Provérbios 13:7 - Kaxinawá Bíblia (BR)

⁷ Huni betsabu hawa hayamabia: “Ẽ mabuyaki”, iki kẽmisbuki. Hakia tsuara mabu itxapa hayabia shabakabi yuiama nuitapai keska hiwemisbuki.

Provérbios 13:7 Referencias Cruzadas

Provérbios 11:24

Tsuabura hawa yaushiama hawẽ hawara pashkatã inananãmisbu hatu inãmisbu binumakĩ itxapa bikubaĩmisbuki. Hakia inananãma yaushimisbu hawa hayamai nuitapamisbuki.

Provérbios 12:9

Tsuara kẽwãma danãbiaibũ hawẽ tsumapã merabewakĩ dayashuna haskai pe hiwetirubuki. Hakia tsuara kẽwãbiakubaĩmisbu hawẽ piti itxapa hayamakẽ pematiruki.

Provérbios 13:11

Dayai parananãtã mabu hawaira itxawamisburã, hawaira hawẽ mabu keyushãkanikiki. Hakia tsuãra unãshubira dayakĩ mabu itxawakubainairã, ewawashanikiki.

Provérbios 13:8

Yumetsubũ hau hatu tenãyamanũbũ mabu itxapayabũ hatũ peiwẽ hatu daewatã hawẽ hiwea piskutirubuki. Hakia nuitapaiburã, tsua hatuki sinatamawẽ taea hawa nĩkama hiweabuki.

Lucas 12:20

hanushũ Deusũ yuikĩ: “Haskamaki. Haska mĩ yuiairã, mĩ unãmahairaki. Na habia mexu merã mĩ mawaya ha mĩ mabu mĩ pewakĩ keyushurã, tsuabũra pashkashãkanikiki”, akĩ yuitiruki.

Lucas 12:21

Ha huni keskakĩ tsuabũra hamebi mabu itxawakĩ yauxikĩ Deus haibuwama Deus bebunua nuitapaikiki— iwanã,

Lucas 12:33

Matũ mabu hawara ma hayawẽ nuiama matũ mabu betsawẽ pei bitã hawẽ nuitapaibu merabewakubaĩshãkãwẽ. Hamẽ ha pei matũ kapãkãki mã arua yumetsubũ bibaĩtirubuki. Ha inũ, hawẽ masãnẽ pesa pesa atiruki. Hakia matũ pei yauxiama mã inãnanãmisbu pewẽ matu kupikĩ nai anua hawa txapui keyuisma Deusũ matu inãshanikiki.

1 Coríntios 4:8

Haska inũ, matũ xinãkĩ: “Dasibi unaĩ hamapai Deusũ hawenabu inãmis haya nũ ma shanẽ ibubuki”, iwanã, ea Paulo inũ Apolo mã nuku ana xinãma haskayarã, txanima kayabi matũmebi mã shanẽ ibu mẽtsisipa kayabiayarã, ana nuitapama nũ daka matube shanẽ ibushãti.

2 Coríntios 4:7

Ha inũ, Deusũ yusĩkĩ hawẽ pepakiri nuku tapĩmaya dasibi kuxipa Deusuna inũ nukũmebi nũ hawauma hau mã unãnũbũ nukũ yura babuhaira, mai xumu pusimis keskabianu hawẽ kakape nukũ huĩti merã nuku netãtã hawẽ tsumabu Deusũ nuku waniki.

2 Coríntios 6:10

Ha inũ, habũ nuku xinã nũ punu nuka dabanẽ xinãkanikiki, Cristo txibaĩ nũ xinãtxãkaĩ nũ benimabiakũkainaya nũ hamẽ nia nuitapai keska xinãmisbuki, nũ hatu tapĩmai itxapa enayabiakenã. Nukuburã, nũ hawa hayama keskabia dasibi Deusũ nuku haya wamiski.

Santiago 2:5

Ẽ betsabu inũ ẽ puibuũ, matuwẽ nuikĩ ẽ matu abuai ẽ hãtxa nĩkairakãwẽ. Na mai anua tsuabura nuitapaibu Deusũ katua habũ Deus ikũwã kayabiaibu pepakanikiki. Hanua txipu haska hiwekũkainaiwẽ taeshũ niti akama nai anu habe hiwemashanai Deus yubakanishũ danãma hatu abumisshũ hatu manakushanikiki, nai anu hatu hiwemakinã.

2 Pedro 2:19

Habu txakabũ hatu tsumawawẽ taea ha hunibũ hawa hatu nematirubumaki, ha ikũwãkĩ taewaibũ akaiburã. Nuku tibirã, hatũ nuku mekearã nũ hawẽ tsumawẽ taea ha parananãmisbũ tsumarã, txakabu bestiki, tsuã danãkĩ henetirumarã.

Apocalipse 2:9

Natiã bika betsa betsapa tenei hawauma mã nuitapaibu ẽ unaiĩ. Haskabia txanima matũ manakuti itxapa nai anu matuki nũ tana mã hayaki. Ha inũ, habu matukiri hãtxa atimapa hãtxai inũ ibubiskiri yui: Ẽ judeuki, ibiai ikũ kayabiwama haska Satanásã abuai besti txibãmisbu ẽ hatu unãriaii.

Apocalipse 3:17

Haska inũ, matũmebi xinãkĩ yuikĩ: Mabu itxapa haya pei itxapa haya dasibi ẽ hayaki, ikĩ mã xinãbiakĩ ẽ yusĩa xinãkĩ mã txibãbumawẽ taea mã ibubis nuitapai hawa hayama bekũ tariuma keska mã hiwekũkainaii.