Máciya 12:45 - Jola-Kasa

⁴⁵ Buyinumabu bajakutaabu li bulaañ bujow búŋalul uyinum wajakut wakee woono hutok li úl̥uba wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu. Muñaˈa emmuu bil nokoo li bukanabuku kata muñeˈe kajakutumuu.

Máciya 12:45 Referencias Cruzadas

Máciya 12:24

Bale nan Kufaaliisiyeŋaku kujamumuu loon muñaˈa li koon: — Anáyinaawu ummu li búkaanum bata Bélusebul, ammuu anahaanawu ata uyinumawu wajakutaawu, lákesoolumemuu uyinumawu wajakutaawu úfu’ li bukanabuku kan újufomuu.

Máciya 12:44

Muñeˈe li buyinoo boon: «Boot min ilaañ boot li eluufayi yúmbaam dán ífulumulomuu.» Nan bulaañumuu búliiŋ, li butook eluufayi makinut, mawuuweli, wahawu feh majoojeneli.

Máciya 17:21

Bale buyinum bajakut loon umbu, kal̥aw li kamommo bale kuyilo bo kúfulen li an.

Máciya 23:15

«Katek kujow kulako li bukuluul jaliikenemuu ésukayi eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jiñaahoo li kusamuwaku feh, li etaamayi feh kakaan an áyinen li bútinabu booluul. Bale nan ammuu áyinen, li jikaanool ahaŋuul ñoono ñál̥uba malako añiil ata Sambun.

Máciya 23:24

Bukuluul jayabemuu hákil ban jífunfuum! Fan jinaak jigiin muhobaayamu mooluul min jífulen ebuk, ban li jikit jime’ eñonkom bukuluul bahaasut!

Maak 16:9

[Muñeˈe li bújom bíb, nan Yéesu ayitowumulomuu li eketayi hunak hukaten húyiiyaayahu hata Kusuwifaku, li ajand áfu’ Mali ata ésukayi yata Madala. Okila Yéesu akesoomuu uyinumawu hutok li úl̥ubaawu wajakutumuu úfu’ li akila.

Maak 5:9

Muñeˈe Yéesu li agel̥l̥en ánayinaawu aanool: — Kama kajawi buu? Anáyinaawu li aanool: — Kajawom «Jameeŋ», mata óloli jimemmeeŋ.

Hulimahu Hásuumaahu loon Lík akiic homuu 11:26

Muñeˈe buyinumabu bajakutumuu li bulaañ bujow búŋalul uyinum wakee wajakut woono hutok li úl̥uba, wahaŋ bo mál̥afut, min ujow újufo anawu min ulako li akila. Muñeˈe buloŋabu bata anawu ummu an uyinumawu wajakutumuu újufomuu, li buhaŋ mátaañi bútinaalabu.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Eébulo 10:39

Bale alolaal uletaal ló li bukanabuku kañakemuu kulaañ búsol min kújim, bale alolaal oomaalumuu bukanabuku káyinenumuu, ban lufakaale.