Máciya 21:21 - Jola-Kasa

²¹ Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Máciya 21:21 Referencias Cruzadas

Máciya 14:29

Yéesu li aanool: — Ubil. Mal̥egen Fiyeel li áwalowumul li busaanaabu min ájowum koot li malamu ajooŋoo ban Yéesu alakomuu.

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 21:20

Nan kúgoomaku kata Yéesu kujukumuu loon muñaˈa, li kusego ŋáa’ min koon: — Kama buu nokoole bul̥el̥uwabu umbu li buyaan busay to muñowu hi’?

Máciya 8:12

Bale kaateenumuu kunoken li Jáyiiyaju jata Ateemit, fan kubeteni tíyaŋ li élimayi, ban jíl̥okaju jommuu, li sílaam sáamak.

1 Kata Koolent 13:2

Li bil nokoo loon libabbaj káji kata min ilob hulim han Ateemit asenom, li ibaj káji kata kahaas mahaasutimuu ban li ihaas wahoowah feh, li ibil ibaj káyinenaku feh kammuu li kújiwom li iyili iyinnen kuyuuy, ban ibajut húbooli, ilet wahoowah.

Saak 1:6

Bale anawu ummu laate al̥aw Ateemit bújallowabu umbu, ban li áyinen kaanaku fan abaj bo, akila báwettoolut. Mata an al̥awumuu wah Ateemit li káwettoo ló, anawu ummu lanokoonokoo li hulambaj hata husamu, han élusayi étekewulumuu, li etuuñen ho hulaañ baabe li hulaañ baaba.