1 Samuel 2:25 - Kaxinawá Bíblia (BR)

²⁵ Huni betsabe tsuara itxakani kaya hatũ txakabu Senhor Deusũ hatu unãti watã pewakĩ hatu daewatiruki. Hakia tsuabũra Senhor Deus sinatamaibu tsuã Senhor Deus daewatirumaki”, hatu wa ma bebũkiri Senhor Deusũ hatu tenãkatsi yubakashĩkẽ hanushũ hatũ epã hãtxa nĩkabiatã txakabu henekatsi ikama txakabus bestikubainibukiaki.

1 Samuel 2:25 Referencias Cruzadas

Gênesis 38:10

haskai Onã hawẽ betsa debuima bake washũkatsi ikama haki dakekũkainaiwẽ taeshũ Senhor Deusũ betxipaiamahaira hari tenanikiaki.

Gênesis 38:7

Erĩ Deusũ yunua txibãma hamebi hawẽ shinanẽ hiwe txakaiwẽ taea Senhor Deusũ betxipaiama tenãkẽ

Salmos 51:16

Ẽ inãkuĩ tibi inũ inabu tibi ẽ mia menu keyushũkĩ ẽ mia hawẽ benimawakatsi ikĩ ẽ mia inãbia mĩ betxipaiamabiakẽ ẽ mia haska washũkatsi ikamaki.

Salmos 51:4

Hawara txakabu mĩ nemani ha meai mĩ kupiti wani eã ha mei mikiri besti ẽ txakabumiski. Haskawẽ taea kupikĩ mĩ unãti wamisrã, mĩ kaneismahairaki. Mĩ kupiti tsuã binutirumahairaki.

Provérbios 13:1

Hawẽ bake unanepatũ hawẽ epã nemati hãtxa nĩkashũ txibãkubaĩmiski. Hakia bake habiaska beyai nĩkaismatunã, hawẽ epã nemati hãtxa danãkĩ hawa txibaĩsbumaki.

Provérbios 15:10

Pe hiwei taebiakaĩkĩ hatũ hiwea bai henekĩ txakabuwaibu ana hatu pewakĩ txĩtũmairã, bikahairaki. Tsuara hatu yusĩkĩ pewabiabu hatũ hãtxa nĩkama danainã, tenãshãkanikiki.

1 Timóteo 2:5

Haskawẽ taea eska Deus hawẽ xinã hayaki. Deusrã, bestitxaiki. Hanua nuku itsa habe hãtxashũmisrã, bestitxairiki, ha Jesus Cristorã, Deus nuku daewashuni hãtxashũmisrã.

Hebreus 10:26

Ma Jesus Cristokiri unãti wakĩ txanima tapĩbiatã haratubũra hawa xinã betsa maewama ana nukũmebi txakabu mei atimapai huĩti kuxikĩ nũ akaiburã, ana hawa betsawẽ Deus daewati nũ hayamahairakiaki.

Hebreus 10:27

Txĩtũtã nũ hawẽ hiwei kairã, Deus hatuki sinatakĩ hatu kupitxakayamakĩ txi merã hatu menukĩ keyushanai besti manakanikiki. Uĩrakãwẽ, mesekirã.

Hebreus 7:25

Tsuabũra Jesus ikũwaĩ hawẽ Epa Deuski dasia Deusũ kupiti binui pashaibu hiwekuĩa inãkĩ hatu merabewai Deusbe nuku hãtxashũpakeikiki, hawa niti ikamarã.

1 Samuel 3:14

Eska hatu wakatsi ẽ hatukiri yubakashinaki. Ea daewakĩ hatũ txakabu ea buamanũ, ishũ, hatũ inabu itxapa tesẽshũ hirabi ea menukĩ keyushũkĩ inũ hawara inãkuĩ itxapawẽ ea daewabiabu Elĩ enabu hatũ txakabu ẽ hatu tere ataskama ishanaii— atã kakẽ