Hebreus 12:2 - Kaxinawá Bíblia (BR)

² Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Kashinawa : Diosun Jesúswen taexun yuba bena yiniki

² Cristo nuku ixuni jakidi dukun unankin shinankubainankanwen. Jabun nun ikunwainbu nun jaki chiti ikabu jatunan ma nuku pewaxunkubainikiki. Jaskawen taea Jesús cruzkia nuitapaidan, ja ichakawakin nuitapawaibu jawen dake shinanma nuku mawaxuniki. Jaskaidan, nuitapawabiabu mawakin binutan benima paepayabi jawen Epan xanen ibu tsauti yusiudi jabe xanen ibui tsauxanai unain iniki.

Hebreus 12:2 Referencias Cruzadas

Salmos 110:1

Deus kushipa dasibi binuatũ ẽ shanẽ ibu yuikĩ: “Miki sinataibu ẽ hatu maemariama manai ẽ yusiuri tsauyuwe, mĩ tae hanakĩ hatuki kẽyãtanã.”

Isaías 31:1

Tsuabũra mã Egito anu merabe yukai mã buaiburã, mã peirashãkãwã! Cavalo itxapa mã hayatiru inũ, haki tarãbaĩti itxapa mã hayatiru inũ, cavaloki katsaumebaĩmisbu mirima mã hayawẽ taea ana tsuki dateama haki txiti itã shinãkĩ mã ikũwãtirubia harã, hamẽki, Israelĩ Deus meribi anu txĩtũkĩ mã shinã betsa wai uĩmakĩ benakatsi ikamarã.

Isaías 45:22

Mai kesua anu hiwebaunabuũ, ea anu bekãwẽ, matu mekekĩ ẽ matu piskumashanairã. Earã, ẽ Deuski, ea keska betsa hayamarã.

Isaías 53:3

Yurabũ hakiri txakabu shinãkĩ danãshãkanikiki, ha hunĩ isĩ betsa betsapa mekĩ beyawai nuitapairã. Tsua dabanẽ hawa unãma uĩsma akawakĩ nukubũ nũ danãshanaii.

Isaías 8:17

Senhor Deusũ hawẽ hãtxa Jacó enabukiri hunebiaya eanã, ikũwaĩ ẽ haki txiti ikaii.

Miquéias 7:7

Hakia merabe ẽ yuka ea nĩkashanaiwẽ taeshũ ea hatũ piskumashanai Senhor Deus manakakĩ Deus besti huai ẽ manakubaĩshanaii.

Números 21:9

nĩkashũ bronze mane tashipa dami wakĩ dunu keska Moisĩ ashũ txibu keyatapa mamaki anu puẽtã nitxĩkĩ dũtãkẽ tsuabura dunũ pikĩ bisha ha dunu dami dunua uiĩ shushakubainibukiaki, ana mawamarã.

Mateus 16:21

hanua Jerusalém anu ka haska washanaibu nuku yusĩkĩ taewakĩ: —Eki sinatakĩ ea itxakawakĩ judeu shanẽ ibubu inũ, Deusbe nukunabu hãtxashunikabu inũ, Deusũ hãtxa kenenibu yusĩnanãmisbũ ea danãkĩ itxakawakĩ ea hatu tenãmabu shaba dabe inũ bestitiã ẽ ana bestẽshanaii— akĩ

Mateus 20:28

Hamẽ ea iki huirã, ẽ matũ Hutxi Kayabi Iuwabiarã, hau ea duawanũbũ ika ẽ huamaki. Hakia matu debushũkĩ yura itxapabu benuabu meshpamatã matu hiwemanũ ika ẽ huniki— nuku waniki.

Marcos 16:19

Shanẽ Ibu Jesus hatube hãtxai meneaya hanushũ Deusũ nai anu ainitã hawẽ yusiuri tsaumaya

Marcos 9:12

hatu kemakĩ: —Txanima Elias bebũkiri ana hushũ dasibi benawakĩ pewakĩ taewaimaki. Ha dikabi, Deusũ hãtxa yuishunikabũ kenekĩ: “Deusũ bake hatũ Hutxi Kayabi Iuwarã, habũ danãkĩ itxakawabu nuitapashanikiki”, arianibuki.

