Hebreus 12:3 - Kaxinawá Bíblia (BR)

³ Ha inũ, yurabu hatu merabewakĩ hatu uĩmabia habũ ikũwãkatsi ikama huni txakabubũ Jesus itxakawabu yumãbiakĩ hawẽ Epã yunuti hãtxa Jesusũ heneama ini haska keska xinãkubaĩkãwẽ, Jesus ikũwaĩ punu nukai Deusũ baiwẽ kabiai mã beshtekeyamakubaĩshanũbunã.

Kashinawa : Diosun Jesúswen taexun yuba bena yiniki

³ Ja inun, yudabu jatu medabewakin jatu uinmabia jabun ikunwankatsi ikama juni chakabubun Jesús ichakawabu yumanbiakin jawen Epan yunuti jancha Jesúsun jeneama ini jaska keska shinankubainkanwen, Jesús ikunwain punu nukai Diosun baiwen kabiai man bextekeyamakubainxanunbunan.

Hebreus 12:3 Referencias Cruzadas

Isaías 50:4

Habu nuitapai punu nukabu ea Isaíasĩ ẽ hatu merabewakĩ benimawashanũ Senhor Deusũ ea unanepa watã ea yununiki. Ẽ shabakabi pe nĩkakubainũ merabewakĩ shaba tibi Deusũ ea pe yusĩkubaĩmiski.

Mateus 11:19

Hanua eari matũ Hutxi Kayabi Iuwa hushũ misi pepa pikĩ vinho paepa aki ẽ matube nawabiakũkainaya ea yuãkĩ: “Uĩwẽ. Pikeki. Paẽkĩ Romano pei bishunika txakabubu inũ yura txakabu betsabu haibu wamiski”, ikĩ mã eari yuãmiski. Hamẽ nuku dabe nũ pepabiakẽ Deusunabu kayabibu besti unãnepakĩ habũ nukũ yusĩa nĩkatã nuku txibãkanikiki— iwanã,

Mateus 12:24

hakia fariseubũ hatũ hãtxa nĩkakĩ yuikĩ: —Haskamaki. Na hunirã, yushĩ txakabu shanẽ ibu Belzebũ kuxipa hayaki. Haska bestiwẽ taeshũ yushĩ txakabu hatu kaĩmaikiki— hatu waibũ

Mateus 15:2

—Nukũ shenipabũ beya txibãkĩ piriama nũ mepanui taemiski. Haskakĩ mĩ tsumabũ nukũ shenipabũ beya txibãma mepanuama pikanimẽkaĩ?— akabu

Mateus 21:23

hanua Templo hemaĩtĩ anu hikishũ Jesusũ yura itxapabu kakape yuikĩ hatu yusĩayã Deusbe nukunabu hãtxashunika shanẽ ibubu inũ shanẽ ibu betsabũ Jesus nemanũ ika beshũ yukakĩ: —Na mĩ eska wairã, tsuã hawẽ kuxipa mia yunuimawẽ mĩ aki ikai? Tsuã hawẽ kuxipa mia inaĩmamẽ, mĩ haska wanunã?— akabu

Mateus 21:46

Jesus atxikatsis ibiai yurã kaiãnẽ: “Jesus Deusũ hãtxa yuishunikaki”, ikaibuki datekĩ hawa atxiyuabumakẽ

Mateus 22:15

hanua fariseubu Jesusũ hatu haska yuia nĩkatã bua: “Hawawẽ taeshũ haska washũ Jesus parãtã Romano shanẽ ibu anushũ nũ txitetirumẽkaĩ”, ika yubakatã

Lucas 14:1

Ana huĩrukũti betsatiã fariseu shanẽ ibũ hiwe anushũ Jesusũ habetã piaya fariseu betsabũ uĩaĩbũ

Lucas 15:2

uĩkĩ Moisés keneni txibãhairamis fariseubu inũ Deusũ hãtxa kenenibu yusĩnanãmisbũ Jesus yuaĩ yuinamekĩ yuikĩ: —Ha huninã, yura txakabũ Moisés keneni txibaĩsbuma beya wakĩ hatubetã pikiki— ikaibu

