Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.
Mateus 18:15 - Kaxinawá Bíblia (BR) ana nuku yusĩkĩ: —Ea ikũwaĩ betsã kanekĩ mia txakabuwa habes hãtxai pekĩ harakirira mia txakabuwashu hau unãnũ yuiwe. Mia nĩkaya mĩ habe haibunameshanaii. Kashinawa : Diosun Jesúswen taexun yuba bena yiniki ana nuku yusinkin: —Ea ikunwain betsan kanekin mia chakabuwa jabes janchai pekin jadakidida mia chakabuwaxu jau unanun yuiwe. Mia ninkaya min jabe jaibunamexanaii. |
Tsuabũra yunuti pepa kushipa txibaĩ hiwei petirubuki. Yura betsa txakabubiakẽ tsuãra ha huni hawẽ shinã betsa wamakĩ Deus txibãmairã, ha huni unanepaki.
hawẽ hãtxa nĩkatã Pedrõ Jesus yukakĩ: —Yusĩnaã, mia ikũwaĩ betsã ea txakabuwaya hatiki hawẽ txakabu hakimawashãpa? Metutikiraka?— aka
Matu mã haska keskariai ikũwaĩ betsã mia txakabuwa hawẽ nuikĩ hau ewẽ nuinũ, iwanã, mia yuibiakẽ miari hawẽ nuiama mĩ hakimamakẽ ha shanẽ ibu keskai ẽ Epa Deus nai anua matuwẽri nuiama ishanikiki, matũ txakabu buamarã— nuku aniki.
Ha inũ, hau txakabũ matu maemakĩ binuyamanũ haskawẽ taea matunã, pepawakĩ txakabu binumakubaĩkãwẽ.
Eskawẽ taeshũ ẽ matu ha aniki. Ha huni hawẽ ibuã aĩbe hiwea merabewanũ, ikama inũ hunĩ hawẽ aĩ ma mebiã merabewanũ ikamari hakia haskama nukuwẽ nuikĩ haska nukũ yusĩa mã txibãkatsis ikai Deusũ matũ xinã unãmaya mã unãnũbũ: “Mã itxamis anua ha huni nitxĩrikãwẽ”, iwanã, matu anu kene bumakĩ ẽ matu haskakiri xinãkĩ bumayamaki.
Ẽ betsabu inũ ẽ puibuũ, nukunabũ hamapai txakabuwakĩ kaneaibu uĩtã matũ mã ikũwaĩwẽ taeshũ pewakĩ hatu merabewakĩ hãtxa pepawẽ unãshubira hatu yusĩkubaĩkãwẽ. Hakia matũri txakabuwakĩ mã kaneyamanũbũ, Deusũ Yushĩ Pepatũ matu mekeaya ibubis mekeriakubaĩkãwẽ.
Haska inũ, tsuabũra matu txakabuwaya hawaira haki sinatama tenetã merabenaĩ hatũ txakabu hakimatã ana hakiri xinãyamakubaĩkãwẽ, nukũ Shanẽ Ibũ matũ txakabuwẽ Deus matuki sinatai buashuni keska wakinã.
Hanushũ bebũkiri nemakĩ haska nũ matu yuima ana nĩkairakãwẽ. Tsuabũra huni betsa parãkĩ hawẽ aĩ mekĩ hatu itxakawaibu Deusũ hatu kupishanikiki.
Hakia hatuki sinatama mĩ betsabube mĩ ikai keskakĩ hatu hãtxa txakabuwama hatu yusĩkĩ nema bestikubaĩkãwẽ.
Tsuãra Jesus Cristo ikũwaĩbu hatu itimaska wakĩ hatu pashkakatsi ikaibu merabewanũ, iwanã, kenatã mĩ yuia nĩkamakẽ ana ha katxu kenatã mĩ yuia nĩkamarikẽ hanushũ hau ana matube itxayamashanũ nematã hatu nitxĩwẽ.
Aĩbu beneyabuũ, maturi yuinũ nĩkairakãwẽ. Matũ benẽ matu yunua nĩkatã habebis yununamei hẽ iyamama ashũkubaĩkãwẽ. Haskakĩ hatiritũ matũ benẽ Deusũ hãtxa ikũwãriama duawai mã pepakũkainai matu uĩkubaĩmiswẽ taeshũ hãtxawẽsma mã pepawamiswẽ matũ bene bestibu Jesus mã ikũwãmatiruki,