Nan Yéesu alakomuu elobayi li búsukabu, jaawool li kutuyool li kúŋejul. Li kulako tíyaŋ, min kulako huŋes min kulob li akila.
Bakaanelabu 1:14 - Jola-Kasa Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu. |
Nan Yéesu alakomuu elobayi li búsukabu, jaawool li kutuyool li kúŋejul. Li kulako tíyaŋ, min kulako huŋes min kulob li akila.
Li baj to foof kanaale kameeŋe kalakowe lóyi min kunaak kúŋandenul. Kanaalaabuku umbuku li etaamayi yata Gálile kúnabumulo li Yéesu boot kalambenool.
Li baj foof kanaale kalakowe lóyi min kunaak kúŋandenul. Li kanaalaabuku umbuku, Mali ata ésukayi yata Madala, li Mali jaaw ata Saak Atitawu buko Sóose, li Salome, to kulakowe.
Muñeˈe nan húyiiyaayahu hata Kusuwifaku hubanumuu, Mali ata ésukayi yata Madala, li Salome, li Mali jaaw ata Saak, li kúnoomul éki’ yaciiŋowe bájum li kuŋa’ yo kujow kúki’ ehuluŋayi yata Yéesu.
Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»
Muñeˈe Yéesu li alob kúgoomaku min áhiisiil kaanaku koote kunaak kul̥aw nanoonan, ban jakum kubil kúyeko.
Kubuke Yéesu feh, li kanaalaaku kánabulumuu li okila fin to Gálile, li kulako lóyi min kunaak kujukelul wahawu wabajumuu.
Kanaalaabuku kánabulumuu li Yéesu li etaamayi yata Gálile, li kunab li Suseef min kujuk huyaakahu, li foof buu ehuluŋayi yata Yéesu ehinteni lómuu eeno.
Kanaalaabuku umbuku buko koonomuu: Mali Madala, Saan li Mali jaawawu ata Saak. Kanaale kaabuku kan kunaboomuu li kulob manolamu kufootalaku.
Kúgoomaku kúl̥ubaaku li kuyaan kuyito kulaañ boot Yeelusalem. Kúliiŋ, li kutook bo Kufootalaku kuŋen li ano mawooge li kufaaliil kaabuku,
Nan hunakahu hata kagaanaku kaaneyimuu Fantokot húliiŋumuu, bukanabuku káyinenumuu li Yéesu li kuwoog foofiil feh tin tano.
Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.
Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.
Jibaj ésuumansuum humum hata kákangumaku kooluul. Jímuñ bukuluul li sílaam. Jijooŋoo to li kal̥awaku.
Wahawu unwu újimuu, an alobe silob sahaasuti laate al̥aw Ateemit min asenool kájiyaku kata kaheb ésukayi waa silobasu unsu silobe.
Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.