Hulimahu Hásuumaahu loon Saŋ akiic homuu 17:25 - Jola-Kasa

²⁵ Faafa, awu jacolumuu, adunaayi ehaasuti, bale ínje lihaasi, ban umbuke kuhaase koon awu úboñulom.

Hulimahu Hásuumaahu loon Saŋ akiic homuu 17:25 Referencias Cruzadas

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 16:16

Simoŋ Fiyeel li aanool: — Awu ommuu Kilisita, Añiilawu ata Ateemit aloŋumuu.

Hulimahu Hásuumaahu loon Lík akiic homuu 10:22

Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 10:15

loon Atuubaawu ahaasommuu ban ínje foof li ihaasool. Li isen buloŋom boot li kúgalalaanaku kúmbaam.

Hulimahu Hásuumaahu loon Saŋ akiic homuu 15:21

Bale fan kukaanuul wahawu unwu feh mata ínje íji, mata kuhaasut anawu áboñulommuu.

Hulimahu Hásuumaahu loon Saŋ akiic homuu 16:27

Mata Atuubaawu humumool lafañuufañ, mata min jifañommuu, ban li jíyinen kaanaku li Ateemit lífulumulo.

Hulimahu Hásuumaahu loon Saŋ akiic homuu 16:3

Ban fan kukaan mo mata kuhaasut Atuubaawu, kuhaasutom foof.

Hulimahu Hásuumaahu loon Saŋ akiic homuu 16:30

Muñeˈe jihaase joon awu luhaase wahawu feh, ban jokuti min an agel̥l̥eni wah. Mó mújimuu, jíyinene kaanaku li Ateemit lúfulumulo.

Hulimahu Hásuumaahu loon Saŋ akiic homuu 17:11

Injé ilet muñeˈe li adunaayi, bale buko kumbuku li adunaayi. Injé boot min ibil booli. Atuuba anabe, ufooyiil li sembaasu sata kajawaku kooli. Kajawaku kan usenommuu, bájum li kulako an ano loon awu lí ínje oomamuu an ano.

Hulimahu Hásuumaahu loon Saŋ akiic homuu 17:18

Liboñiiboñ li adunaayi, loon awu humumi uboñommuu li adunaayi.

Hulimahu Hásuumaahu loon Saŋ akiic homuu 17:21

Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.

Hulimahu Hásuumaahu loon Saŋ akiic homuu 17:23

Min ínje éemi an ano li buko, awu li óomi an ano lí ínje, bájum li kulako li mal̥egenamu an ano, min adunaayi éhaasum tó kaanaku awu úboñulom, ban lufañiifañ loon ufañommuu.

Hulimahu Hásuumaahu loon Saŋ akiic homuu 17:3

Buloŋabu bábaneliitumuu bo bommuu, min kuhaasi awu áamimuu Ateemit anolawu ata mal̥egen, li kuhaas foof Yéesu Kilisita an uboñulomuu.

Hulimahu Hásuumaahu loon Saŋ akiic homuu 17:8

Mata liseniisen kulimaku kan usenommuu, ban kuyayyab ko. Kuhaase li mal̥egenamu koon ínje li awu lífulumulo, ban kúyinenyinen koon awu úboñulom.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 6:19

Kúgoomaku li kuween kujow kubaj sikilomeet sayilo siŋej hutok mantee foof hutok li yano, li kujuk Yéesu li abilum li malamu ákoojul busaanaabu. Li kúkoli.

Hulimahu Hásuumaahu loon Saŋ akiic homuu 7:29

Injé lihaasool, mata li okila libilumulo, ban okila áboñulom.

Hulimahu Hásuumaahu loon Saŋ akiic homuu 8:19

Kufaaliisiyeŋaku li koonool: — Kama Atuubayi ummay? Yéesu li aaniil: — Jihaasutom, ban jihaasut Atuubawom. Jihaaseenommuu, fan jihaaseen foof Atuubawom.

Hulimahu Hásuumaahu loon Saŋ akiic homuu 8:55

Ban jihaasutool, bale ínje lihaasool. Eenumuu ihaasutool, li ilako ámalamiñ loon bukuluul. Bale ínje lihaasool, ban lítuttuul kulimaku koola.

Bakaanelabu 17:23

Mata lilakolako kañaahoo li ésukayi yooluul, li ijuk wahawu wooluul wáñeyimuu tan jimanenemuu kuteemitaku kooluul. Li ijuk foof husila tan kiice kulimaku unke: «Unte boot li ateemit ahaasuti.» Yoo! wahawu wan jimanenemuu ban jihaasut wo, wó ínje ibilumuu kalobuul mata wo.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

Kata Lom 1:28

Emmuu bukanabuku kuyinoolut kahaas li mal̥egen Ateemit, wahawu unwu újimuu Ateemit li akatiil min kunab li uyinoolawu wooliil wacolutumuu, min kunaak kukaan wahawu wan kooteenutumuu kukaan.

Kata Lom 3:11

Bajut an ájallowe, bajut an aŋese li Ateemit.

Kata Lom 3:26

nan alakomuu húmuñahu. Muñeˈe li taŋayi inye, Ateemit láhihhiis bukanabuku macolamu moola, min akila humumool akaan Ateemit acole, ban li akaan bukanabuku káyinenumuu li Yéesu Kilisita kulako bukan kacole.

1 Kata Koolent 1:21

Li mal̥egenamu, bukanabuku kata adunaayi li bújallowabu booliil feh, kujuke wahawu wan Ateemit akaanumuu, bale kuyilaat kuhaas Ateemit. Wahawu unwu újimuu, Ateemit li ajok kaanaku jaajak min ájowum li kulimaku kan uwaaleyaalemuu ban li kujoki loon bul̥uuhoo, min afaken bukanabuku káyinenumuu.

1 Kata Koolent 15:34

Jílaañul jikaan uyinumuul jak, ban li jikat kahoofoo. Li mal̥egenamu, kukee li bukuluul kuhaasut Ateemit. Lilobuulob mo boot li ñisuu ñooluul.

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Tesalonik 1:8

Yéesu fan abilum li húlaañaañ hata sambun, boot katek bukanabuku kahaasutumuu Ateemit ban li kuhoy bakaan loon Hulimahu Hásuumaahu hata Amaaŋenawu oololaal Yéesu hulobumuu.

Eébulo 8:11

An let laañ jokool min aliiken an an kukine li etaam yano, let aliiken atuyool aanool “Uhaas Amaaŋenawu”, mata buko foofiil feh fan kuhaasom, kítum li ahaŋumuu mañiilo, jow kib li ahaŋumuu mahaano.

1 Saŋ 1:9

Bale uhebaalumuu Ateemit uhoofoolawu woololaal, fan abonketolaal wo ban li áfulen majakut manooman máami li ololaal, mata lal̥egenl̥egen ban li acol.

Búhiisenumabu 13:8

Bukanabuku feh kammuu li etaamayi fan kumanenool. Bukanabuku umbuku buko kommuu kan ujawawu wooliil ukiicutimuu li éliibalayi yata buloŋabu yaan no li húkitumahu hata adunaayi. Elíibalayi inyu yata Agálalaanawu amukimuu.

Búhiisenumabu 16:5

Muñeˈe li ijam Amalakaawu akilumuu malamu li aan: «Awu bale ommuu Ateemit anabe. Awu óomi tómuu, awu ulako tomuu, ban lutiibetiib col.»