Lucas 18:9 - Kaxinawá Bíblia (BR)

hanua itxapa mapushũ nĩkaibukiri habu hatiri ibubis kẽkĩ xinaĩ beparamei: “Ea besti ẽ pepaki. Hakia betsaburã, haskaisbumaki”, ikĩ hatu danãmisbu Jesusũ ana miyui betsawẽ hatu yusĩkĩ hatu dabĩwãkĩ yuikĩ:

Kashinawa : Diosun Jesúswen taexun yuba bena yiniki

janua ichapa mapuxun ninkaibukidi jabu jatidi ibubis kenkin shinain bepadamei: “Ea besti en pepaki. Jakia betsabudan, jaskaisbumaki”, ikin jatu dananmisbu Jesúsun ana miyui betsawen jatu yusinkin jatu dabinwankin yuikin:

Lucas 18:9 Referencias Cruzadas

Isaías 65:5

Na enabu pepamabia mapubaũkĩ hatu yuikĩ: ‘Earã, ẽ meribihaira Deusunaki. Neri eki kematã ea mekĩ metsayamakãwẽ’, ibiairã, ha huniburã, txi ketiãbu bari txaitanai hi ikĩ hawẽ kuĩwẽ ea detxeshãwãmis keskabuki”, itã

Lucas 10:29

ibubis penũ ishũ Jesus yukakĩ: —Ẽ habube hiwearã, tsuabumẽ?— aka

Lucas 15:2

uĩkĩ Moisés keneni txibãhairamis fariseubu inũ Deusũ hãtxa kenenibu yusĩnanãmisbũ Jesus yuaĩ yuinamekĩ yuikĩ: —Ha huninã, yura txakabũ Moisés keneni txibaĩsbuma beya wakĩ hatubetã pikiki— ikaibu

Lucas 16:15

Jesusũ hatu yuikĩ: —Maturã, bemakis pepakĩ hunibu parãkĩ mã hatu kẽwãmamiski. Hakia Deusũ matũ xinã unãmiski. Ha inũ, kẽkĩ hawara yurabũ abuai Deusũ danãmiski— iwanã,

Lucas 18:11

Haskakaĩ fariseu nia naiuri besushũ Deus dayuikĩ: “Deusuũ, yura betsabu keskama ẽ pewẽ taeshũ ẽ mia kẽwaiĩ. Yumetsumisbu inũ, parananãmisbu inũ, txutanamebaũmisbu inũ, ha pei bishunika txakabu ẽ hatu keskamaki.

Lucas 19:7

haska wabainai dasibibũ uĩtã Jesus yuãkĩ: “Huni txakabu anu ushai kashuki”, ikaibũ

Lucas 7:39

Jesus hatũ iatũ uĩtã Jesuskiri xinãkĩ: “Deus nuku yuishunika kayabitunã ha aĩbũ hawẽ tae meairã aĩbu txakabukũkaĩmis unãkeanaii”, ikaya

João 8:48

hanushũ judeu shanẽ ibubũ Jesus yuikĩ: —Eska nũ mia yuiaii. Mĩ yushĩ txakabu haya dikabia mĩ Samarianawaki, unaĩsmaparã— akabu

João 9:28

kũyã akĩ hãtxa kuxipawẽ yuikĩ: —Mĩ hawẽ tsumaki. Nukunã, nũ Moisés txibãpakeaii.

João 9:34

hanũkaĩ ana sinatahairakĩ yuikĩ: —Mia bekũ txakabuhaira mĩ kaĩniwẽ taeshũ mĩ nuku yusĩtirumaki. Kariwe— atã hau ana hatube itxayamashanũ nematã nitxĩnibukiaki.

Hechos 22:21

ẽ Shanẽ Ibũ ea nemakĩ: “Txaihaira yurabu betsa betsapa judeubuma anu ẽ mia yunuaii. Hari karitãshãwẽ!” ea waniki— hatu wai

Romanos 10:3

Hakia haska Deusũ nuku pepawamis ha txibãkĩ ikũwãma hatũ xinã besti txibaĩ keĩ ibubis pepai beparamei shabakabi kẽmisbuki, Deusũ besti tsuara ma pewashũ hakiri pe besti yuitiru unãmarã.

Romanos 14:10

Hanushũ Deusũ yuikĩ: “Ẽ hãtxa txanima matu yuinũ nĩkakãwẽ. Yura dasibibu unãtã ẽ hatu kupiaya dãti itã ea kẽwãkĩ haska ea besti kuxipahairatũ ẽ hatu kupiaya ea yuiakeakeshãkanikiki”, aka hawẽ hãtxa yuishunikatũ keneniki. Haskawẽ taeshũ tsuabũra Jesus txibaĩ betsabu hatukiri nũ hatu yuaĩbu inũ tsuabũra Jesus txibaĩ betsabu nũ hatu danãmisbu nũ haska hatukiri hãtxamis Deus bebũ nia nũ haki txaniaya nuku tibi unãti wakeakeshanaiwẽ taea nukubetã Jesus ikũwaĩbu ana hatu yuãkĩ danãyamakubainãkãwẽ, nukũmebirã.

Romanos 14:3

Ha inũ, haratubũra hamapai piti betsa betsapa danãma pimisbũ ikũwaĩ betsabũri piti betsa danaĩbu hatu ha akĩ dakewayamariakubaĩkãwẽ. Haska inũ, habiaskari wakĩ yura betsabũ hamapai betsa betsapa pimisbu haratubũra piti betsa danaĩbũ hatu ha akĩ dakewariayamakubaĩkãwẽ, Deusũ hawa hatu danaĩsmawẽ taeshunã.

Romanos 7:9

Haska inũ, Deusũ yunuti inũ hawẽ nemati ẽ tapĩriama ẽ hiwei pea keska ẽ ikũkainiki, haska wakĩ Deusũ ea kupishanai unãriamarã. Hakia hawẽ yusĩa ẽ ma tapiãyã ẽ xinã txakabũ ea hiwematxakashũ yunumis hatũ tenãkĩ ea benui kai ẽ unãniki.