Lucas 16:14

fariseubu peiwẽ kemukĩ abumisbũ Jesusũ yusĩa nĩkakĩ kashe wakĩ usaĩbu

Lucas 2:34

hanushũ Simeãonẽ hatu yuikĩ: —Deusũ hau matu duawakubaĩshanũwẽ— iwanã, Maria besti yuikĩ: —Na bakerã, hawẽ yura Israelbu unãti wakatsi Deusũ katuniki. Hawẽ yusĩa nĩkatã hatiritũ xinã betsa watã txibaĩbũ inũ hatiritũ xinã betsa wama danãkubaĩshãkanikiki. Mĩ bake danãkĩ nupe kenuhairawẽ mĩ huĩti txatxia keska wakĩ mia yumãwãkĩ mia nuitapawashãkanikiki— anikiaki.

Lucas 5:21

Moisés hãtxa hatu yusĩmisbu inũ fariseubũ nĩkatã Jesuski sinatai hune yuinamei: “Ha huni txakabuki. Dasibi nuku paraĩ Deus keskakatsi ikikiki. Deusũ besti hawẽ txakabu buatiruki”, ikaibũ

João 10:20

betsabũ yuikĩ: —Yushĩ txakabu haya patapaki. Haskakĩ nũ nĩkakubaini ikanai?— hatu waibũ

João 18:22

hari Jesusũ kemaya Templo mekenika betsa Jesus dapi nishũ mekẽ petxiuri kepais akĩ yuikĩ: —Nukũ shanẽ ibuhaira haska yuiyamawe— aka

João 5:16

huĩrukũtitiã Jesusũ shushawawẽ taea haki sinatakĩ judeu shanẽ ibubũ Jesus danãkĩ yuaĩbũ

João 7:12

yurã kaiã Jesuskiri hãtxai yuinamei betsa betsapabũ hakiri yuikĩ: —Harã, huni txakabuma pepaki— akaibũ betsabũri yuikĩ: —Haskamaki. Huni pemaki. Nukunabu parãmiskiaki— ariaibũ

João 8:13

hanua fariseubũ haskai nĩkai haki sinatakĩ yuikĩ: —Mimebi keĩ mĩ pepairã, hawa kuxipa mĩ hayamaki— akaibu

João 8:52

hanua habu Jesuski sinatakĩ yuikĩ: —Txanima mĩ yushĩ txakabu hayaki. Nukũ shenipabu pepa Abraão inũ Deus hãtxashunika dasibiburi mawakubainibuki. Hakia: “Tsuãra ẽ hãtxa nĩkai mawama ishãkanikiki”, ikĩ mĩ yuiairã, shanẽ ibukĩ mĩ hatu binũkĩ keyua iki ikai? Miarã mĩ tsua iki ikai, haska xinaĩ ibubis keĩnã?— akabu

João 8:59

detekatsi ikĩ mixki ture biake biaketã tsakapanãbũ mapubaunabu anu hunei naxui itã Templo anua kaĩkaini

João 9:40

fariseu betsabũ habetã nĩkatã Jesus yukakĩ: —Nũ uĩyama nũ bekũ keska mĩ nuku xinaĩ?— akabu

1 Coríntios 15:58

Haskakẽ ẽ betsabu inũ ẽ puibuũ, hawara nukũ Shanẽ Ibũ matu yunua heneama akĩ mã hamẽ dayama mã unaĩwẽ taea Jesus txibaĩ txĩtuãma xinã betsa wama nukũ Shanẽ Ibuki shukua pehaira dayakĩ apakekãwẽ.

2 Coríntios 4:1

Haskakẽ Deus nukuwẽ dabanã ikĩ hawẽ yuba benakiri nũ yusĩnũ ishũ nuku yununiwẽ taea hawẽ babui punu nukai nũ beshtekeisbumaki.

