Kata Fílib 2:2 - Jola-Kasa

² kama jibaj mayine mano, húbooli hano, ban li jinaak jiyinoo wahawu wanolawu, mantee ésuumansuumayi yúmbaam li eluuk ŋáa’.

Kata Fílib 2:2 Referencias Cruzadas

Hulimahu Hásuumaahu loon Saŋ akiic homuu 3:29

Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Bakaanelabu 1:14

Buko feh kunaanaak kujamoo min kuwoog boot kal̥aw, famen to kanaale kukee. Li kanaalaabuku umbuku Mali ammuu jaaw ata Yéesu to lalakowe, li kutuyaku foof kata Yéesu.

Bakaanelabu 2:1

Nan hunakahu hata kagaanaku kaaneyimuu Fantokot húliiŋumuu, bukanabuku káyinenumuu li Yéesu li kuwoog foofiil feh tin tano.

Bakaanelabu 2:46

Li kunaak kujow hunakoohunak kujow kuwoog li kayinoo kano, li Eluufayi yata Ateemit. Li kunaak kutiñ hutiñahu hooli dín dáno li siluufasu sooliil, li ésuumansuum ló, li buyinum bájoobiye.

Bakaanelabu 5:12

Muñeˈe kufootalaku.

Kata Lom 12:16

Jijokoo jile keb. Jakum jikaan bukan kayilo háamaketo, bale jiŋa’ uyinumuul jikaan li wah walewoo to. Jakum jijokoolo bukan kájallowe.

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

2 Kata Koolent 2:3

Wahawu wájimuu li ikiiculuul eleetalayi, wo wommuu jakum bil íliiŋul booluul kukee li bukuluul li kukaanom buyina, ban buko kooteenumuu kújiwom li ibaj ésuumansuum. Ban líyinene kaanaku ésuumansuumayi yúmbaam, yooluul foof bukuluul feh.

2 Kata Koolent 7:7

Ban inti ebilayi yata Tit bale éwankulenoli, bale min álobolimuu buu bukuluul jiwankulenoolumuu eeno akila humumool. Lálobolilob buu bukuluul jifañumuu ŋáa’ min jilaañen jijukom. Li áloboli foof mata jíl̥okoolaju jooluul, li buu jibajumuu káyikil̥o kata kalaañ búmbaam hákil kulatoolawom. Wahawu unwu feh ukaanonkaan min ihaŋ mabaj ésuumahukow.

Kata Fílib 1:4

Lil̥awel̥aw nanoonan boot li bukuluul feh, ban lil̥awel̥aw li ésuumansuum ló,

Kata Fílib 2:16

Jifañumuu jikaan mo, li jítuk lit Hulimahu hata buloŋabu. Jikaan momuu, fan iyili ísangoolum mooluul li hunakahu nan Kilisita ammuu li álaañul, mata fan híis kaanaku bulokabu búmbaam li sílaamasu súmbaam inti kakaal̥o.

Kata Fílib 2:20

Li mal̥egenamu, bajut akee ábute li Tímote abaje uyinoolawu wanolawu li wúmbaam. Layinooleyinoo mooluul li mal̥egenool.

Kata Fílib 4:2

Wahawu wan emmuu il̥aw Efodi buko li Sentic, wo wommuu liyaakiil min kubaj hujamoo mata buko kúl̥uba bukan kata Amaaŋenawu koom.

Kata Kolos 2:5

Maayeet min kite eenimuu ilet ínje humumom li bukuluul, bale buyinumom bumbu li bukuluul. Súumonsuum ŋáa’ min jibajumuu kajamoo, li min jítukumuu lit káyinenaku kooluul li Kilisita.

2 Kata Tesalonik 2:13

Kutuyom, óloli joote jisal nanoonan Ateemit mata bukuluul jíji, jan Amaaŋenawu afañumuu. Mata Ateemit lal̥usuul̥us yaan no li húkitumahu min áfakenumuul li Buyinumabu Banabaabu bakaanuulumuu jilako bukan kata Ateemit, jówum foof min jíyinenumuu li mal̥egenamu.

2 Tímote 1:4

Ijowumuu iwayil̥o buu lul̥okumuu eeno, li síibom ŋáa’ min ilaañen ijuki mantee li ibaj ésuumahukow yáamak.

Filemoŋ 1:20

Atuyom, liyaaki, ulambenom li wahawu unwe li kajaw kata Amaaŋenawu: Ukaanom súum li buyinum, ínje jammuu atuyi li Kilisita.

2 Saŋ 1:4

Súumonsuum ŋáa’ min ijukumuu kaanaku kukee li kuñooli, buloŋabu booliil bunannab li mal̥egenamu, loon Atuubaawu alobolaalumuu.

3 Saŋ 1:4

Bajut wah wahaŋ másuumom bajam kaanaku bañoolom kumbuku li buloŋ nab li mal̥egenamu.