Hulimahu Hásuumaahu loon Lík akiic homuu 11:13 - Jola-Kasa

¹³ Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Lík akiic homuu 11:13 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Máciya 5:45

Bájum li jilako bañiil bata Atuubawuul ata haatiya. Mata lakaanekaan banakabu bulumul li kál̥afutumuu, loon foof lakaane bomuu bulumul li kajakumuu. Li akaan emitayi élaalul li mata kajakumuu, li mata foof bukanabuku kal̥afutumuu.

Máciya 6:14

«Mata jibonketumuu kafetumuu li bukuluul, Atuubawuul ammuu haatiya fan abonket foof bafetabu booluul.

Máciya 6:30

Ateemit afan ásangen élunfenayi inyu yammuu síyaat li siŋamasu, yan jihaasumuu joon kajom fan ebeteni li sambun, háŋum bukuluul humumuul? Mó káyinenuul kukite kutiti!

Máciya 6:32

Mata kákaanumutumuu li Ateemit balewool, buko kuyinoolemuu mata wahawu unwu feh. Bale Atuubawuul ata haatiya lahaase aan, wahawu unwu feh jifañ wo.

Máciya 7:11

Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!

Hulimahu Hásuumaahu loon Lík akiic homuu 11:12

Mantee foof li asenool el̥anguu, okila bal̥awelool heew?

Hulimahu Hásuumaahu loon Lík akiic homuu 11:2

Yéesu li aaniil: — Jilakomuu kal̥aw, li joon: «Faafa, Ukaan min ésukayi ehaas yoon awu ommuu Ateemit. Jáyiiyaju jiya jibil.

Hulimahu Hásuumaahu loon Lík akiic homuu 18:7

Waa, Ateemit akila let atiib min akooŋen bukanabuku koola kal̥okoolewoolumuu etihunaka kuban ehuka mantee li alambeniil? Waa, fan akat to fiyo átowum alambeniil?

Hulimahu Hásuumaahu loon Saŋ akiic homuu 4:10

Yéesu li aanool: — Uhaaseeneenumuu wahawu wan Ateemit esenemuu, li anawu aanemuu li awu «Usenom mal ihob», awu humumi ooteenumuu oonool aseni mal uhob, ban fan aseneeni mal masene buloŋ.

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Kata Lom 5:17

Mal̥egen, li an ano, kahoofoo kata an ano kújimuu sembaasu sata eketayi li sigo bukanabuku feh, bale li an ano ammuu Yéesu Kilisita bukanabuku kúbajummuu wah wahaŋe maluuk ŋáa’: bukanabuku feh kayabumuu kájiyaku unku kata Ateemit kaluukumuu ŋáa’, lakaaniikaan kulako bukan kacole. Fan kulako kúyii li buloŋabu humum hata Yéesu Kilisita.

Kata Lom 7:18

Mal̥egen, lihaase een wahawu wajakumuu ulet lí ínje, yo yommuu ulet li eniilayi yúmbaam yágootomuu. Liyilo ifañ kakaan majake, bale let iyili ikaan majake.

Kata Lom 8:32

Akila afanutumuu akat bo Añoolool humumool, bale li abetool li eket boot mata ololaal foofolaal feh: buu emmuu nokoo let asenolaal wahawu feh boot li Añoolool ló?

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.