Eébulo 2:17 - Jola-Kasa

¹⁷ Wahawu unwu újimuu li áati anokoo li kutuyool li wahoowah feh, bájum li alako álamba áamak ayilo káyiyen bukan, ban li al̥egen li bulokabu bata Ateemit min ahal uhoofoolawu wata bukanabuku.

Eébulo 2:17 Referencias Cruzadas

Kata Lom 15:17

Mó mújimuu, humum hata hujokoolahu húmbaam li Yéesu Kilisita, liyilo isaloolo mata bulokabu búmbaam boot li Ateemit.

Kata Lom 5:10

Li mal̥egenamu, naanaŋ alolaal kulatoola kata Ateemit lulakoweenaale, bale li ájowum li eketayi yata Añoolool min akaanolaal ubajaal kajamoo li akila humumool. Muñeˈe emmuu lubajaale kajamoo li akila, kama fan ájowum li buloŋabu bata Añoolool min afakenolaal.

Kata Efées 2:16

Lakankaan min kusuwifaku li bukanabuku kaletumuu kusuwif kulako bukan kano, ban li akaaniil kujamoo li Ateemit, humum hata eketayi yoola li ekuluwaayi. Muñowu lakaanumuu min búlatoolabu babajeenumuu li buko buban.

Kata Kolos 1:21

Naanaŋ bukuluul jíloyiyenloyi Ateemit ban li jilako kulatoolawool, mata uyinoolawu wooluul ujakut, bakaanelabu booluul foof bujakut.

Eébulo 10:21

Lubajaale álamba áamak akaani anahaanawu ata eluufayi yata Ateemit.

Eébulo 2:11

Yéesu okila ágiilenemuu bukanabuku li uhoofoolawu wooliil, ban bukanabuku feh kan ammuu li kágiilenaku, buko foofiil feh Atuuba ano kubaje. Wahawu unwu újimuu Yéesu asuuwut bahooñiil kutuyool,

Eébulo 2:14

Emmuu kama bañiilabu umbu kúl̥ahukowan koom, Yéesu humumool foof li aŋa’ bóono bata ál̥ahukowan, mantee li ájowum li eketayi yoola min ágooten Sayitaane aakumuu sembaasu sata eketayi.

Eébulo 2:16

Li mal̥egenamu, let kumalaka labile kalamben, bale bubukoolumabu bata Abulaham labile kalamben.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

Eébulo 3:2

Li mal̥egenamu, Yéesu lakankaan wahawu feh loon Ateemit al̥usoolumuu afañumuu, loon foof Móyiis akaan nomuu li eluufayi [feh] yata Ateemit.

Eébulo 3:5

Móyiis okila lakankaan li mal̥egen wahawu feh loon Ateemit afañumuu li eluufayi yoola, loon alakomuu aloka áami li alob wahawu wan Ateemit ammuu li abil álobul.

Eébulo 4:14

Emmuu lubajaale álamba áamak abaje sembe, ajowumuu boot li emitayi, ammuu Yéesu Añiilawu ata Ateemit, kama útukaal lit káyinenaku kan ulobaalemuu mata ko.

Eébulo 4:15

Lubajaale álamba áamak ahaase mata búgootowabu boololaal. Li mal̥egenamu, álambaawu oololaal labuutoolibuutoo li wahoowah feh loon alolaal, bale akaanut kahoofoo.

Eébulo 5:1

Li mal̥egenamu, álamba áamak anoowan al̥usumi li bukan, lal̥usil̥us min akaan bulok bata Ateemit boot li bukanabuku umbuku. Fan áhiis Ateemit wahawu wan kusenumuu li usilaawu wooliil boot mata uhoofoolawu.

Eébulo 5:10

Ateemit li akaanool alako álamba áamak loon Melikisedek.

Eébulo 5:2

Alámbaawu áamakawu layilo ánaanum bukanabuku kahaasutumuu wahoowah li kájimumuu, mata akila humumool lágootogooto.

Eébulo 5:5

Kilisita humumool foof asenoolowut kasalaku unku kata kalako álamba áamak, bale li Ateemit láyabum kó, aanoolumuu: «Awu ommuu Añoolom; Hunakahu hata síyaat ínje emmuu Atuubayi.»

Eébulo 6:20

Dó úndu Yéesu ajandolaalumuu ajow, anokenumuu boot li alolaal, ban li alako álamba áamak loon Melikisedek, boot nanoonan.

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

Eébulo 7:28

Li mal̥egenamu, eluwaayi yata Móyiis bukan kabaje búgootoyiil eŋale ekaan élamba yáamak, bale álambaawu áamum tómuu humum hata hulimahu han Ateemit anuulumuu búsoluma eluwaayi, Añiilawu hukaan to. Okila ammuu álamba áamak anabumuu boot nanoonan.

Eébulo 8:1

Hulimahu hahaŋumuu kaaku feh kalobimuu, ho hommuu unhe: lubajaale álamba áamak loon ummu. Lababbah li emitayi kaŋen káli efenjeŋayi yata jáyiiyaju jata Ateemit.

Eébulo 8:3

Li mal̥egenamu, álamba áamak anoowan lakaanikaan to boot kasen busuuhen li kakaan kasila, wahawu unwu újimuu álambaawu oololaal áamakawu laate foof abaj wah wan aate asen.

Eébulo 9:11

Bale Kilisita labiibil, okila ammuu álambaawu áamakawu ata wahawu wajakaawu wammuu li ebil. Lanokennoken li kayunt kahaŋe maluuk ban li kuhaŋ manab, kan kuŋen kata bukan kukaanut, yo yommuu kulet kayunt káami ló li wahawu wajuul̥imuu li adunaayi inye.