1 Samuel 2:24 - Kaxinawá Bíblia (BR)

²⁴ Ẽ bakebuũ, ana hatu haska wayamakãwẽ. Matukiri hãtxai peama Senhor Deusũ enabũ matu yuãkubaĩkanikiki.

1 Samuel 2:24 Referencias Cruzadas

Êxodo 32:21

ha haska hatu wamashinakiri hawẽ betsa Arão Moisĩ ha akĩ: —Yurabũ mia hawa txakabuwamabu hatuwẽ datekĩ Deuskiri mĩ hatubetã hawa txakabuhairawashinamẽ?— aka

Malaquias 2:8

Hakia ebe matunabu hãtxashunikabuũ, hiwea pepa ea anua mã ma ea pashkabuki. Mã hatu yusĩ txakaiwẽ taeshũ yura itxapabu benukanikiki. Haska wakĩ ẽ Levibe yubakani matubũ txakabuwakĩ mã atimapawaii.

Mateus 18:7

Ha inũ, hamapai betsa betsapawẽ kemukĩ yurabũ txakabuwamisbuki. Hakia tsuabũra enabũ Deusũ yunumis inũ nemamis xinãbiaibũ huĩti babubu parãkĩ hatu txakabu amakeakemisbu haburi Deusũ hatu kupia nuitapahairashãkanikiki.

Hechos 6:3

Haskakenã, ẽ betsabu inũ ẽ puibuũ, hau huni betsabũ piti matu pashkashũkĩ inãkĩ pewakubainũbũ sete huni xinãyã inũ unãnepabu Deusũ Yushĩ Pepatũ kuxipayabu hau habũ matu pashka pewashunũbũ benakĩ katushũ ha daya hatu yunukãwẽ.

2 Coríntios 6:8

Ẽ hanu haska wakĩ hatu merabewa bestiaitiã yura betsabũ nuku kẽwaĩbũ hatiritũ yuãkĩ nuku kẽwaĩsbumaki. Ha inũ, yura betsabũ nukukiri shetxakaibũ betsabũ nukukiri pe yui hãtxamisbuki. Ha inũ, yura betsabũ nukũ yusĩa danaĩ: “Matxupaki”, nuku wabiaibũ txanima yui besti nũ hãtxakũkaĩmiski.

1 Timóteo 3:7

Ha inũ, ikũwãbumã ha huni pepa hawẽ xinã unãtã hakiri pe xinãmisbu besti uĩkubaĩkĩ mekenika katutiki, Satanásã parãkĩ hatu atxia hawaira kanekĩ hau hatu uĩmatxakayamashanunã.

2 Pedro 2:18

Hawara hãtxakĩ yuiaibu hawẽrua kemutapabia hamẽki. Habũ dama ikũwãkĩ taewaxina mestẽriabuma ha txakabukiri yusĩkĩ txanima hãtxa hatu henemakanikiki, hatũ yura atimapa betsa betsapatikiri hatu yusĩtxakakinã.

3 João 1:12

Dasibibũ: “Haska kaka tashnimakãwẽ”, ika ẽ ikairã, Demétrio bestikiria hãtxa tashnia ẽ nĩkaii, hawẽ kaka txanimarã. Haska hakiri kaka kaĩayã nukũri hakiri hãtxakĩ habiaskari nũ xinaiĩ. Nuku nũ parananaĩ hãtxaisma mĩ unaiĩ.

Apocalipse 2:20

Mã haskabiai eska besti matu anu hayaki. Ha aĩbu mã Jezabel wamis hatũ txakabuwaikiri mã nemaisma ha bestikiri matu yuinũ nĩkakãwẽ. Ha Jezabelĩ matu parãkĩ yuikĩ: Eãri Deusũ hãtxa ẽ yuimiski. Ea nĩkakãwẽ, matu watã mã ẽ tsumabu bestibu matu itxawashũ yusĩkĩ yuikĩ: Aĩbu mĩ aĩmabe mĩ txutanamearã, peki. Huni mĩ benemabe mĩ txutanamearã, periki. Hamapaibe txutanamearã, periki, akĩ pitikiri matu yuikĩ: Ha yushĩ dami betsa kẽwãti nami inãmisbu mã piarã, hawa txakabumaki, iwanã, matu parãkĩ matu txakabuwamakubaĩmiski.

1 Samuel 2:17

Senhor Deus inãkuĩ nami hawenabiakẽ ha berunãbũ ibubis txakabukĩ ha inãkuĩ Senhor Deus beshuãbu hawẽ berubi atimapahairawakĩ Senhor Deus kẽwãti beya danãkĩ Senhor Deus sinatamahairaibũ

1 Samuel 2:22

Eli ma anibuhairakũkainaya hawẽ bakebũ Israelĩ enabu beabu hatu itxakawakubaĩkĩ Deuski nukuti tari hiwe pũtenibu hikiti shui anushũ aĩbuaibu dayaibu txutamisbũ Elĩ unãshũ

1 Samuel 2:23

hawẽ huni bake dabe kenashũ hatu yukakĩ yuikĩ: “Haska mã txakabukubainaibu dasibibũ matu uĩ eki txanikubaĩkanikiki. Haskai mã haskamismẽ?