Máciya 12:46 - Jola-Kasa

⁴⁶ Nan Yéesu alakomuu elobayi li búsukabu, jaawool li kutuyool li kúŋejul. Li kulako tíyaŋ, min kulako huŋes min kulob li akila.

Máciya 12:46 Referencias Cruzadas

Máciya 1:18

Muñeˈe Yéesu Kilisita abukimuu eeno. Jaawool Mali, ánayine akee an koone Suseef aŋesool boot huyab. Muñeˈe, Mali li ahalet kútowum kukin li Suseef, li búkaanum bata Buyinumabu Banabaabu.

Máciya 12:47

Muñeˈe akee li aan Yéesu: — Jaawi li kutuyi kumbuku tíyaŋ, ban kufañe min kulob li awu.

Máciya 13:55

Kama kele inti akila ammuu añiilawu ata adaajaawu ata siluufasu? Inti Mali ammuu jaawool. Ban kama inti Saak, Suseef, Simoŋ, li Súd kommuu kutuyool?

Máciya 2:11

Muñeˈe li kunoken li eluufayi kúliiŋ, li kujuk añiilawu li jaawool Mali. Li kúkuntuŋ min kumanen añiilawu. Nan kumanenoolumuu kuban, li kúbabul dán kukaanumuu wañawu wooliil min kusenool éwulus, li ecuulaay, li múki’.

Máciya 2:20

Amalakaawu li aan Suseef: — Uyito uŋa’ añiilawu li jaawool, min ulaañ boot li etaamayi yata Isilayeel, mata bukanabuku kaŋeseenumuu jamuk añiilawu kukete.

Maak 2:21

«An áŋaleliit hufalen hata kañ kuwunkul min áfiboo kañ kuhaan. Mata akaan momuu, hufalenahu huwunkulahu fan huñakoo, li húlangul kañaku kahaanaku, min étaaŋayi ehaŋ maluuk.

Maak 6:3

Kama kele inti akila ammuu adaajaawu ata siluufasu, añiilawu ata Mali? Ban kama inti Saak, li Sóose, li Súd, li Simoŋ, kommuu kutuyool? Kama inti kúliinool kumbuku taate li ololaal? Muñeˈe wahawu unwu li úhiliil kúyinenum li Yéesu.

Hulimahu Hásuumaahu loon Lík akiic homuu 1:43

Kama sum ínje emmuu ayi, májimuu jaaw ata Amaaŋenawu úmbaam li abilom bagaagen?

Hulimahu Hásuumaahu loon Lík akiic homuu 2:33

Atuuba Yéesu li jaawool li kusego mata kulimaku kan Simiyoŋ alobumuu aya li Yéesu.

Hulimahu Hásuumaahu loon Lík akiic homuu 2:34

Simiyoŋ li ásooniyeniil ban li aan Mali, jaaw ata Yéesu: — Ateemit lal̥ul̥l̥us añiilawu umme bánum li áji bukan kameeŋe kata Isilayeel li kulo, kaabuku li kuyito. Fan alako búhiisenum bata Ateemit ban bukanabuku kóomi li kuhoy.

Hulimahu Hásuumaahu loon Lík akiic homuu 2:48

Nan sibukolawool sijukoolumuu li sisego ŋáa’, jaawool li aanool: — Añoolom, wáa újiye li úkaanoli loon muñaˈa? Injé li atuubayi huŋesi jilakowe li buyina ló.

Hulimahu Hásuumaahu loon Lík akiic homuu 2:51

Fúlum tó, Yéesu li akaan loon kuloboolumuu, min anab li buko kulaañ boot Nasalet. Jaawool li aŋa’ wahawu wabajumuu feh akaan li buyinumool.

Hulimahu Hásuumaahu loon Lík akiic homuu 8:10

Yéesu li aaniil: — Ateemit lakaanuukaan jihaas wahawu wahaasutimuu wata Jáyiiyaju joola. Bale kaabuku fan kújamum wahawu unwu li búkittenolum bájum: «Li kujuke, ban let kujuk, li kujam, ban let kúnaanum.»

Hulimahu Hásuumaahu loon Saŋ akiic homuu 19:25

Bútefoo ekuluwaayi yata Yéesu, kayito tomuu buko kommuu, jaawool, atuy jaawool, Mali ammuu anaalaawu ata Kilewofaas, li Mali ata ésukayi yata Madala.

Hulimahu Hásuumaahu loon Saŋ akiic homuu 2:1

Muñeˈe li líiŋ li hunakahu húhaajutahu, li baj búyabo li ésukayi yata Kaana, li etaamayi yata Gálile. Jaaw ata Yéesu to lalakowe.

Hulimahu Hásuumaahu loon Saŋ akiic homuu 2:12

Fúlum tó, Yéesu li ajow boot li ésukayi yata Káfeenawum, akila li jaawool, li kutuyool, li kúgoomaku koola. Kukaanut bo kunak kafame.

Hulimahu Hásuumaahu loon Saŋ akiic homuu 2:5

Jaaw ata Yéesu li aan kulokaabuku: — Wahawu wan ammuu aanuul jikaan, li jikaan wo.

Hulimahu Hásuumaahu loon Saŋ akiic homuu 7:10

Bale nan kutuy Yéesu kujowumuu kagaanaku, okila foof li ajow bo an bahaasut, li huyolo ló.

Hulimahu Hásuumaahu loon Saŋ akiic homuu 7:3

Muñeˈe kutuyaku kata Yéesu li koonool: — Ufú’ taate ujow boot Súde, mantee kúgoomaku kooli foof li kujuk bulokabu ban ommuu li kakaanaku.

Hulimahu Hásuumaahu loon Saŋ akiic homuu 7:5

(Li mal̥egenamu kutuyool humumiil kúyinenut li akila.)

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

1 Kata Koolent 9:5

Wáa áloli jibajut kakaañen min anoowan li ayab anaale áyinene li Kilisita min jinaak jinaboo, loon kufootal kaabuku foof kukaanemuu, li kutuyaku kata Amaaŋenawu li Fiyeel?

Kata Galasi 1:19

Ijukut afootal akee. Saak bale lijuke ammuu atuyawu ata Amaaŋenawu.