Bakaanelabu 11:16 - Jola-Kasa Muñeˈe li iwayil̥o kulimaku kan Amaaŋenawu alob nomuu aan: «Saŋ li mal lábatiisewume bukanabuku, bale bukuluul fan jíbatiisewumi li Buyinumabu Banabaabu.» |
Injé, li mal̥egenamu, li mal li bátiisewumuul boot káhiis kaanaku jibeebet búsol uhoofoolawu wooluul, min jiŋa’ buloŋ buwunkul. Bale anawu ammuu li abil búsolom, lahaŋom sembe. Itookut min ífulen sidallaasu soola. Akila fan ábatiisewuul li Buyinumabu Banabaabu, li sambun.
Nan kuŋejumuu, li kuheb uhoofoolawu wooliil hákil ésukayi feh, min Saŋ ábatiiseyiil li katunkaku kaaneyimuu Suuludeŋ.
Saŋ li aaniil foofiil feh: — Injé li mal li bátiisewumuul, bale an ummu li ebil ahaŋom sembe. Itookut min il̥el̥ uneewawu wata sidallaasu soola. Akila fan ábatiisewuul li Buyinumabu Banabaabu, li sambun.
Saŋ li aaniil: — Injé li mal li bátiiseye bukanabuku, bale an ummu li tutuul an jihaasut.
Injé ihaaseenutool, bale Ateemit áboñulommuu ibil íbatiise bukanabuku li mal, laanonsaan: «Anawu an ommuu li ujuk Buyinumabu Banabaabu li búwalowul bubil bulako li akila, okila ammuu ábatiise bukanabuku li Buyinumabu Banabaabu.»
Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.
Lilobuulob mo ikat to bájum nan taŋayi inyu yommuu li éliiŋ, li jíwayil̥o joon lilobeenuulob mo. — Ilobutuul mo yaan no li húkitumahu, mata li bukuluul lilakowe.
Mata Saŋ Batiis li mal lábatiisewume bukanabuku. Bale taate kunak, Ateemit fan ábatiisewuul li Buyinumabu Banabaabu.
Líhiisuuhiis li wahawu feh kaanaku joote jilok loon muñaˈa, min jilamben kusukateenaku, ban li uwayil̥owaal kulimaku kan Amaaŋenawu Yéesu humumool alobumuu: “Kasen wah an lahaŋ mabaj ésuumahukow, an baseneyi wah.”»
Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.
Kutuyom kan iboolaat, eleetalayi inye yo yommuu eleetal él̥ubut yan ikiiculuul. Li sileetalasu unsu síl̥uba, liwayil̥enuuwayil̥en ló wah wáami li úliwuul uyinum, min jibaj uyinoo wacole.