1 Kata Koolent 1:30 - Jola-Kasa

³⁰ Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

1 Kata Koolent 1:30 Referencias Cruzadas

Máciya 1:21

Fan abaj añiil áyine, ban fan ukaanool kajawaku kaaneyimuu Yéesu. Mata akila ammuu afaken ésukool li uhoofoolawu wooliil.

Hulimahu Hásuumaahu loon Lík akiic homuu 11:49

Mó mújimuu, Ateemit li bújallowabu boola li aan: «Fan ibil íboñuliil kufulofet li kufootal. Fan kumuk kukee li buko, li kúlaaten kaabuku.»

Hulimahu Hásuumaahu loon Lík akiic homuu 21:15

Mata ínje humumom fan isenuul kulim kata bújallo, kan anoowan li kulatoolawuul aatut ayili aceeŋ, mantee áhoogul.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 17:26

Likaaniikaan min kuhaas kajawaku kooli, ban fan ilaañen ikaaniil min kuhaasi, bájum húbooliyahu han ubajumuu lí ínje li hulako li buko, ban ínje humumom li ilako li buko.»

Hulimahu Hásuumaahu loon Saŋ akiic homuu 17:8

Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Kata Lom 1:17

Li mal̥egenamu, Hulimahu Hásuumaahu húhihhiis buu Ateemit akaanemuu bukanabuku kulako bukan kacole hákilool: jówunjowum li káyinenaku ban li káyinenaku bale ko, loon Bakiicelabu bulobumuu: «An acole hákil Ateemit fan áloŋum li káyinenaku.»

Kata Lom 11:36

Li mal̥egenamu, wahawu feh li akila ubilume, li akila úloŋume, ban boot li akila humumool. Máyiineniyamu mujow mulako mata Ateemit boot nanoonan! Aameen.

Kata Lom 12:5

Li manolamu, maayeet min umeeŋaalumuu, bale loonowaasoono eniil yano li hujokoolahu hoololaal li Kilisita, ban alolaal foofolaal feh lujokoolaajokoo loon wahawu feh wata eniil yano ujokoomuu.

Kata Lom 16:11

Jisaafom Elojiyoŋ ammuu anom. Jisaafom bukanabuku kammuu li eluufayi yata Naalisiis káyinenumuu li Amaaŋenawu.

Kata Lom 16:7

Jisaafom Andolonik buko li Suniyaas kammuu bukanom li kufaalom foof kan jilakomuu li hukul̥. Koonosoono buko kúl̥uba bukan káamak li kufootalaku. Kujandom kúyinen li Yéesu Kilisita.

Kata Lom 4:25

Ateemit labeebet Yéesu Kilisita li eket humum hata uhoofoolawu woololaal, ban li ayitenumulool li eketayi min akaanolaal ulakowaal bukan kacole hákilool.

Kata Lom 4:6

Muñowu Ayíiyawu Dayit alobumuu mata kásuumaayaku kata an an Ateemit ajoke an acole, ban inti bakaanelool bújiye. Lansaan:

Kata Lom 5:19

Li mal̥egenamu, loon an ano átuulutumuu Ateemit ájimuu bukan kameeŋe li kulo li kahoofoo, mo foof an ano átuulumuu Ateemit ájimuu bukan kameeŋe li kulako bukan kacole hákil Ateemit.

Kata Lom 5:21

Mó mújimuu, loon kahoofoolaku kubajumuu sembe min kújiwolaal li unaak uketaal, mo foof kájiyaku kata Ateemit kubajumuu sembe min kújiwolaal li ulakowaal bukan kacole hákilool, min ubajaal buloŋ bábaneliit babilumulo li Yéesu Kilisita ammuu Amaaŋenawu oololaal.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:23

Bale inti búwuwenumabu bale bo bóomi li sílaam. Alolaal foof jabajaalumuu Buyinumabu Banabaabu bammuu bútinaa li újiyawu wata Ateemit, ummuwaal min úluulenaalemuu kata láalawolaal, min ukobaal min Ateemit áhiis kaanaku bañoolool loomaal, li afaken eniilayi yoololaal.

Kata Lom 8:9

Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 1:24

Bale bukanabuku kan Ateemit ahooñumuu, lako Kusuwif mantee foof kaletumuu kusuwif, li buko Kilisita ammuu sembaasu sata Ateemit, ban li áami foof bújallowabu bata Ateemit.

1 Kata Koolent 12:18

Li mal̥egenamu, Ateemit lakankaan bugeb banooban li eniilayi loon akila humumool afañumuu.

1 Kata Koolent 12:27

Bukuluul foofuul feh, bukuluul jommuu eniilayi yata Kilisita, ban anoowan li bukuluul bugeb bata eniilayi inyu laam.

1 Kata Koolent 12:8

Buyinumabu fan busen akee káji kata bújallo li elob, aahu Buyinumabu banolabu li busenool hulim hata kahaasemiñ.

1 Kata Koolent 4:15

Mata li mal̥egenamu, maayeet min jibajeene kuliikena koono sínjunne li buloŋabu booluul li Kilisita, bale atuuba ano bale jiyilo jibaj, mata li buloŋabu booluul li Yéesu Kilisita, ínje áŋaluluumuu Hulimahu Hásuumaahu. Injé emmuu atuubawuul.

