Provérbios 13:1 - Kaxinawá Bíblia (BR)

Hawẽ bake unanepatũ hawẽ epã nemati hãtxa nĩkashũ txibãkubaĩmiski. Hakia bake habiaska beyai nĩkaismatunã, hawẽ epã nemati hãtxa danãkĩ hawa txibaĩsbumaki.

Provérbios 13:1 Referencias Cruzadas

1 Reis 22:43

Haska hawẽ epa Asa pe hiwekũkaini keska Josafá pe hiwekĩ haska Senhor Deusũ betxipaiai keska akubaini hakia mati keyatapa betsa betsapa anushũ Senhor Deus shinãbuma yushibu betsa kẽwãkĩ inabu nami kuashũmisbu inũ yushibu dami bebũshũ kẽwãkĩ sheni ininipa kuashũriamisbu hau yamawanũbũ hawẽ dayarubu Josafã hatu yunuama akubainikiaki.

Provérbios 10:1

Salomãonẽ unanepa hãtxa nĩkakãwẽ. Hawẽ bake unanepatũ hawẽ epa benimawamisbuki. Hakia hawẽ bake nĩkaismatũ hawẽ ewa kashamakĩ punu nuka wamisbuki.

Provérbios 12:15

Yusiã nĩkaisma unaĩsmapaburã, dasibi hawara akubainai: “Ẽ pe hiweaki”, ishũ shinãkubaĩmisbuki. Hakia huni unanepabunã, huni betsã hatu merabewakĩ pe yusiaĩbu nĩka pewakubaĩmisbuki.

Provérbios 14:6

Tsuara yunua nĩkaismatũ unanepanũ ishũ unanepã hãtxa benabiai haki nukutirumaki. Hakia nĩkanikabũ hãtxa bena tapĩkinã, hawa bikama hawaira tapĩkubaĩmisbuki.

Provérbios 15:12

Patapa nĩkaisbumã hatũ nemati hãtxa betxipaisbumaki, hatũ shinã besti betxipaikinã. Ha dikabi unanepabu danaĩ hatube dasikatsi isbumaki.

Provérbios 15:20

Bake unanepabũ hatũ ibubu benimawamisbuki. Hakia bake unaĩsmapabũ hatũ ibubu danãkĩ hatu dake wamisbuki.

Provérbios 15:5

Hatũ epã hatu nemakĩ pewamis hãtxa ha unaĩsmapabũ nĩkaisbumaki, danãkinã. Hakia unanepatũ hatũ epã hatu nemakĩ pewamis hawẽ hãtxa nĩkakĩ shabakabi hatu uĩmakubaĩmisbuki.

Provérbios 7:24

Haskakẽ epaã, ea nĩka pewakĩ ẽ hãtxa shinãkubaĩshãwẽ.

1 Samuel 2:25

Huni betsabe tsuara itxakani kaya hatũ txakabu Senhor Deusũ hatu unãti watã pewakĩ hatu daewatiruki. Hakia tsuabũra Senhor Deus sinatamaibu tsuã Senhor Deus daewatirumaki”, hatu wa ma bebũkiri Senhor Deusũ hatu tenãkatsi yubakashĩkẽ hanushũ hatũ epã hãtxa nĩkabiatã txakabu henekatsi ikama txakabus bestikubainibukiaki.