Kata Fílib 2:1 - Jola-Kasa

¹ Nokoomuu loon li mal̥egenamu jibabbaj kátintimben li hujokoolahu hooluul li Kilisita, li nokoo loon jibabbaj kawankulen li húbooliyahu hoola, li nokoo loon jibabbaj hujokoo li Buyinumabu, li nokoo foof loon babbaj to húbooli li kabonket,

Kata Fílib 2:1 Referencias Cruzadas

Hulimahu Hásuumaahu loon Lík akiic homuu 2:25

Muñeˈe li baj Yeelusalem ánayine akee an koone Simiyoŋ. Simiyoŋ lakankaan an acole ban li átuul Ateemit. Li alako banaak anawu ammuu li afaken Isilayeel. Buyinumabu Banabaabu bulakolako li akila.

Hulimahu Hásuumaahu loon Saŋ akiic homuu 14:18

«Let ikatuul li husukateene. Fan ílaañul ilako li bukuluul.

Hulimahu Hásuumaahu loon Saŋ akiic homuu 14:27

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Hulimahu Hásuumaahu loon Saŋ akiic homuu 17:13

Bale muñeˈe boot min ibil booli. Ban kulimaku kan ilobumee muñeˈe nan iloŋumee li adunaayi, lilollob ko bájum li kubaj ésuumansuumayi yúmbaam li buko humumiil, ésuumansuum halli.

Bakaanelabu 2:46

Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.

Bakaanelabu 4:32

Muñeˈe káyinenumuu li Yéesu li kujokoo loon an ano, min kubaj kayinoo kano, li hulim hano. Bajut an li buko aane wahawu wan abajumuu woola balewool, bale wahawu wan kubajumuu wooliil foofiil feh.

Kata Lom 5:5

Kákangumaku kúkaaneliit an áyeko, mata Ateemit li Buyinumabu Banabaabu ban asenolaamuu, lákaanummuu húbooliyahu hoola li uyinumawu woololaal.

Kata Lom 8:26

Li manolamu foof, Buyinumabu Banabaabu bulambenewolaalamben mata lúgootowaagooto. Li mal̥egenamu, uhaasutaal buu lootaalumuu unaak ul̥awaal eeno, bale Buyinumabu Banabaabu humum bo bul̥awel̥aw Ateemit boot li alolaal li kálund ló kan butum buyilaat bulob.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

1 Kata Koolent 15:31

Kutuyom, hunakoohunak lilakowelako li iket. Wahawu wan ilobumuu ulakolako mal̥egen loon foof súumonsuum li bukuluul mata bulokabu ban Amaaŋenawu oololaal Yéesu Kilisita ammuu li kakaanaku.

1 Kata Koolent 3:16

Kama jihaasut joon bukuluul jommuu eluufayi yata Ateemit, imban Buyinumabu bata Ateemit li bukuluul bukine?

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

Kata Galasi 4:6

Mal̥egen bañiil bata Ateemit joom, mó mújimuu li áboñul Buyinumabu bata Añoolool bubil bulako li uyinumawu woololaal, Buyinumabu balobemuu butiya boon: «Abba! Faafa!»

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

Kata Efées 4:4

Alolaal jáyinenaamuu lunokoolaanokoo loon eniil yano ban baje Buyinum bano Banabe, mo foof bajumuu kákangum kano kan Ateemit ahooñuulumuu boot.

Kata Fílib 1:8

Ateemit lahaase aan mal̥egen, líbooliwuubooli foofuul feh ŋáa’ loon Yéesu Kilisita ábooliyemuu bukan.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

Kata Kolos 2:2

Wahawu wan ifañumuu, wo wommuu min bukuluul jibaj kawankulen li uyinumuul, ban li jijokoo lit loon an ano li húbooliwoo ló, imban li jibaj butuuko báamak. Muñowu jommuu jikaan, li jiyili jihaas mahaaseenutimuu mata Ateemit, mammuu Kilisita.

Kata Kolos 3:12

Muñeˈe bukuluul bukan kata Ateemit. Ateemit lal̥usuul̥us ban li afañuul. Wahawu unwu újimuu kama joote jilako bukan káyiyene bukan, bukan kásuume, bukan kawalenoolowe, bukan kájoobiye uyinum li bukan kayilo húmuñ.

Eébulo 6:18

Mo emmuu baje wah úl̥uba wan Ateemit akaane: wahawu wan alobumuu kasen, li hunuulahu han anuulumuu. Wahawu unwu úl̥uba an ayilaat wo áfulen mata Ateemit ayilaat ámal. Wó újimuu li ubajaal kawankulen kabaje sembe, alolaal akataal bomuu waholaal feh min ujokaal li kákangumaku kan kusenolaalumuu.

1 Fiyeel 1:2

Ateemit lal̥usuul̥us yaan no akat to loon ayinoo nomuu, akila ammuu Ateemit Atuubaawu, ban li ájowum li Buyinumabu Banabaabu min akaanuul jilako bukan kanabe boot kátuul Yéesu Kilisita, li boot min jígiileni li húsimahu hoola. Káji li kásuumaay kujow kulako li bukuluul ŋáa’.

1 Saŋ 3:24

An akaanumuu loon siluwaasu sata Ateemit silobumuu, anawu ummu li Ateemit laam nanoonan ban Ateemit ummu nanoonan foof li akila. Buyinumabu Banabaabu ban asenolaalumuu bó bújimuu li uhaasaal oonaal Ateemit ummu li alolaal.

1 Saŋ 4:12

Bajut an abile ajuk Ateemit. Bale úbooliwoolaalumuu, Ateemit fan alako nanoonan li alolaal ban húbooliyahu han ábooliwolaalumuu fan hujow boot to.

1 Saŋ 4:16

Ban ololaal luhaasaahaas húbooliyahu han Ateemit abajumuu li ololaal, ban lúyinenaayinen lí hó. Ateemit húbooli laam. An áamimuu nanoonan li húbooliyahu, anawu ummu, ummu nanoonan li Ateemit ban Ateemit ummu nanoonan li akila foof.