Kata Fílib 3:10 - Jola-Kasa

¹⁰ Wahawu wan ifañumuu bale, wo wommuu min ihaas Kilisita li sembaasu sayitenumuloomuu li eketayi, min ibaj foof júmbaam li sílaamasu soola, ban li inokoo loon okila li eketayi yoola.

Kata Fílib 3:10 Referencias Cruzadas

Máciya 20:23

Yéesu li aaniil: — Li mal̥egenamu fan jihob ejunkayi yan ínje emmuu li ihob. Bale mata kabah kaŋenom kúli, mantee foof kaŋenom kamay, inti lí ínje éemi li bilumul. Bale kúbahumaku unku kata bukanabuku kan Atuubawom akaan ko tomuu boot.

Hulimahu Hásuumaahu loon Saŋ akiic homuu 10:18

Anoowan ayilaat ájimen buloŋabu búmbaam, bale ínje humumom éemi li inong min isen bo. Liyilo isen buloŋabu búmbaam, ban liyilo ilaañen iŋa’ bo. Wahawu unwu Atuubawom alobumuu min ikaan.»

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Kata Lom 8:17

Oomaalumuu bañiil bata Ateemit, fan foof uyabaal wahawu wan alobumuu kasen bukanabuku koola, ban fan uyabaal wo li Kilisita ló. Nokoomuu loon li mal̥egen lúlaamaalaam sílaamasu sata Kilisita lí ákila ló, fan foof ulakowaal li máyiineniyamu moola lí ákila ló.

Kata Lom 8:29

Bukanabuku kan Ateemit al̥usumuu yaan no ákibben, lajoojok yaan no foof min akaaniil kunokoo li Añoolool, bájum li alako añiil átiyaa abaje kutuyaay kameeŋe.

Kata Lom 8:36

Loon Bakiicelabu bulobumuu: «Awu újimuu áloli li jinaak jimuki li etihunakaayi feh, li kúkaanoli loon kúgalalaan kan kujowe boot jálaamul.»

2 Kata Koolent 1:10

Ateemit okila áfakenolimuu li eket loon inyu, ban fan alaañen áfakenoli. Jibabbaj kákangum li akila kaanaku fan alaañen áfakenoli.

2 Kata Koolent 1:5

Mata li mal̥egenamu, loon Kilisita álaamumuu sílaam sáamak boot li alolaal, mo foof lúbajumaalumuu li Kilisita kátintimben káamak.

2 Kata Koolent 13:4

Mal̥egen, nan kubaaŋoolumuu li ekuluwaayi lanokoonokoo loon an ágootowe, bale muñeˈe ummu li buloŋ humum hata sembaasu sata Ateemit. Li mal̥egenamu, áloli foof jígootogooto li hujokoolahu hóololi li akila, bale hákiluul, áloli fan jíloŋ li akila li sembaasu sata Ateemit.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Galasi 6:17

Muñeˈe hunakahu hata síyaat, jakum bil an alaañen alillimenom; mata káakumaku kata sílaamasu sata Yéesu, kunku li eniilayi yúmbaam.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Kata Kolos 2:13

Naanaŋ, bukuluul jiketenket mata uhoofoolawu wooluul úji, ban foof mata jilakowut bukan kata Ateemit. Muñeˈe Ateemit lasenuusen buloŋ mata hujokoolahu hooluul li Kilisita húji, ban li abonket uhoofoolawu woololaal feh.

Kata Kolos 3:1

Emmuu Kilisita layitowuuyitowul li eketayi li bukuluul ló, kama jiŋes wahawu wammuu haatiya dán Kilisita áamimuu mabahe kaŋen kúli Ateemit.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,

2 Fiyeel 1:13

Bale liyinooyinoo li een coccol min iwayil̥enuul, muñeˈe min emmee li buloŋ, min jijuke to.

1 Saŋ 2:3

Ukaanumuu loon siluwaasu soola silobumuu, tó lóotumaalumuu uhaasaal kaanaku luhaasaaloohaas.

1 Saŋ 2:5

Bale an akaanumuu loon hulimahu hoola holobumuu, anawu ummu láhiisunhiisum tó kaanaku húbooliyahu hata Ateemit hunhu li akila boot to. Muñowu lóotumaalumuu uhaasaal oonaal lujamoolaajamoo li akila.

Búhiisenumabu 1:18

Injé emmuu anawu ammuu li buloŋ. Liketeenenket, bale muñeˈe ínje ummu li buloŋ boot nanoonan. Libaje kayile li eketayi, li tan bukanabuku kaketumuu kommuu.