Marcos 9:24

hawaira hawẽ epã unãshubima yuikĩ: —Ẽ mia ikũwaiĩ. Ana ẽ ikũhairawanũ uĩmakĩ ea merabewawe— aka

Lucas 17:5

hawẽ tsuma kuxipayabũ Jesus ea akĩ yuikĩ: —Nũ mia ikũwãbiaya ana ikũhairawati kuxipa nuku inãwẽ— akabu

Lucas 23:11

Jesusũ hawa ha yukaikiri hatube hãtxama kutashna nikẽ hawẽ soldadobubetã Herodesĩ Jesus itxakawakĩ kashe wakĩ betsa betsapa watã shanẽ ibu keska wakĩ tima tari hawẽrua sawematã hawawẽ haska watima ana hawẽri Herodesĩ Pilatos anu Jesus yunua iyuabu

Lucas 24:26

Nukũ merabenã Messias shanẽ iburiama hau haskai yumaĩ kanũ Epa Deusũ yununiki— iwanã,

João 1:29

Hanua ushaxini bestẽtã maniabũ Jesus huai txaima betxitã metukĩ Joãonẽ hatu yuikĩ: —Uĩkãwẽ. Deus daewakĩ hatũ txashuwã bake menumisbu keska wai yurabu dasibibũ txakabu hatũ hatu buashũkĩ Deus nuku daewashũti ma huikiki.

João 12:24

Ikũ ẽ matu yuiaii. Heshe mai merã banama hawa bimitirumaki. Hakia mai uke merã bana hawẽ nami txapui dami hukuĩ yumetã bimihairamiski. Earã, ẽ haska keskayuaii.

João 12:32

Mai anushũ ea binikĩ sanãkĩ nitxĩmabũ haskawẽ taeshũ dasibibu ninia keska wakĩ ea anu ẽ hatu iweshanaii, hau itxapabũ ea ikũwanũbunã— iwanã,

João 13:3

mai hirabi anua dasibi Epa Deusũ Jesus shanẽ ibumakatsi yununi Deus anua huni ana hawẽri txĩtũ kaĩshanai Jesusũ unaĩ

João 6:40

Dasibibũ Deusũ bake xinãkubaĩkĩ ikũwaĩ hiwekuĩa ma hayabuwẽ taeshũ hawẽ heneai shabatiã ẽ hatu bestẽwãshanaii, haska ẽ Epã xinaĩ yubakani keska meneshũkinã— hatu wakĩ

João 8:56

Yurabube hiwei ẽ huai uĩkatsi manakai ikũwaĩ matũ shenipabu Abraão benimaniki. Atimas ea uĩtã xinã txãkaĩ benimahairaniki— hatu wa

Hechos 2:36

—Israelbu dasibibuũ, txanima matu shabakabi xinãmanũ ea nĩkakãwẽ. Ha habias Jesus cruz anu mã hatu mastamaimarã, Deusũ bestẽwãtã nukũ Shanẽ Ibu kayabi nuku washuĩmaki, hawẽ Messias Cristorã— hatu wa

Hechos 3:15

Haska wakĩ hatũ nuku hiwekuĩmashanai mã hatu tenãmabia mawa Deusũ ana nuku bestẽwãshuĩma nukubũ uĩkubainimashũ nũ unaiĩ.

Hechos 5:31

Deusũ haska watã nai anu ainitã hawẽ yusiuri nuku tsaũshunimakẽ ha nukũ mekenã inũ nukũ yusĩnã nũ ma hayaki. Haskawẽ taea nũ Israelbu shukua tibi tsuabũra nukũ txakabu henetã Deus anu txĩtuĩ nũ xinã betsaibu nuku hawenabu wakĩ Deusũ nukũ txakabu buatã ana xinãmaki.

Hechos 5:41

shanẽ ibubũ besuuria Jesusũ kuxipayabu kaĩbaini yuinamei: “Hawẽ bake Jesus Cristõ kakapekiri nũ yusĩayã Deusũ hawẽ nuku unãti watã nuku duawakatsi hatu yunua habuwẽ datei nũ beshtekẽnũ nuku akanikiki”, iki benimabaini buxĩshũ

1 Coríntios 1:18

Yurabũ txakabu buanũ ika cruz anua Cristo mawatã ana besteni ikũwaĩ nũ hawenabuwẽ taeshũ nũ habu Deusũ hawẽ kuxipawẽ nuku mekeshanai nũ ma unãyã, haska xinãma yura betsabũ yuikĩ: “Nuku tatima yuimisburã!”, habũ Jesus haibuwakatsi ikama nukũ yusĩa danãmisbuwẽ taea habu mawa kayabi teneshãkanikiki.

