Provérbios 13:2 - Kaxinawá Bíblia (BR)

² Haska hãtxamisbu tibi hatũ manakuti bishãkanikiki, pe inũ txakabu yuimisbu tibiwenã. Hakia huni pubẽ detenamemisbunã, ana hatu detekĩ txakabuwanũ ishũ txakabu besti benakubaĩmisbuki.

Provérbios 13:2 Referencias Cruzadas

Provérbios 1:18

Hakia ha huni txakabubũ hatu tenãkatsi ikĩ birũwã keska wakinã, ibubis hatũ hiwea mese wakĩ amisbuki.

Provérbios 1:31

Hatũ hiweawẽ shinã txakakĩ txakabu tibi amisbuwẽ taea nuitapai bika tenekubaĩshãkanikiki, hatũ txakabu itxapa yaniwa keskairã.

Provérbios 10:11

Huni pepabũ yusĩti hãtxa pepawẽ merabewakĩ Deusũ hiwea kayabikiri hatu tapĩmakubaĩmisbuki. Hakia huni txakabũ bemakis hatu pewabiakĩ uke merã hune shinã txakakĩ hatu txakabuwamamisbuki.

Provérbios 11:23

Huni pepabũ haska betxipaimis akinã, pepa tashnimakubaĩmisbuki. Hakia huni txakabubũ hawa shinãma haska betxipaiai akĩ hatu sinatamamisbuki.

Provérbios 12:14

Haska huni tibi hãtxamisbu bishãkanikiki, pe inũ txakabu yuimisbu tibiwenã. Hanua haska akubaini dayakubaĩmisbu haskawẽ hatu pakarã, txakabu kasmai pepa bishãkanikiki.

Provérbios 18:20

Pikĩ yaniwai keskai tsuara hatũ hãtxa tibiwẽ ibubis hãtxakĩ nĩkai benimamisbuki.

Provérbios 18:21

Mĩ hãtxawenã, mĩ hiweshanai inũ mĩ mawashanai haratura yui mĩ hãtxaii. Haska txakabu yui mĩ hãtxa txakayamamisrã, habiaskari mei mĩ bika tenepakeshanaii.

Habacuque 2:17

Líbano mati matipa anushũ hatũ himi haba wakĩ mã hatu detekubainiwẽ taeshũ habiaskari wakĩ maturi detekĩ matũ himiri haba wariakubaĩshãkanikiki, matũ inabu tenã keyukĩ matu datehairakinã.

Habacuque 2:8

Matuki sinatabirani nawa betsaburi itxatã mã hatũ mabu inũ hatũ pei mã hatu mebini keska wariakĩ matunari dasibi matu mebĩkĩ keyushãkanikiki. Hatũ mai pakea anushũ hanu hiweabu inũ hatũ maewã tibi mã hatu txakabu wakubaini tibiwẽ taeshũ maturi kupikĩ manakushãkanikiki.

Apocalipse 16:6

Mĩ hãtxa yuishunikabu inũ Jesus txibaĩbu itxakawakĩ habũ himi habawakĩ tenãkubaĩmisbu haburi hatu kupikĩ himi mĩ hatu amaii. Haska mẽnũ ika imisburã, hau haskanũbũwẽ”, akaya