1 Saŋ 1:2 - Jola-Kasa

² Anawu ummu ammuu buloŋabu láfuluufulul, ban lujukaaloojuk. Wahawu unwu újimuu li joonowuul li elob moola, ban li jilobuul mata buloŋabu bábaneliitumuu balakomuu li Atuubaawu, báfululumuu ujukaal.

1 Saŋ 1:2 Referencias Cruzadas

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 1:4

Li Hulimahu buloŋabu bulakowe. Ban buloŋabu bulakomuu mawuŋaamu mata bukanabuku.

Hulimahu Hásuumaahu loon Saŋ akiic homuu 10:28

Li isen ko buloŋabu bábaneliitumuu. Let kubil kuket, ban an let ayili alam ko li kuŋenom.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 15:27

Ban bukuluul foof fan jilob bukanabuku múmbaam, mata nan ítoŋumuu bulokabu búmbaam boot muñeˈe, bukuluul jumbuku lí ínje.»

Hulimahu Hásuumaahu loon Saŋ akiic homuu 16:28

Li Atuubaawu lífulumulo min ibil boot li adunaayi. Muñeˈe boot min ífu’ li adunaayi, min ilaañ boot bata Atuubaawu.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 17:5

Faafa, muñeˈe ukaan min ibaj máyiineni hákili, máyiineniyamu man ibajeenumuu hákili, tówum adunaayi ebaj.

Hulimahu Hásuumaahu loon Saŋ akiic homuu 19:35

Anawu alobuulumuu mata wahawu unwu wabajumuu lajuujuk wo li kúkilool, ban ulakolako wata mal̥egen. Okila humumool lahaase jak aan wahawu wan alobumuu mal̥egen, mantee bukuluul foof li jíyinen.

Hulimahu Hásuumaahu loon Saŋ akiic homuu 21:14

Nan Yéesu ayitowulumuu li eketayi, umbu búhaajutool li áfu’ kúgoomaku koola.

Hulimahu Hásuumaahu loon Saŋ akiic homuu 3:13

Bajut an abile aŋito boot li emitayi, ábuti lí ínje Añool-An abilummuu li emitayi boot li etaam.

Hulimahu Hásuumaahu loon Saŋ akiic homuu 7:29

Injé lihaasool, mata li okila libilumulo, ban okila áboñulom.

Hulimahu Hásuumaahu loon Saŋ akiic homuu 8:38

Injé, wahawu wan ijukumuu li Atuubawom lilobe. Bale bukuluul, wahawu wan atuubawuul alobuulumuu jikaanemuu.

Bakaanelabu 10:41

Inti bukanabuku feh láfule, bale bukanabuku kan Ateemit afinumuu min al̥use min kumaat. Buko kommuu áloli jatiñumuu ban li jihob dín dáno li akila, nan Ateemit ayitenumuloolumuu aban li eketayi.

Bakaanelabu 2:32

«Mo emmuu, Ateemit layitenuuyitenul li eketayi Yéesu an ilobemuu loo. Ban alolaal foofolaal feh lumaataale kayitowulaku koola li eketayi.

Bakaanelabu 3:15

Muñowu jimukumuu anawu akilumuu buloŋabu. Bale Ateemit li ayitenumulool li eketayi, ban alolaal feh lumaataale.

Bakaanelabu 5:32

Alóli húmumoli, li Buyinumabu Banabaabu ban Ateemit asenumuu bukanabuku kátuuloomuu, jimaate wahawu unwu feh wabajumuu.

Kata Lom 8:3

Wahawu wan eluwaayi yata Móyiis eyilaatumuu ekaan, mata búgootowabu bata ál̥ahukowan búhihhi yo ébajum sembe, Ateemit lakankaan wo: láboñuuboñul Añoolool min aŋa’ bóono banokoole li bata ál̥ahukowan ammuu ahoofoola, ban li akaanool aket boot káfulen kahoofoolaku, min ájowum tó atek kahoofoolaku kammuu li bóonowabu bata ál̥ahukowan.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

2 Tímote 1:10

ban muñeˈe li ebilayi yata Afakenaawu oololaal Yéesu Kilisita láhiisolaamuu kájiyaku unku. Okila aheekumuu eketayi, ban li ájowum li Hulimahu Hásuumaahu min áhiis set waa wommuu buloŋabu li waa wommuu eniil yayilaat ekajen.

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

1 Saŋ 1:1

Jikiiculuukiic boot min jilobuul mata anawu ammuu Hulimahu hata buloŋabu. Hulimahu unhu hubabbaj yaan no li húkitumahu. Lujamaajam Hulimahu, ban li ujukaal ho li kúkilolaal. Li ulasowaal ho, ban li ugolaal ho li kuŋenolaal.

1 Saŋ 2:25

Ban wahawu wan Kilisita alobumuu kasenolaal, wo wommuu buloŋ bábaneliit.

1 Saŋ 3:5

Imban jihaase joon Yéesu labiibil boot káfulen uhoofoolawu, ban akila humumool abajut kahoofoo.

1 Saŋ 3:8

An aloŋumuu li akaan kahoofoo, anawu ummu an ata Sayitaane. Mata Sayitaane yaan no li húkitumahu lahoofoole. Añiilawu ata Ateemit li abil boot kakajen bulokabu bata Sayitaane.

1 Saŋ 4:14

Alóli húmumoli jijuke li kúkiloli, ban li jilob bukanabuku kaanaku Atuubaawu láboñuuboñul Añoolool abil alako Afakenaawu ata adunaayi.

1 Saŋ 4:2

Wahawu wayilimuu úhiis kaanaku Buyinumabu bata Ateemit bumbu li an, wo wommuu unwe: an aanumuu Yéesu Kilisita labiibil min alako li mal̥egen an, anawu ummu lababbaj Buyinumabu babilummuu li Ateemit.

1 Saŋ 5:11

Kulimaku unku ko kommuu unke: Ateemit lasenolaasen buloŋabu bábaneliitumuu, ban buloŋabu umbu bumbu li Añoolool.

1 Saŋ 5:13

Likiicuukiic kulimaku unku bukuluul jáyinenumuu li kajawaku kata Añiilawu ata Ateemit, mantee li jihaas kaanaku jibabbaj buloŋabu bábaneliitumuu.

1 Saŋ 5:20

Luhaasaale oonaal Añiilawu ata Ateemit labiibil, ban li asenolaal butuuko min uhaasaal Ateemit ata mal̥egen. Li Añoolool Yéesu Kilisita lúbajumaamuu hujamoo li Ateemit ata mal̥egen. Añiilawu ummu akila humumool ammuu Ateemitawu ata mal̥egenamu, akila ammuu buloŋabu bábanelitumuu.