Injé ilet muñeˈe li adunaayi, bale buko kumbuku li adunaayi. Injé boot min ibil booli. Atuuba anabe, ufooyiil li sembaasu sata kajawaku kooli. Kajawaku kan usenommuu, bájum li kulako an ano loon awu lí ínje oomamuu an ano.
1 Saŋ 1:3 - Jola-Kasa Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita. |
Injé ilet muñeˈe li adunaayi, bale buko kumbuku li adunaayi. Injé boot min ibil booli. Atuuba anabe, ufooyiil li sembaasu sata kajawaku kooli. Kajawaku kan usenommuu, bájum li kulako an ano loon awu lí ínje oomamuu an ano.
Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.
Faafa, awu jacolumuu, adunaayi ehaasuti, bale ínje lihaasi, ban umbuke kuhaase koon awu úboñulom.
Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.
Anawu alobuulumuu mata wahawu unwu wabajumuu lajuujuk wo li kúkilool, ban ulakolako wata mal̥egen. Okila humumool lahaase jak aan wahawu wan alobumuu mal̥egen, mantee bukuluul foof li jíyinen.
Olóli húmumoli jibiibil kalobuul Hulimahu unhu Hásuumaahu: wahawu wan Ateemit alobumuu kasen situubawolaal sihaan,
“Jijuke, bukuluul jayili muñowu kabes kulimaku kata Ateemit, jisego ban li jíbujo! Mata boot min ikaan li kuloŋawuul, wah wan uhaase oon kulobuul womuu let jíyinen.”»
Muñeˈe bukanabuku káyinenumuu li kuhanken to li kawoog, min kunaak kujanten kulimaku kan Kufootalaku kunaake kuliikeniilumuu. Li kujooŋoo to min kuloŋ buloŋ bata batuyaay, min kunaak kutiñum dín dáno, li kuhanken foof min kul̥aw Ateemit li mano.
Buko humumiil kujoke min kukaan mo, ban li mal̥egenamu laalu ecaagen yan kookeniil, mata kusuwifaku kugaboogaboo li buko kásooniyenaku kabilummuu li Buyinumabu, mó mújimuu bukanabuku kaletumuu kusuwif koote kuŋa’ wahawu wan kubajumuu min kulamben kusuwifaku.
Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.
Ateemit alobemuu aban li átuk tó, okila ahooñuulumuu min jibaj hujamoo li Añoolool Yéesu Kilisita ammuu Amaaŋenawu oololaal.
Kutuyom, lifañe min iwayil̥enuul Hulimahu Hásuumaahu han iwaalewuulumuu. Jiyayyab ho ban foof li jítuk ho lit.
Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.
Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.
Nokoomuu loon li mal̥egenamu jibabbaj kátintimben li hujokoolahu hooluul li Kilisita, li nokoo loon jibabbaj kawankulen li húbooliyahu hoola, li nokoo loon jibabbaj hujokoo li Buyinumabu, li nokoo foof loon babbaj to húbooli li kabonket,
Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.
Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.
Ban bukuluul li joono li banaak min Añoolool Yéesu abilumul haatiya emitayi, akila an ayitenumulomuu li ekatayi min afakenolaal li batiibabu bata Ateemit bammuu li ebil.
Emiikeelayi yabajumuu kunahaan káyinene li Yéesu, jakum kubes kunahaanaku kooliil mata waa kutuyiil koom. Bale koote kuhaŋ malok jak boot li buko, mata kunahaanaku kooliil kammuu li kúbajum wah li bulokabu booliil, bukan káyinene li Yéesu koom, ban Yéesu lafañiifañ ŋáa’. Wahawu unwu lommuu li uliiken bukanabuku ban li ulobiil min kukaan wo.
Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.
Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.
Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:
Li mal̥egenamu, inti eeniseen li ukoŋ wajuul̥i li eseele, áloli jíjowume min jíhiisuul ebilayi li sembe yata Amaaŋenawu, bale áloli húmumoli jijuujuk maluukamu moola li kúkiloli.
Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.
Ateemit mawuŋe. Bajut élim yanooyan li akila. Hulimahu unhu áloli jíjamummuu li Yéesu Kilisita, han jóomimuu li elobuul.
Bale nokoomuu loon luloŋaaloŋ buloŋ bata li mawuŋe loon Ateemit humumool ammuu li mawuŋe, muñeˈe no unnu lujamoolaajamoo ban húsimahu hata Añoolool Yéesu, fan hufos uhoofoolawu woololaal feh.