Efésios 2:16

Cristo hamebi haska nuku dasi wakatsi meneirã, nũ ha shuku dabe sinatai nũ danãnanãrabei hiwemis Cristo cruzkia mawakĩ Deus nukuki sinatai nuku ha dabe daewashuniki, nũ judeubu inũ mã judeubumarã. Nuku haska wakĩ nuku yura bestitxai keska waniki.

Efésios 5:2

Haska inũ, Cristõ nuku abukĩ Deus duawanũ ika Deusũ kupiti nuku bishuĩ mawai inĩti hawẽrua keska puekĩ Deus benimawanikẽ haska Cristo nuku ishuni keskariakĩ nukubetã ikũwaĩbu dasibibube nui abunamei hiwekubaĩkãwẽ.

Filipenses 1:6

Eã ẽ matukiri xinãnã, haska Deusũ hawẽ daya matu anushũ taewanishũ haska abuai keska mã ikũwaĩ Jesusũ matu hiwemakubaĩkĩ niti akama matu pepa wakubaĩshanikiki, hanu Jesus Cristo txĩtũkiranaitianã.

Filipenses 3:20

Hakia nuku ikirã, nũ haskamaki. Nukũ mae kayabi nai anuki. Haska nũ manakaiburã, nukũ mekenika nukũ Shanẽ Ibu Jesus Cristo ana hushanai nũ manakakubainaii.

2 Timóteo 4:8

Natiã ẽ dayashũkũkaĩmiswẽ taeshũ haska hayanũ ika ẽ imis ẽ maiti manakuti pepa Deusũ ea mekeshũkubaĩmis bari hawẽ heneaitiã hãtxa pewanika duapatũ Jesus Cristõ ea inãshanai ẽ manaii. Haska wakinã, ea besti inãma dasibi habũ Jesus Cristo ana txĩtũkirãshanai abukĩ manaiburi hatu inãshanikiki.

Hebreus 1:13

Hanushũ Deusũ hawẽ nai tsumabu betsa eska hatu yuitaskama iniki: “Miki sinatakĩ mia danaĩbu kupikĩ ẽ hatu mia maemakĩ keyumariama manai ẽ yusiuri tsauyuwe”, aki hawẽ bakekiri besti hãtxanikiaki, hawẽ nai tsumabukiri yuiamarã.

Hebreus 1:3

Hawẽ Epã kuxipaya txashakapa hawẽrua keskaritũ dasibi betsa betsapa damiwani hawẽ hãtxa kuxipawẽ mekekubaĩmiski, hau hawa benuyamanũbunã. Ha inũ, hawẽ Epa nuku daewashuni mawakĩ nukũ txakabu buatã hawẽ Epa kuxipahaira dasibi binu keyuatũ yusiuri tsauwa nai anua ma habe shanẽ ibukũkainikiaki.

Hebreus 10:14

Jesus Cristõ hawẽ hiwea besti wakĩ Deus inãkĩ ma dasibi pehairawai mawaniwẽ taea tsuabura Deusũ ma hatu pewani ma meribi hiweshũkanikiki.

Hebreus 10:33

Hanushũ hatiri matubi itxakĩ mirimabũ uĩaĩbũ bika betsa betsapawẽ matu memaibũ hanua betsabu ha nuitapaibube hatuki dasishũ hẽ iyamai dateama mã hatu merabewakubainibuki.

Hebreus 11:36

Ha inũ, betsabũ Deusũ hãtxa ikũwãmisbu nuitapawakĩ hatu kashewakĩ betsabu kuxa kuxa akĩ betsabu mane dispiwẽ neshatã hatu bitximapaunibukiaki.

Hebreus 12:3

Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Hebreus 13:13

Haskakẽ Jesus anibu keska wakĩ nukuri nuitapa wakĩ dakewaibu ha bai Jesusũ nuku tatesshũbaini txibãkĩ judeubũ beya ana xinãma nuitapabiai dakeama ikubainãkãwẽ.

