Marcos 6:15 - Kaxinawá Bíblia (BR)

hanushũ huni betsã hawẽ xinãnẽ yuikĩ: —Ha Jesusrã, Elias ana huxiãki. Elias ikibikaĩ— ikaya betsãri yuikĩ: —Ha Deusũ hãtxa yuishunika nukũ shenipabube hiwepauni betsaki, ha Jesusrã— ikaibũ

Kashinawa : Diosun Jesúswen taexun yuba bena yiniki

januxun juni betsan jawen shinanen yuikin: —Ja Jesúsdan, Elías ana jushianki. Elías ikibikain— ikaya betsandi yuikin: —Ja Diosun jancha yuixunika nukun xenipabube jiwepauni betsaki, ja Jesúsdan— ikaibun

Marcos 6:15 Referencias Cruzadas

Malaquias 4:5

Uĩkãwẽ. Ha shaba mese dasibi datemakĩ ea ẽ Senhor Deusũ kupiaitiã huriamakẽ ẽ hãtxa yuishunika Elias hiwepaunirã, ana matu anu ẽ yunushanaii.

Mateus 16:14

—Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Elias ana butuimaki”, mia wariakanikiaki. Betsabũri yuikĩ: “Deusũ hãtxa yuishunika Jeremias kasmai hawẽ hãtxa yuishunika betsa daka”, akĩ mikiri yuimisbukiaki— nũ wa

Mateus 21:11

Jesusbe bukĩ hatu yuikĩ: —Deusũ hãtxa yuishunika Jesuski. Galiléia mai pakeanua hawẽ mae Nazaréki— hatu akubainaibũ,

Marcos 6:16

Herodesĩ hatu nĩkatã yuikĩ: —Habaa! João ẽ hatu yunua teshteimaburã, ma bestẽxinamẽkaĩ— inikiaki.

Marcos 8:28

hawẽ tsuma betsã yuikĩ: —Betsabũ mikiri yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Elias ana huxiãki”, mia wariakanikiaki. Betsabũri yuikĩ: “Deusũ hãtxa yuishunika betsa ana besteĩmaki”, mia wariamisbukiaki— akabu

Lucas 1:17

Haska inũ, mĩ bake Joãonẽnã, Deusũ kuxipaya hawẽ Yushĩyã bebũ nishũ haska Eliasĩ Deusũ hãtxa yuishunikatũ ani keska wakĩ hatũ ibubu habũ bakebu ana danãnanaĩ sinatanameama inũ ha patapakĩ nĩkaisbuma hau habũri Deus txibanũbũ mĩ bake Joãonẽ yurabu hatũ Shanẽ Ibu huai manamakĩ hatu xinã betsa wamashanikiki— aka

Lucas 7:16

Jesusũ haska wai uĩ haska uĩsbuma hawẽ datei mesehairakĩ: —Habaa! Nuku anu Deusũ hãtxa yuishunika pepahaira ma ana tashnixinaki. Hawenabu duawai Deus ana bayushuki— ikĩ Deus kẽwãkubainaibũ

Lucas 7:39

Jesus hatũ iatũ uĩtã Jesuskiri xinãkĩ: “Deus nuku yuishunika kayabitunã ha aĩbũ hawẽ tae meairã aĩbu txakabukũkaĩmis unãkeanaii”, ikaya

Lucas 9:19

habũ yuikĩ: —Betsabũ yuikinã: “Naximanika João ana bestẽxinaki”, mia wakanikiaki. Betsabũri yuikĩ: “Deusũ hãtxa yuishunika Elias ana huxiãki”, mia wariakanikiaki. Betsabũri yuikĩ: “Deusũ hãtxa yuishunika betsa ana besteĩmaki”, mia wamisbukiaki— akabu

João 1:21

—Mĩ tsuaraka, Deus hãtxashunika Elias kanirã, mĩ hamẽ?— akabu —Ẽ hamariki— hatu wa —“Deusũ hãtxa yuishunika kuxipa ea keska hushanikiki”, akĩ Moisés yuinirã, mĩ hamẽkaĩ?— akabu —Ẽ hamariki— hatu wa

João 6:14

hawẽ unãmati dami Jesusũ hatu ashũshuwẽ taea uĩ yuinamei: —Txanima Deusũ hãtxa yuishunika kayabiki, haska Moisés yuinirã, ha hunirã, habiaki— ikubaũkĩ

João 7:40

Hanushũ hatiritũ Jesusũ hãtxa nĩka pewatã yuikĩ: —Txanima na hunirã, Deusũ hãtxa yuishunikakiri Moisés nuku yuinirã, haki— ikaibũ

João 9:17

huni shushaxina ana yukakĩ: —Mĩ beru mia shushawaxinawẽ taeshunã hakiri hawa mĩ yuiai?— akabu —Ha hunirã, Deusũ hãtxa yuishunikaki— hatu wa