Colosenses 3:13 - Kaxinawá Bíblia (BR)

¹³ Haska inũ, tsuabũra matu txakabuwaya hawaira haki sinatama tenetã merabenaĩ hatũ txakabu hakimatã ana hakiri xinãyamakubaĩkãwẽ, nukũ Shanẽ Ibũ matũ txakabuwẽ Deus matuki sinatai buashuni keska wakinã.

Kashinawa : Diosun Jesúswen taexun yuba bena yiniki

¹³ Jaska inun, tsuabunda matu chakabuwaya jawaida jaki sinatama tenetan medabenain jatun chakabu jakimatan ana jakidi shinanyamakubainkanwen, nukun Xanen Ibun matun chakabuwen Dios matuki sinatai buaxuni keska wakinan.

Colosenses 3:13 Referencias Cruzadas

Provérbios 19:11

Bebũkiri shinã pewakubaĩmistũ sinatai taebiatã hawaira ibubis daemisbuki. Hakiri hãtxai pemisbuwẽ taea haki ha ibiabu ana shinãma ibubis hatu hakimawai pe bestikũkaĩmiski.

Mateus 5:44

Hakia eãnã, hãtxa betsawẽ ẽ matu yusĩaiĩ. Matuki sinataibu hatuki sinatama hatuwẽ nuikubaĩshãkãwẽ. Ha inũ, matu itxaibu inũ matu itxakawaibu hatu danãma merabewakĩ hau Deusũ hatu duawanũ yukashũkubaĩshãkãwẽ.

Mateus 6:12

Ha inũ, nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe.

Marcos 11:25

Haska inũ, Deus dayui habe hãtxakĩ tsuãra hawara matu txakabuwaxina haki sinatabiatã hawaira habe daekubaĩkãwẽ, ana has xinãmarã. Mã haskaibu matũ txakaburi Deusũ matu buashũtã ana xinãma iriashanikiki.

Lucas 11:4

Ha inũ, tsuabũra nuku txakabuwaibu hatu hakimawakĩ hatũ txakabu nũ ana haska xinãmawẽ taeshũ nũ mia txakabuwai buashũtã ana haskakiri nuku xinãmayamawe. Ha inũ, nũ kaneyamanũbũ hawara nũ hawẽ kemumis kaĩyaĩ nuku nemashũkubaĩwẽ’, atiki— iwanã,

Lucas 23:34

meneabũ soldadobukiri Jesusũ yuikĩ: —Epaã, ea haska waiburã, hawa hatu kupiyamawe, hawa unãma iki ikanikikirã— ikaya hanushũ soldadobũ hawẽ beyustiwẽ maemanãkĩ hawẽ tari pashkanũ iwanã: “Tsuã dukũ hawẽ tari bimẽkaĩ? Akãwẽ”, ikaibũ

Romanos 15:7

Hanushũ haska Cristõ matu haibu wani keska wakĩ ikũwaĩ betsabube haibunamekĩ hatu beyawakubaĩkãwẽ, haskai mã pekũkainaya hau dasibibũ Deus kẽwãkubainũbunã.

2 Coríntios 2:10

Haska Satanásã nuku parãkatsis ikai nũ unãhairaya hau nuku txakabũ maemayamanũ hawara ha hunĩ akubaĩyama hakimakĩ hari hakimawatã mã ana xinãbumakẽ matũ xinã pe unãkĩ eari hakimai ẽ ana xinãmariki. Merabewakĩ ẽ matu kuxipa wakatsi ikaii. Cristõ ẽ xinã ea bebũshũ unãyã hawara txakabu mã hakimaimakẽ eãri ha hunĩ txakabuwayama ẽ ana haska hakiri xinãtirumariki.

2 Coríntios 6:6

Haska inũ, nukũ hiwea pepa kayabi nũ hatu uĩmairã, tsua parãma inũ, unãnepai sinatama txanima nũ ikũ kayabi ikai Deusũ Yushĩ Pepatũ kuxipaya nũ Deusũ tsumabu txanima nui kayabi nũ hiwekũkaĩmiski.

Gálatas 6:2

Haska inũ, matunabũ shãkama iabiranaibu mã hatu merabewamis keska wakĩ tsuabũra hawara bika teneaibu inũ tsuabũra kaneaibu hatu merabewariakubaĩkãwẽ. Hatu haska wai haska Cristõ nuku yusĩkubaini keska ashũkĩ hawẽ hãtxa mã meneshũshanaii.

Efésios 4:2

Eskairã, bebukaini keãma betsa binũama inũ, duapai betsabu abui inũ, hĩ hĩ ikĩ hawara bebũkiri anũ ika hawaira sinama ikũwaĩ betsabube nui uĩnanaĩ teneshũ uĩrakubaĩkãwẽ.

Efésios 4:32

Hakia maturã, mã pepakatsis ikairã, matunabuwẽ nui bestikubaĩkãwẽ. Hawara mã hatube txakabumis daenametã duanameirã, matũ txakabu hakimarabetã ana xinãma pepakubaĩkãwẽ, haska Cristõ matũ txakabu buanikẽ Deusũ ana xinaĩsma keskairã.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Colosenses 3:12

Haskakẽ Deusũ matu abukĩ hau hawenabu meribi tari mã inũbũ matu katunikenã, matũ xinã pepa kaĩmakinã, tari bena sawea keska wakubaĩkãwẽ, yura betsabuwẽ nuirã, pepairã, babutã keãmarã, duapairã, hĩ hĩ ikama manakairã.

Santiago 2:13

Deusũ nuku eska washanikiki. Matu yuinũ nĩkakãwẽ. Tsuabura nũ hatuwẽ nuisbuma Deusũri nuku unãti wai nuiama ishanikiki. Hamẽ tsuabura nũ hatuwẽ nuikubaĩmisburã, hanu kupikĩ unãti waitiã hawa nuku itxakawama hatu binumakĩ nuku pasha wakĩ binumashanikiki.

1 Pedro 2:21

Eskawẽ taeshũ Deusũ matu katukĩ kenaniki. Mã hawa bika teneriamakẽ Cristo dukũ ha dukũtũ matu bika teneshuniki, ha txibãkĩ matũri mã bika teneriashanũbunã.