Máciya 21:22 - Jola-Kasa

²² Ban wahoowah feh wan jil̥awe Ateemit li káyinen ló, fan jibaj wo.

Máciya 21:22 Referencias Cruzadas

Máciya 18:19

«Fan ilaañen eenuul, bukan kúl̥uba li bukuluul kujamoomuu li etaamaye min kul̥aw wah, Atuubawom ammuu haatiya fan aseniil wo.

Máciya 7:11

Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!

Máciya 7:7

— Jil̥awumuu, fan kusenuul. Jiŋesumuu, fan jijuk. Jikonkongenumuu, fan kúbabuluul.

Maak 11:24

Wahawu unwu újimuu boot min eenuul: Wahoowah feh wan jil̥awe Ateemit, jíyinen joon jibaj wo jiban, fan ulako wooluul.

Hulimahu Hásuumaahu loon Saŋ akiic homuu 14:13

Ban wahoowah wan jommuu li jil̥aw li kajawaku kúmbaam, fan ikaan wo, bájum Añiilawu li áhiis máyiineniyamu mata Atuubaawu.

Hulimahu Hásuumaahu loon Saŋ akiic homuu 15:7

Jilakomuu lí ínje ban kulimaku kúmbaam li kulako li uyinumuul, jil̥awumuu wahoowah wan jifañe, fan jibaj wo.

Hulimahu Hásuumaahu loon Saŋ akiic homuu 16:24

Boot muñeˈe, jil̥awolut wah li kajawaku kúmbaam. Jil̥aw ban fan jibaj, mantee li jibaj ésuumahukow halli.»

Saak 5:16

Mó mújimuu anoowan li bukuluul laate alob afaalool uhoofoolawu wan okila humumool akaanumuu, ban anoowan li bukuluul foof li al̥aw boot li afaalool, mantee Ateemit li afakenuul. Kal̥aw kata an akaane loon Ateemit afañumuu kubabbaj sembe.

1 Saŋ 3:22

Ateemit fan asenolaal wahawu feh wan ommuu ul̥awaalool, mata lukaanaakaan loon siluwaasu soola silobumuu, ban li ukaanaal wahawu wásuumoolumuu.