2 Coríntios 4:16

Hawara bika shabakabi mekĩ nũ teneai hawaira keyushanaiwẽ nuiama haska Deusũ mekekĩ niti akama nuku habe hiwemashanai uĩriamabia xinãkĩ nũ uĩkatsis ikaii, ikibi ika hunea keskarã. Ha inũ, natiã na hiweawẽ nũ hiweairã, bikaixta nũ teneai hawama keskaki, hawaira hayabiatã keyumisrã. Hakia haska hawẽ taea nũ bika teneairã, Deusũ pewẽ kupikĩ nuku benimawatxakayamashanai akũhaira bikatsi nũ manaii. Haskakẽ nukũ yura ewanai babui mawabiaya bari tibi Deusũ nukũ hiwea tibi uke meranua nuku benawakubainaya punu nukai nũ txĩtũtirubumaki.

Gálatas 6:9

Haskakẽ pepakũkaĩkĩ heneyamanãkãwẽ. Hatiara Deusũ hanu kupiaitiã merabenãkĩ pepawakubaĩkĩ nũ heneamakẽ Deusũ duawakĩ pepawẽri nuku kupishanikiki.

2 Tesalonicenses 3:13

Ẽ betsabu inũ ẽ puibuũ, hawara daya pepa aki mã hawẽ hiwemis akirã, punu nukai hĩ ikĩ heneyamakãwẽ.

Hebreus 12:2

Cristo nuku ishuni hakiri dukũ unãkĩ xinãkubainãkãwẽ. Habũ nũ ikũwaĩbu nũ haki txiti ikabu hatunã ma nuku pewashũkubainikiki. Haskawẽ taea Jesus cruzkia nuitapairã, ha itxakawakĩ nuitapawaibu hawẽ dake xinãma nuku mawashuniki. Haskairã, nuitapawabiabu mawakĩ binutã benima paepayabi hawẽ Epã shanẽ ibu tsauti yusiuri habe shanẽ ibui tsaushanai unaĩ iniki.

Hebreus 12:5

Ha inũ, nũ hawẽ bakebu Deusũ nuku yusĩni mã hakimaii. Matũ shenipabu shanẽ ibu unãnepa Salomãonẽ eska hawẽ bakebu yuikĩ: “Ẽ bakebuũ, haska Deus matuwẽ nuikĩ matu pewamis matu yuinũ nĩkakãwẽ. Deusũ tsuabura abukĩ hawara bika tenemakĩ hatu kupimiski. Ha inũ, tsuabura Deusũ hawenabu wakĩ hatũ txakabu hatu unãmamiski, nũ ana ayamashanũbunã. Haskawẽ taeshũ hawara bikawẽ Deusũ matu unãmai danãyamakãwẽ. Ha dikabi, matu kũyã akaya punu nukariayamakãwẽ”, hatu haska wapauni na hãtxa hakimayamakãwẽ, Deusũ habias matu ana yuiai keska xinãkinã.

Hebreus 3:1

Nuku haska wakubainaiwẽ taea ẽ betsabu inũ ẽ puibuũ, nũ ikũwãshanũbũ Deusũ nuku kenakĩ katuniwẽ taea nũ hawenabuki. Haskakẽ Deusũ hawẽ bake hawẽ kuxipaya yununika wakĩ ha Deusbe nuku hãtxashunika Shanẽ Ibu Jesus Cristo dasibi betsabu hatu binunirã, ha besti xinãkubaĩkãwẽ.

1 Pedro 2:23

Hanushũ Cristo itxabiabu hatu bebis kemanamei hãtxama iniki. Isĩ tenemabiabu hawẽ hatu dateti hãtxa kuxipa tashnimama iniki. Hamẽ haskama Deusũ hatu unãti wakĩ txanima kaneismatũ hau mekekubainũ hawẽ hiwea hawẽ Epa Deus inãkubainiki.

Apocalipse 2:3

ẽ hãtxa heneama ea duawanũ ika ewẽ taea nuitapabiai punu nukai txĩtuãma mã txibãkubainai ẽ matu unaiĩ.

1 Samuel 12:24

Matuwẽ taeshũ haska Senhor Deusũ akubirãmis shinãhairakubaĩkĩ datekĩ txanima kayabi Senhor Deus besti kẽwãkubaĩshãkãwẽ, shinã betsa wamarã.