Hebreus 5:9

Haskai pepakũkaini hawẽ besti hiwekuĩa bi nũ hawẽ pashatirubu nuku ishuĩ ha besti bai ikibi iniki, nũ habũ ikũwãkĩ txibãshanaibu nuku ishuĩnã.

Hebreus 7:19

Deusũ Moisés yunua hawẽ hãtxa keneni txibãbiai hatũ nuku pepawatirumakẽ hawẽ shãtukũ betsa yunukĩ nuku hawẽ yuba bena pehaira wakĩ ha txibaĩ haki dasitã Deusũ enabu kayabibu nũ hiweshanũbũ nuku ashuniki.

Hebreus 8:1

Nũ haska hakiri hãtxairã, nuku Deusbe hãtxashunika binua nũ ha xinã kaya wairã, nai anu hawẽ ibu Deusũ tsauti yusiuri nuku tsaushunaki.

Hebreus 9:28

Ha inũ, Cristo haska keskariai hawẽ hiweawẽ besti wai mawariakĩ Deus nuku inãshũkĩ nũ habũ ikũwãshanaibũ itxapabũ txakabu nuku buashuniki. Txipu ana ha katxu Cristo huirã, ana txakabu pewatanũ ika huama hakia nũ habũ manaka bestiabu nuku pasha watã mekẽnũ ika ana hushanikiki.

Santiago 2:1

Ẽ betsabu inũ ẽ puibuũ, betsarã, nukũ Shanẽ Ibu Jesus Cristo pepahaira mã ikũwaĩwẽ taeshũ yura tibiwẽ nuitxakai betsa katukĩ betsa danãyamakubaĩkãwẽ.

1 Pedro 3:18

Hakia Cristo pepabia nũ txakabuwẽ taea nukuwẽ nui nukũ txakabu buanũ ika bestiwai ana mawatimai nuku mawashuniki. Cristo hawa txakabuwamabia Deus yurabu mekemanũ ika nukũ txakabuwẽ nukuwẽ taea nuitapaniki. Hawẽ yura babu mawabiatã habias hawẽ yuraya ana mawatirumai hawẽ yushĩ besteni hiwekũkainikiki.

1 Pedro 3:22

Hanua Jesus mawa ana besteã nai anu ka hawẽ Epa Deusũ yusiuri tsauwa Deusũ nai tsumabu inũ shanẽ ibu kuxipa dasibibu Deusũ Jesus yununi Jesus shanẽ ibukĩ dasibibu hatu mekekubainikiki.

Judas 1:21

Haska inũ, Deus matuwẽ nuimis inũ matu putaisma unaĩ Jesus Cristo hanu hushanai mã manaiwẽ taea nukũ Shanẽ Ibu Jesus Cristo nukuwẽ dabanã ikĩ hiwekuĩa ikibi ika nuku inãshanikiki.

Apocalipse 1:11

tsuãra ea yuikĩ: “Hawara ẽ mia uĩmai unaki keneshũ Ásia mai pakea anu ha sete yusĩnanaĩ itxamisbu tibi anu bumashãwẽ, Éfeso anu inũ, Esmirna anu inũ, Pérgamo anu inũ, Tiatira anu inũ, Sardes anu inũ, Filadélfia anu inũ, Laodicéia anurã”, ea waya

Apocalipse 1:17

Haska uĩ hawẽ tae namã mawa keskai tsistikaĩ ẽ tĩ ika daka hawẽ mekẽ yusiuri ea mekĩ yuikĩ: “Dateyamawe. Earã, ea dukũ ẽ hiweni inũ ẽ hawẽ henea debesekeaki.

Apocalipse 1:8

Hanua mai hayariama nukũ Shanẽ Ibu Deus dasibi kuxipahaira hiwea haya inũ, natiã hiwekũkainai inũ, ana hushanaitũ ea yuikĩ: “Ea dukũ ẽ hiweni inũ ẽ hawẽ henea debesekeaki”, ea washuki.

Apocalipse 2:8

Ana Jesusũ ea yuikĩ: “Ha hatũ Deusũ hãtxa yuinika Esmirna anu itxamisbu mekea anu na hãtxa ẽ mia yuiai keneshũriwe: ‘Earã, ea dukũ ẽ hiweni inũ ẽ hawẽ henea debesekeaki. Mawabiatã ẽ ana bestẽni ẽ hiweatũ ẽ matu yuiai nĩkakãwẽ.