Kata Fílib 1:7 - Jola-Kasa

⁷ Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Fílib 1:7 Referencias Cruzadas

Bakaanelabu 20:23

Wahawu wan ihaasumuu bale, wo wommuu li ésuk yanooyan, Buyinumabu Banabaabu búhiisewonhiis kaanaku hukul̥ li sílaam sóomi li kakobom.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

1 Kata Koolent 13:7

Húbooli latojooletojoo wahawu feh, láyineneyinen wahawu feh, lákangumekangum li wahawu feh, lámuñemuñ wahawu feh.

1 Kata Koolent 9:23

Wahawu unwu feh likankaan wo bájum Hulimahu Hásuumaahu li hujami tanootan, mantee li íbajum tó júmbaam li kásooniyenaku kata ho.

2 Kata Koolent 3:2

Eleetalayi yóololi yo yommuu bukuluul humumuul. Ekiicikiic li uyinumawu wóololi, ban bukanabuku feh kuhaas yo, kujangajanga yo.

2 Kata Koolent 7:3

Ilobut loon muñaˈa boot kawatatenuul, mata loon ilob nomuu, bukuluul jumbuku li uyinumawu wóololi, ban bajut wah wayilo úfulenuul li úyinumoli, inti eketayi inti foot buloŋabu.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

Kata Fílib 1:12

Kutuyom, lifañe min jihaas kaanaku wahawu wabajommee, újiji li mal̥egenamu Hulimahu Hásuumaahu li huhaŋ majamo.

Kata Fílib 1:13

Muñowu kusollaaliyaku feh kafooyemuu eluufayi yata áyiiyawu áamakawu li bukan kaabuku feh, kúhaasummuu kaanaku bulokabu ban emmuu li bo boot li Kilisita bújiwommuu li eeno li hukul̥.

Kata Fílib 1:14

Kameeŋe li kutuyolaal li Amaaŋenawu, nan kuhaasumuu koon ínje ummu li hukul̥ahu li kubaj kawankulen, muñeˈe li kuhaŋ mabaj kakaañen min kunaak kulob Hulimahu hata Ateemit, ban mabajut ekole yanooyan.

Kata Fílib 1:5

mata jilambenonlamben li kawaaleyaku kata Hulimahu Hásuumaahu yaan no li hunakahu hútinaalahu boot yok muñeˈe.

Kata Fílib 2:22

Bukuluul humumuul jihaase buu Tímote áhiisumuu kaanaku lakankaan an ajake, ban jihaase foof buu ínje li akila jilokumuu boot li Hulimahu Hásuumaahu, loon añiil alokemuu li atuubawool.

Kata Fílib 4:14

Bale jikankaan jak min jilambenommuu li sílaamasu súmbaam.

Kata Fílib 4:15

Bukuluul humumuul jata Fílib jihaase kaanaku, nan ítoŋumuu iwaale Hulimahu Hásuumaahu, nan ífulumuu li etaamayi yata Maseduwaan, bajut ejangu yakee yan jisenoole wah, mantee foof yan jiyaboole wah. Ejanguwayi yooluul bale elambenommuu.

Kata Fílib 4:3

Imban awu humumi foof ammuu afaalom aloka ata mal̥egen, lil̥awi min ulamben kanaalaabuku umbuku kúl̥uba. Kutattaj boot li Hulimahu Hásuumaahu lí ínje ló, famen to foof Kilema li kufaalom kaabuku feh kata bulok, kan ujawawu wooliil wommuu li éliibalayi yata buloŋabu.

Kata Kolos 4:18

Injé humumom Fool ítuke li kaŋenom min ikiiculuul kulimaku unke min isaafuluul. Jiwayil̥o kaanaku li hukul̥ leem. Kájiyaku kata Ateemit kujow kulako li bukuluul.

Kata Kolos 4:3

Jil̥aw foof boot li áloli mantee Ateemit li ásenoli bútin bajake min jiwaale hulimahu hoola bukanabuku, min jiyili jikitteniil wahawu wan kuhaasutumuu li Kilisita, wájiwommee li eeno li hukul̥.

1 Kata Tesalonik 5:5

Li mal̥egenamu, bukuluul foofuul feh bañiil bata mawuŋe joom, bañiil bata tihunak. Uletaal bukan káami li ehuka, mantee foof li élim.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

Filemoŋ 1:13

Lifañeene min ítukool eeken téetiwom, min akaanom wahawu wan awu ooteenumuu ukaanom, láale dán emmee li hukul̥ mata Hulimahu Hásuumaahu húji.

Eébulo 3:1

Kutuyom, mó mújimuu bukuluul jammuu bukan kanabe, ban Ateemit li ahooñuul, joote jijuke li Yéesu ammuu anawu an Ateemit áboñulumuu li Alámbaawu áamakawu ata káyinenaku kooluul kan ulobaalemuu mata ko.

1 Fiyeel 4:13

Bale emmuu jumbuku ló li sílaamasu sata Kilisita, ésuumansuum yoote kama elako li bukuluul, bájum li jibaj foof ésuumahukow yáamak nan Kilisita ammuu li áhiis máyiineniyamu moola bukanabuku feh.

1 Fiyeel 5:1

Muñeˈe boot min ilob li kunahaanaku kata ejanguwayi kammuu li bukuluul. Injé humumom anahaan foof leem ata ejangu loon buko. Limammaat sílaamasu sata Kilisita, ban fan ibaj júmbaam li máyiineniyamu mammuu li múhiisi. Injé ummu li kawankulenuul eenuul:

2 Fiyeel 1:13

Bale liyinooyinoo li een coccol min iwayil̥enuul, muñeˈe min emmee li buloŋ, min jijuke to.

1 Saŋ 3:14

Luhaasaale oonaal li eketayi lúfulumulaale ubil oonowaal li buloŋabu, mata lufañaafañ kutuyolaal. An afañutumuu atuyool, anawu ummu laloŋe li eketayi.