Eébulo 3:1 - Jola-Kasa

¹ Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 3:1 Referencias Cruzadas

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 20:21

Yéesu li alaañen aaniil: — Kásuumaay kulako li bukuluul! Loon Atuubaawu áboñulommuu, mo foof ínje emmuu li iboñuul.

Hulimahu Hásuumaahu loon Saŋ akiic homuu 20:27

Nan asaafiilumuu aban li aan Toma: — Uŋálul husiikahu hooli ukaan taate min ujuke kuŋenaku kúmbaam. Uŋálul kaŋenaku kooli min ugo’ kahehaku kúmbaam. Jakum úwettoo, bale úyinen!

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Kata Lom 11:17

Bukanabuku kata Isilayeel kunokoonokoo loon bunuunuken ban koone óliibiye bal̥uki, ban Ateemit li afalen waan wakee wata bo. Awu jaletumuu asuwif li unokoo li kaan kata bunuunukenabu umbu ban koonemuu óliibiye bata li bujal. Ateemit li aŋali ajow akoten li kújonkoonaku kata waanawu wafalenimuu wata búwoliibiyaabu bal̥ukimuu. Muñeˈe luyilo úloŋum li waanawu unwu li húsimahu habilummuu li kuhaalaku kata búwoliibiyaabu umbu bal̥ukimuu.

Kata Lom 15:27

Buko humumiil kujoke min kukaan mo, ban li mal̥egenamu laalu ecaagen yan kookeniil, mata kusuwifaku kugaboogaboo li buko kásooniyenaku kabilummuu li Buyinumabu, mó mújimuu bukanabuku kaletumuu kusuwif koote kuŋa’ wahawu wan kubajumuu min kulamben kusuwifaku.

Kata Lom 15:8

Li mal̥egenamu boot min ilobuul kaanaku, Kilisita labiibil min alako aloka ata Kusuwifaku boot kakaan wahawu wan Ateemit alobumuu kakaan situubayiil sihaan, min áhiis kaanaku Ateemit alobumuu kakaan wah, fan akaan wo.

Kata Lom 9:24

Bukanabuku umbuku buko kommuu ololaal jan Ateemit áhooñulumuu, ban let li kusuwifaku bale láhooñumulolaal, bale foof li bukanabuku kaletumuu kusuwif.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 10:17

Húmbuulu hano bale hubaje, ban maayeet min kite eenimuu lumeeŋaameeŋ, bale eniil yano loomaal, mata alolaal foofolaal feh lutokoñaatokoñ li húmbuuluwahu hanolahu.

1 Kata Koolent 9:23

Wahawu unwu feh likankaan wo bájum Hulimahu Hásuumaahu li hujami tanootan, mantee li íbajum tó júmbaam li kásooniyenaku kata ho.

2 Kata Koolent 1:7

Mó mújimuu kákangumaku kan áloli jibajumuu li bukuluul kubabbaj sembe ŋáa’, mata jihaase kaanaku loon bukuluul jibajumuu sílaamasu sanolasu li sóololi, mo jibajumuu foof kátintimbenaku kanolaku li kan áloli jibajumuu.

2 Kata Koolent 9:13

Mín súumiilumuu li majakamu mata bulokabu booluul, mo kusalumuu Ateemit mín jítuulumuu Hulimahu Hásuumaahu hata Kilisita loon jilobemuu. Fan kusal foof Ateemit mata másuumamu mooluul li kagaboolaku kan jigaboomuu wahawu wooluul li buko li kaabuku feh.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 4:4

Alolaal jáyinenaamuu lunokoolaanokoo loon eniil yano ban baje Buyinum bano Banabe, mo foof bajumuu kákangum kano kan Ateemit ahooñuulumuu boot.

Kata Fílib 3:14

Injé ummu min ihankenemuu min itey boot tan iteyemuu boot, mantee li iyab bacaamabu ban Ateemit ahooñolaamuu boot uyabaal haatiya, humum hata hujokoolahu hoololaal li Yéesu Kilisita.

Kata Kolos 1:12

Jisal Ateemit Atuubaawu li ésuumansuum ló, akaanuulumuu min jiyili jibaj jooluul li wahawu wajakaawu wan ahahenumuu boot li bukanabuku koola li Jáyiiyaju jata mawuŋaamu.

Kata Kolos 1:22

Bale muneˈe Ateemit lájowunjowum li eketayi yata eniilayi yata Añoolool, min akaanuul jijamoo li akila humumool. Lakankaan mo mantee li abil akaanuul jiyito hákilool manabe, maakut butila banooban ban an let ayili alob majakut aya li bukuluul.

Kata Kolos 3:12

Muñeˈe bukuluul bukan kata Ateemit. Ateemit lal̥usuul̥us ban li afañuul. Wahawu unwu újimuu kama joote jilako bukan káyiyene bukan, bukan kásuume, bukan kawalenoolowe, bukan kájoobiye uyinum li bukan kayilo húmuñ.

1 Kata Tesalonik 2:12

Jiwankulenuuwankulen ban li jítintimbenuul, ban jikatut kaanuul jiloŋ loon Ateemit afañumuu, akila jáhooñuluumuu boot li Jáyiiyaju joola min máyiineniyamu moola mulako mooluul.

1 Kata Tesalonik 5:27

Liyaakuul, li kajawaku kata Amaaŋenawu: jijanga eleetalayi inye kutuyolaal feh.

