Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya
João 16:16 - Kaxinawá Bíblia (BR) —Haskaira hatishuĩra ka ẽ hari i iyamaki. Hakia samamahaira nũ ana uĩnanãshãkanaii— nuku wa Kashinawa : Diosun Jesúswen taexun yuba bena yiniki —Jaskaida jatixuinda ka en jadi i iyamaki. Jakia samamajaida nun ana uinananxankanaii— nuku wa |
Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya
Jesusũ ana hatu yuikĩ: —Ana usha eskarabesi Deuskiri unãmanika shaba keskarã, matube hiweyuikiki. Haskayuaya na hãtxa nĩkai hiweyukãwẽ. Hamẽ bĩ nukawa keskai ma ẽ kakẽ tsuabũra unãriabuma mexũ atxia keskai hanira baiwẽ kai bai unãma mã meshtãtirubumaki. Unaĩrakãwẽ.
mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ
—Ẽ bake kayabibuũ, ana hatishuĩra ẽ matube niamaki. Hakia usha eskarabes ka ea benakĩ mã ea betxiama ishanaii. Haska judeu shanẽ ibubu ẽ yuixina keskarã, ẽ maturi yuiai ea nĩkakãwẽ. Hanu ẽ kai anu mã katirumaki.
Tsuamẽ, Deuskiri txakabu hayamarã? Ẽ eaki, ẽ Epa anu ẽ kakẽ mã ana ea uĩyama ishanairã.
Habiaskariai ikis mã punu nukaki. Hakia ẽ ana huaya mã benimahairaya matũ benima pae tsuã matu mebĩtirubumaki.
Hamẽ ẽ Epa Deusũ besuuria kaĩkirani na mai anu yurabube hiwenũ ika ẽ huni haska ea yununi menetã natiã ana hawẽri kakĩ na yurabu ẽ henebainaii— nuku waya
Hakia natianã, hatũ ea yununi anu ẽ samama kaiwẽ taeshũ ikis ẽ matu yuishuki. Ẽ matu yuia nĩkatã matũmebi xinaĩ huĩti nixmashũ: “Hani mĩ kashanai?” mã ea wamaki.
Mianu kakatsi ẽ benimahairaii. Ẽ hatu putabaĩriama hau habũ ea nĩkakĩ habias ẽ benimai keskai hau irianũbũ ẽ mibe hãtxaii.
Epaã, eskatianã, mai nũ damiwariama mĩ besuũbia ẽ shanẽ ibui taeaitiã ẽ txashakapa hawẽrua hayani keska habias ea inãshãwẽ.
hanushũ mapuabu Jesusũ ana hatu yuikĩ: —Haskaira ea wayamakãwẽ, usha eskarabes besti matube ẽ iyuairã. Hanua hatũ ea yununi anu ẽ ana txĩtũshanairã.
Hanua ma mawabiaxina besteĩmashũ hawẽ yura kayabi ana shabakabi hatu kayatiwamakĩ hau unãtihairawanũbũ shaba 40 dia hatu uĩmakĩ haskai Deus nuku shanẽ ibushũshanaikiri hatu hãtxa wakubainikiaki.
Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.