hulimahu Hásuumaahu loon Saŋ akiic homuu 19:38

Nan fú’ tómuu, Suseef ata ésukayi yata Alimate, li ajow al̥aw Filat mantee li akatool min aŋa’ ehuluŋayi yata Yéesu. (Suseef lalakolako ágoom.) Muñeˈe Filat li akatool min ajow aŋa’ yo. Mal̥egen Suseef li ajow aŋa’ ehuluŋayi ájowetum.

Bakaanelabu 13:50

Bale Kusuwifaku li kutiken kanaalaaku kammuu bukan káamak li ésukayi, káyinenumuu li Ateemit, li bukanabuku káamakaku kata ésukayi, min kúji bukanabuku li kúlaaten Fool buko li Balunabaas, ban li kukesooliil kúfu’ li etaamayi yooliil.

Bakaanelabu 17:12

Bukan kameeŋe li buko li kúyinen. Li baj li kata Gilees, kanaale kameeŋe káami bukan káamak li ésukayi, li kánayine kameeŋe káyinene li Yéesu.

Kata Fílib 1:14

Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.