Provérbios 13:8 - Kaxinawá Bíblia (BR)

Yumetsubũ hau hatu tenãyamanũbũ mabu itxapayabũ hatũ peiwẽ hatu daewatã hawẽ hiwea piskutirubuki. Hakia nuitapaiburã, tsua hatuki sinatamawẽ taea hawa nĩkama hiweabuki.

Provérbios 13:8 Referencias Cruzadas

2 Reis 24:14

Jerusalém anua hatu atxikãshu hau Babilônia anu hatu iyunũbũ hawẽ detenamenikabu Joaquim inũ, hawẽ ewa inũ, hawẽ aĩbuaibu inũ, hawẽ shanẽ ibu beshmasbu habũ mae yunumisbu dasibi Nabucodonosor hatu yunua hatu iyuaibũ, txipu ha katxu Jerusalém anu hiweabu mirima yurabu shanẽ ibubu dasibi inũ, detenamenika pepabu inũ, mabu wanikabu dasibi inũ, mane dayamisbu dasibi hatu atxikĩ itxawashũ 10.000 tana keyushũ 7.000 shanẽ ibu beshmasbu inũ 1.000 mabu wanikabu inũ, mane dayamisbu ha dikabi huni kushipabu detenameti tapĩtirubu Babilônia anu hau hatu iyunũbũ Nabucodonosorĩ hatu yunua hatu iyuaibũ yurabu habu hawauma nuitapahairaibu besti hatu henebainibukiaki.

2 Reis 25:12

hau habũ hanushũ uva nishi bai inũ yunu bai hau dayakĩ takushkubaĩshanũbũ nuitapahairaibu besti Judá mai pakea anu Nebuzaradãnẽ hatu bashitã

Jó 2:4

hakia itxakanika Satanásã Senhor Deus kemakĩ yuikĩ: —Tsuabũra hawẽ hamapai txakabuwabiatã hawẽ yura mekĩ itxakawariama shinãkĩ: “Peki. Ẽ tenetiruki”, itirubuki. Hakia tsuãra hawẽ yura itxakawaya hatu daewakĩ hawa yaushiama dasibi hawara haya hatu inãtiruki, mawakatsi ikamarã.

Provérbios 13:7

Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.

Provérbios 13:9

Huni pepabu bĩ txashahaira keska benimamisbuki. Hakia huni txakabubu bĩ nuka keskabuki, hawa benima hayamarã.

Provérbios 14:24

Unanepabũ hatũ shinã pepahairarã, maiti hawẽrua sawea keskabuki. Hakia habu unaĩsmapabũ hawẽ hatu uĩmairã, maiti atimapa sawea keskabuki.

Jeremias 39:10

Judá enabũ mai pakea anu hatiri hawa hayamahaira nuitapaibu bashitã uva nishi bai inũ yunu bai hau dayakĩ mekekubaĩshanũbũ ibuwamakĩ Nebuzaradãnẽ hatu yunubainikiaki.

Mateus 16:26

Hamẽ tsuãra mabu mirimawẽ kemu bestikĩ itxawashũ ea ikũwãkĩ txibãma hatũmebi hatũ hiwekuĩa benushãkanikiki, eauma mawairã. Ha inũ, hatũ hiwea pakatã tsuã ana bitirumahairaki.

Lucas 12:23

Hamẽ Deusũ matu mekekubaĩmistũ matu damiwatã matu hiwemakĩ piti inũ matũ tari matu inãkubaĩmiski.