Eébulo 2:18 - Jola-Kasa

¹⁸ Emmuu akila humumool lálallaam sílaamasu sabilumulomuu li jabuutoo, muñeˈe layilo alamben bukanabuku kan kommuu li kabuutoo.

Eébulo 2:18 Referencias Cruzadas

Hulimahu Hásuumaahu loon Lík akiic homuu 22:28

Bukuluul jibetutom búsol li sílaamasu súmbaam.

Hulimahu Hásuumaahu loon Lík akiic homuu 22:53

Li bukuluul lilakomuu kunakaku feh li eluufayi yata Ateemit, ban jiŋesut kajokom. Bale ewaatuwayi inye yooluul li yata foof sembaasu sata ehukaayi.

Hulimahu Hásuumaahu loon Saŋ akiic homuu 10:29

Atuubawom asenom komuu, lahaŋe wahoowah feh, ban bajut an ayilo álamul wah li kaŋenaku kata Atuubaawu.

1 Kata Koolent 10:13

Sílaamasu san jibajumuu, so foof kukee kubajemuu. Bale Ateemit álobeliit aban li añak alaañ búsol, ban let akat min jilo li sílaam sahaŋuul sembe. Nan sílaamasu sommuu li jilowuul, fan asenuul sembe min jiyili jímuñ, li asenuul foof bútin min jífu’ lí só.

Kata Fílib 3:21

Nan ammuu li áliiŋul, fan akaan eniilayi yoololaal yágootomuu ébuti, min akaan yo enokoo li eniilayi yoola yáyiineniyaayi, li búkaanum bata sembaasu sájiwoolumuu li ajok wahawu feh aaken li kayilaaku koola.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eébulo 5:2

Alámbaawu áamakawu layilo ánaanum bukanabuku kahaasutumuu wahoowah li kájimumuu, mata akila humumool lágootogooto.

2 Fiyeel 2:9

Amaaŋenawu lahaase buu lammuu li akaan min afaken bukanabuku kacolumuu hákilool, li sílaamasu sooliil. Lahaase foof buu láamimuu li akaan min ajok bukanabuku kakaanemuu majakut akat to boot li hunakahu hata Batiibabu,

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 3:10

Emmuu lútuutuk hulimahu húmba lit ban li uhanken min úmuñ, ínje foof fan ifooyi nan sílaamasu sommuu li sibil silako li adunaayi feh boot kayoob bukanabuku kammuu li etaamayi.