Bakaanelabu 20:35 - Jola-Kasa

³⁵ Líhiisuuhiis li wahawu feh kaanaku joote jilok loon muñaˈa, min jilamben kusukateenaku, ban li uwayil̥owaal kulimaku kan Amaaŋenawu Yéesu humumool alobumuu: “Kasen wah an lahaŋ mabaj ésuumahukow, an baseneyi wah.”»

Bakaanelabu 20:35 Referencias Cruzadas

Máciya 10:8

Jifaken kásomutumuu. Jiyiten kaketumuu. Jifaken bukanabuku kan háhaayee ejokumuu. Jikesoo uyinumawu wajakutaawu úfu’ li bukanabuku kan újufomuu. Jiyayyab bacaamut, jisen bagel̥l̥enut bacaam.

Bakaanelabu 20:20

Jihaase joon iyoloolutuul wahoowah waate uyili ulambenuul. Liwaalewuuwaale ban li iliikenuul wahawu feh hákil ésukayi feh, li híndo siluufasu sooluul.

Bakaanelabu 20:27

Mata líhiisuuhiis wahawu feh wan Ateemit afañumuu kakaan, ban iyoloolutuul wahoowah.

Bakaanelabu 20:34

Bukuluul humumuul jihaase joon li kuŋenom lílokume, min ibaj wah boot li buloŋom li bata kanaake kunabumuu lí ínje.

Bakaanelabu 20:36

Nan fool alobumuu loon muñaˈa aban, li ákuntuŋ li buko ló min al̥aw.

Kata Lom 15:1

Alolaal jabajaalumuu sembe li káyinenaku, lootaale ulambenaal kágootomuu li káyinenaku. Jakum uŋesaal wahawu wásuumolaamuu bale.

1 Kata Koolent 9:12

Nokoomuu loon baje kukee kayilo kúbajum wah li bukuluul, áloli jihaŋiil mabaj kayilaaku unku, inti mo? Alóli jiyiliyeene jikaan mo, bale jikaanut mo, min jímuñ wahawu feh jakum bil jíji Hulimahu Hásuumaahu hata Kilisita li hújowaati loon hóotimuu hujow.

2 Kata Koolent 11:12

Wahawu wan ikaanumuu, fan inaak ikaan wo foof, jakum bil isen bútin bukanabuku umbuku kammuu li huŋesahu hata bo min kusaloolo mata min kuloke loon áloli jilokemuu.

2 Kata Koolent 11:9

Ban nan ilakomuu booluul, jokommuu li wah let iyoken an. Kutuyolaal kammuu li etaamayi yata Maseduwaan kunaake kulambenommuu li wahawu wan naake jokommuu li wo. Lijukejuke to jakum bil ilako búteb boot li bukuluul, ban let ikat min ilako búteb boot li bukuluul.

2 Kata Koolent 12:13

Waa sijangu saasu sibaje wan bukuluul jibajut? Mantee yo yommuu min eenutuulumuu jookenom. Ban kama li jibonketom min ikaanutuulumuu col.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

Kata Efées 4:28

An anaakumuu ákuwet, li akat ékuwetayi. Laate alok li kuŋenool min ábajum to wah boot li buloŋool, li álambenum tó foof an an tooke kalamben.

1 Kata Tesalonik 4:11

Jiŋes min jiloŋ li kásuumaay. Jakum jinoken dán utumuul ulet. Jítuk li kuŋenuul min jilok min jiloŋ, loon jifinumuu min jilobuul.

1 Kata Tesalonik 5:14

Kutuyom, áloli jumbuku li kal̥awuul kaanaku: Jihab bukan li bukuluul kafañut kakaan bulok bal̥uule. Jiwankulen bukanabuku kákol̥l̥imuu, ban li jilamben kágootomuu. Jímuñ bukanabuku feh.

Eébulo 13:16

Jakum jimojen kakaan majake, li kalambenoo, mata kasila loon unku kúsuumumuu Ateemit.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.

3 Saŋ 1:7

Elob mata Kilisita éjimuu li kujow, ban kufañut kuyab wahoowah li kuŋen kata bukanabuku kákaanumutumuu li Ateemit balewool.