2 Kata Tesalonik 1:11

Mó mújimuu, áloli jikatut kal̥aw boot li bukuluul. Jil̥awel̥aw Ateemit oololaal mantee li akaanuul jilako bukan katooke buloŋabu ban ahooñuulumuu boot. Jil̥awool̥aw mantee li alambenuul li sembaasu soola, min jikaan majakaamu feh man jifañumuu min jikaan, ban li akaan min baloŋelabu booluul búhiis kaanaku jibabbaj káyinen.

2 Kata Tesalonik 2:14

Wahawu unwu Ateemit áhooñumuluumuu li Hulimahu Hásuumaahu han jiwaalewuulumuu, mantee li jibaj jooluul li máyiineniyamu mata Amaaŋenawu oololaal Yéesu Kilisita.

1 Tímote 6:12

Utaj jakum bil káyinenaku kooli kufaki. Ujok buloŋabu bábaneliitumuu ban Ateemit ahooñimuu boot li bo, loon awu humumi ulob momuu li kulimaku kásuumaku kan ulobumuu mata káyinenaku kooli hákil bukan kameeŋe.

1 Tímote 6:2

Emiikeelayi yabajumuu kunahaan káyinene li Yéesu, jakum kubes kunahaanaku kooliil mata waa kutuyiil koom. Bale koote kuhaŋ malok jak boot li buko, mata kunahaanaku kooliil kammuu li kúbajum wah li bulokabu booliil, bukan káyinene li Yéesu koom, ban Yéesu lafañiifañ ŋáa’. Wahawu unwu lommuu li uliiken bukanabuku ban li ulobiil min kukaan wo.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,

2 Tímote 2:7

Uyinoo jak wahawu wan ilobimuu. Li mal̥egenamu, Amaaŋenawu fan akaani únaanum wahawu unwu feh.

Eébulo 10:19

Kutuyom, muñeˈe kama luyilowaale unokenaal li káwoolu ló dán ñéyimuu li eluufayi yata Ateemit, humum hata húsimahu hata Yéesu.

Eébulo 10:21

Lubajaale álamba áamak akaani anahaanawu ata eluufayi yata Ateemit.

Eébulo 10:23

Utúkaal lit kákangumaku kan ulobaalemuu mata ko, ban jakum úyekowaal, mata Ateemit aanumuu fan akaan wah, luyilo úwooluwaalool.

Eébulo 13:22

Kutuyom, ínje ummu li kal̥awuul min jibeben beb min jijanten kulimaku unke kammuu kata kawankulen. Ban fimaa kulim katoge likiiculuul.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,

Eébulo 2:17

Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 3:12

Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

Eébulo 7:28

Li mal̥egenamu, eluwaayi yata Móyiis bukan kabaje búgootoyiil eŋale ekaan élamba yáamak, bale álambaawu áamum tómuu humum hata hulimahu han Ateemit anuulumuu búsoluma eluwaayi, Añiilawu hukaan to. Okila ammuu álamba áamak anabumuu boot nanoonan.

Eébulo 9:11

Bale Kilisita labiibil, okila ammuu álambaawu áamakawu ata wahawu wajakaawu wammuu li ebil. Lanokennoken li kayunt kahaŋe maluuk ban li kuhaŋ manab, kan kuŋen kata bukan kukaanut, yo yommuu kulet kayunt káami ló li wahawu wajuul̥imuu li adunaayi inye.

Eébulo 9:15

Wahawu unwu újimuu Kilisita li áami li tutoo húfaalum huwunkul, bájum bukanabuku kan Ateemit ahooñumuu, li kuyili kuyab wahawu wajakaawu wáami tomuu boot nanoonan wan alobumuu kasen bukanabuku koola. Kuyilo kubaj wo, mata babbaj to eket yata an yájimuu bukanabuku li kuyili kufak li uhoofoolawu wooliil wan kukaanumuu li húfaalumahu hútinaalahu.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Fiyeel 3:5

Muñowu foof kanaalaabuku kanabaaku kata naanaŋ kákangummuu li Ateemit, kunaake kúsangenoomuu ban li kunaak kútuul kúyiniil.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

1 Fiyeel 5:10

Boot min fan jílaam jakee, bale Ateemit akilumuu káji kanookan, lahooñuuhooñ jijow jilako li máyiineniyamu moola mata boot nanoonan li hujokoolahu hooluul li Yéesu Kilisita. Akila humumool fan akaanuul jilako bukan kanabe, fan alitenuul, fan asenuul sembe, ban li akaanuul tin l̥aal̥e tan wah wootut uyili úhooluluul.

1 Saŋ 1:3

Wahawu wan áloli jijukumuu ban li jijam wo, wo jommuu foof li kahebuul, mantee bukuluul li áloli li ujokoolaal min ulakowaal an ano. Hujamoolahu hoololaal ho hommuu hujamoo li Atuubaawu li Añoolool Yéesu Kilisita.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.

Búhiisenumabu 17:14

Fan kutiik li Agálalaanawu, bale Agálalaanawu fan aheekiil, mata akila ammuu Amaaŋenawu ata kumaaŋenaku li Ayíiyawu ata kúyiiyaku. Okila Agálalaanawu li bukanabuku kan Ateemit al̥usumuu li kan ahooñumuu, li kátuulumuu Yéesu, fan kuheek kúyiiyaku kuŋenayi.»

Búhiisenumabu 18:20

Bale awu Jamit, ésuumansuum elako li awu mata min ésukayi eniilomuu! Esúumansuum elako li bukuluul, jammuu bukanabuku kata Ateemit, bukuluul kufootalaku, mata Ateemit latittiib ésukayi inyu, mata min élaamenuulumuu.»