Isaías 65:5 - Kaxinawá Bíblia (BR)

⁵ Na enabu pepamabia mapubaũkĩ hatu yuikĩ: ‘Earã, ẽ meribihaira Deusunaki. Neri eki kematã ea mekĩ metsayamakãwẽ’, ibiairã, ha huniburã, txi ketiãbu bari txaitanai hi ikĩ hawẽ kuĩwẽ ea detxeshãwãmis keskabuki”, itã

Isaías 65:5 Referencias Cruzadas

Provérbios 10:26

Huni txikishbu hawẽ tsumapã hatu yunubia ashuaĩsmarã, bimi bũkash piabu hatũ sheta mashesh wakĩ txakabuwamis keska inũ, txi kuĩmã hawẽ beru hatu betxeshkĩ txeshãwãmis keskabuki, tsuã hatu betxipaiamarã.

Provérbios 16:5

Ibubis kẽkubaĩmisbu Senhor Deusũ betxipaiama hatu kupikinã, betsabu hawaira kupikĩ inũ betsabu manakubaĩkĩ hatu kupimiski, hatũ txakabu binumamarã.

Mateus 9:11

fariseubũ uĩkĩ Jesusũ tsumabu yukakĩ: —Haskakĩ matũ yusĩnã pei bishũmisbu txakabubu inũ nukũ hãtxa nĩkaisbumabetã pimẽkaĩ? Txakabuki— akaibũ

Lucas 15:2

uĩkĩ Moisés keneni txibãhairamis fariseubu inũ Deusũ hãtxa kenenibu yusĩnanãmisbũ Jesus yuaĩ yuinamekĩ yuikĩ: —Ha huninã, yura txakabũ Moisés keneni txibaĩsbuma beya wakĩ hatubetã pikiki— ikaibu

Lucas 5:30

Deusũ yunuti inũ hawẽ nemati yusĩnanãmisbu inũ fariseubũ Jesusũ hatubetã piai uĩkĩ yuãkĩ haki txiti ikabu yukakĩ: —Haskakĩ matũ yusĩnã pei bishunika txakabubu inũ nuku nĩkaisbumabetã pimẽkaĩ? Txakabuhairabubĩ!— ikaibu

Lucas 7:39

Jesus hatũ iatũ uĩtã Jesuskiri xinãkĩ: “Deus nuku yuishunika kayabitunã ha aĩbũ hawẽ tae meairã aĩbu txakabukũkaĩmis unãkeanaii”, ikaya

Santiago 4:6

Hakia hamapai tibi nũ akairã, hawẽ pepawẽ nuku merabewakĩ binumaikiki. Haska hawẽ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

1 Pedro 5:5

Habiaskariakĩ habuã mã hatu txibaĩbuũ, mekenikabũ matu yusĩkĩ yunumis nĩkatã hatũ hãtxa txibãkubaĩkãwẽ. Dasibi mã habũ ikũwaĩburã, babutã keãma nĩkakanãkubaĩkãwẽ, eskawẽ taearã. Deusũ hãtxa yuishunikatũ kenekĩ: “Tsuabũra yuikĩ: ‘Hamapai betsa betsapa emebi ẽ atiruki’, ikĩ keaĩburã, Deusũ hatu beshtemiski. Hamẽ tsuabura babutã yuikĩ: ‘Deusũ besti ea merabewaya hawara txakabu hawẽ pepawẽ besti ẽ daĩbaĩtiruki’, ikaibu duawakĩ habu merabewakubaĩmiski”, iniki.

Judas 1:19

txanima na habiatiã ha yusĩnãnaĩ parananaĩ kashekenaĩbũ Deus xinãma ibubis hatũ kemuti xinã txibãkĩ ikũwaĩbu tari pashkakĩ Deusũ Yushĩuma wakĩ hatu akanikiki.