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

2 Kata Koolent 12:2

Lihaase an ata Kilisita, an uhaase oon muñeˈe baje simit soono kuŋen li sibakii, Ateemit li ájowetumool boot haatiya tiya emitayi. (Ihaasut mantee mal̥egen li eniilayi yoola ló lajeˈe boot ló li emitayi, mantee inti li eniilayi yoola ló lajeˈe boot ló, Ateemit balewool ahaase.)

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 3:13

Kilisita lahahhal min afakenolaal li katekaku kabilummuu li eluwaayi, min akila humumool aŋa’ katekaku kan alolaal ooteenaalumuu ubajaal. Li mal̥egenamu, kikkiic kaanaku: «Anoowan aleeyi li hunuk ajow ayok aket to, labaje Katek.»

Kata Efées 1:10

Wahawu unwu wan Ateemit ammuu li abil ahabel akaan nan taŋayi yommuu li éliiŋ, wo wommuu min awoogen wahawu feh wammuu li emitayi li etaamayi, min an ano alako anahaanawu ata wo. Anawu ummu akila ammuu Kilisita.

Kata Efées 1:14

Buyinumabu Banabaabu bo búhiisumuu kaanaku Ateemit fan asenolaal wahawu feh wajakaawu wan alobumuu kasenolaal. Fan ubajaal wahawu unwu feh nan ammuu li afakenolaal bándoo. Kama usalaal máyiineniyamu mata Ateemit.

Kata Efées 1:7

Añoolool an aboolaatumuu akila ammuu Kilisita. Húsimahu hoola háyuwimuu nan aketumuu, ho laŋammuu min ahal boot li alolaal, min Ateemit abonket uhoofoolawu woololaal. Muñowu lakaanumuu min áhiisolaal buu lásuumumuu eeno.

Kata Efées 2:10

Li mal̥egenamu, Ateemit akaanolaal loon oomaalumuu, lakaanolaakaan búwuwenum buwunkul li hujokoolahu hoololaal li Yéesu Kilisita boot kakaan wah wajake, wan afimmuu min afaleˈe akat to, bájum li ukaanaal wo.

Kata Efées 4:30

Jakum jíji Buyinumabu Banabaabu bata Ateemit li búyiyenoo. Buyinumabu umbu Banabaabu bo Ateemit akaanumuu li bukuluul, min bulako húlangumaaso háhiise kaanaku li hunakahu húbanumahu fan afakenuul li majakut manooman.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Kata Fílib 3:9

min ibaj hujokoo li mal̥egen li akila. Muñeˈe ilaañut iyinoo li een likankaan an acole mata min ikaanemuu loon eluwaayi elobumuu. Li káyinenaku kúmbaam li Kilisita léemummuu an acole. Ateemit akaanemuu an acol, ban káyinenumuu lakaanemuu bukan kacole.

Kata Kolos 1:14

Li Añiilawu ummu lúfakumaamuu, li okila uhoofoolawu woololaal úbonketumimuu.

Kata Kolos 3:16

Hulimahu hata Kilisita hujow hulako li bukuluul ŋáa’ li kásooniyenaku kata ho ló. Jinaak jiliikenoo ban li jinaak jisaaboo li bújallo ló banooban. Jinaak jísalum Ateemit li buyinumuul feh li úkim, kúwoolen li ukijen wabilumulo li Buyinumabu Banabaabu.

1 Kata Tesalonik 5:23

Ateemit asenemuu kásuumaay ajow akaan min jilako li mal̥egen bukan koola, ban li afooy humumahu hooluul foof ho feh, li uyinumawu wooluul, saalasu li siniilasu sooluul, jakum bil an ajuk majakut li bukuluul, boot li hunakahu nan Amaaŋenawu oololaal Yéesu Kilisita ammuu li abil.

Eleetalayi yan Fool akiicumuu Tit 2:14

Lasensen buloŋabu boola humum bo boot li alolaal, boot kafakenolaal li majakut manooman min akaanolaal bukan kanabe káami koola balewool, kahankene li kakaan majake.

Eébulo 9:12

Nan Kilisita anokenumuu ñano ban kale dán ñéyimuu ŋáa’, ájowetumut ló húsim hata hulow li hata ámuuna, bale húsimahu hoola humum ho lájowetume min afakenolaal boot nanoonan li uhoofoolawu woololaal.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

1 Fiyeel 1:2

Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

1 Saŋ 5:6

Yéesu Kilisita okila ammuu anawu abilummuu li mal li húsim. Inti li mal bale labilume, bale li mal li húsim labilume. Ban Buyinumabu li bulob min búhiis kaanaku mal̥egen, mata Buyinumabu bommuu mal̥egenamu.

Búhiisenumabu 14:4

Bukanabuku umbuku buko kuhintowutumuu li kanaale, min kulako bukan kanabe. Li kunaak kunab li Agálalaanawu tanootan tan ajowe. Li bukanabuku feh, umbuku kufakenimuu min kulako bukanabuku kútinaalabuku kan kusenumuu Ateemit li Agálalaanawu.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.